2018 جىلدىڭ 3-قاڭتارى كۇنى ۇكىمەتتىك ەمەس ۇيىمدارعا ارنالعان گرانتتاردى تاعايىنداۋ جوسپارىنا سايكەس, گرانتتار 11 الەۋمەتتىك ماڭىزى بار باعىتتا 87 تاقىرىپ بويىنشا جاريالانعان بولاتىن. 202 ۇكىمەتتىك ەمەس ۇيىمنان 352 ءوتىنىش ءتۇستى, قازىر ولار – بايقاۋ كوميسسياسىنىڭ قاراۋىندا. 87 تاقىرىپتىڭ ىشىنەن ءوتىنىم تۇسپەگەن نەمەسە وتىنىمدەر تالاپقا ساي بولماعان 23 تاقىرىپ بويىنشا قايتا بايقاۋ جاريالانىپ وتىر. بايقاۋ تۋرالى تولىق اقپاراتتى ورتالىقتىڭ رەسمي سايتىنان http://cisc.kz/media/news/1516/ سىلتەمەسى ارقىلى تابا الاسىزدار.
ەستەرىڭىزگە سالا كەتەيىك, قر ءدىن ىستەرى جانە ازاماتتىق قوعام مينيسترلىگىنىڭ قولداۋىمەن ازاماتتىق باستامالاردى قولداۋ, ازاماتتىق قوعام ينستيتۋتتارىنىڭ الەۋەتىن كوتەرۋ, الەۋمەتتىك ماڭىزدى ماسەلەلەردى شەشۋ ماقساتىندا 2016 جىلى «ازاماتتىق باستامالاردى قولداۋ ورتالىعى» كەاق قۇرىلعان بولاتىن. ورتالىق وپەراتور رەتىندە ۇكىمەتتىك ەمەس ۇيىمدارعا گرانت ءبولىپ, ونىڭ ساپالى جۇزەگە اسۋىن قاداعالايدى.
بارلىق سۇراقتار بويىنشا 8 7172 678 201, 8 777 880 2521 تەلەفونى, info@cisc.kz ەلەكتروندى پوشتاسى ارقىلى حابارلاسۋعا بولادى. رەسمي سايت: www.cisc.kz.
