قازاقستان رەسپۋبليكاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ماڭعىستاۋ وبلىسى بويىنشا دەپارتامەنتى وسىنداي باستاما كوتەرىپ, بۇل جۇمىس جەرگىلىكتى جەرلەردە ىسكە اسىپ جاتىر.
اقتاۋ قالاسى اكىمدىگىندە وتكەن «مەملەكەتتىك قىزمەتتەر كورسەتۋ ماسەلەلەرى جونىندە ۆەدومستۆوارالىق جۇمىس توبىنىڭ» كوشپەلى وتىرىسىندا وسى ماسەلە ايتىلدى.
جيىنعا ۇلتتىق قاۋىپسىزدىك كوميتەتى شەكارا قىزمەتىنىڭ 2018 اسكەري ءبولىمى, ىشكى ىستەر دەپارتامەنتى, كاسىپكەرلەر مەن جەرگىلىكتى اتقارۋشى ورگانداردىڭ وكىلدەرى قاتىستى. دەپارتامەنت باسشىسىنىڭ ورىنباسارى ەرلەگەن مەنداليەۆ 2017 جىلى ۆەدومستۆوارالىق جۇمىس توبىنىڭ اتقارعان جۇمىستارى تۋرالى باياندادى.
سونىمەن قاتار, شاعىن كەمەلەردىڭ (قۇرالداردىڭ) جانە مۇز ۇستىمەن جىلجيتىن تەحنيكا تۇرلەرىنىڭ قازاقستان رەسپۋبليكاسىنىڭ اۋماقتىق سۋلارىنا (تەڭىزىنە) جانە ىشكى سۋلارىنا شىعۋعا رۇقساتتامالار بەرۋ ماسەلەسى دە تالقىعا ءتۇستى. اقتاۋ قالاسى اكىمدىگى بۇل ماسەلەنىڭ قازىر تىڭعىلىقتى زەردەلەنىپ جاتقانىن جەتكىزدى. وتىرىستا اقتاۋ قالالىق ءبىلىم ءبولىمى باسشىسىنىڭ كورسەتىلەتىن قىزمەت تۇرلەرىن جەتىلدىرۋ باعىتىنداعى ەسەبى دە تىڭدالدى.
بۇعان قوسا, ۆەدومستۆوارالىق جۇمىس توبىنىڭ مۇشەلەرى جانە وتىرىسقا قاتىسۋشىلارعا «مەملەكەتتىك قىزمەتشىنىڭ ادەبى جانە مىنەز-ق ۇلىق نورمالارىنىڭ جيىنتىعى» كىتاپشاسىنىڭ كۇندەلىكتى جۇمىستاعى ماڭىزدىلىعى ءتۇسىندىرىلدى. ۆەدومستۆوارالىق جۇمىس توبى كاسىپكەرلەرگە قولايلى جاعدايلار جاساۋ ماقساتىندا, مەملەكەتتىك ورگاندارعا قىزمەت ساپاسىن ارتتىرۋ بويىنشا ۇسىنىمدار ازىرلەندى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
