قىتاي حالىق رەسپۋبليكاسىنىڭ توراعاسى سي ءتسزينپيندى قايتا سايلانۋىمەن ارنايى قۇتتىقتاۋدى كيم چەن ىن ءوزىنىڭ مىندەتى ەكەنىن ايتتى.
سونداي-اق, كيم چەن ىن ءوز سوزىندە سي ءتسزينپيننىڭ قىتاي كوممۋنيستىك پارتياسىنىڭ جانە كۇللى قىتاي حالقىنىڭ قولداۋىن الىپ, بىلىكتى باسشى رەتىندە قىتاي حالىق رەسپۋبليكاسىنىڭ جانە ورتالىق اسكەري كەڭەستىڭ توراعاسى لاۋازىمىنا سايلانعانىن اتادى. كيم چەن ىننىڭ ارناي كەلىپ قۇتتىقتاۋى ەكى ەل اراسىنداعى دوستىق نىشانداعى ءداستۇر ەكەن.
ءوز كەزەگىندە سولتۇستىك كورەيا باسشىسى وڭتۇستىك كورەيا اراسىنداعى كيكىلجىڭدى جويىپ, قارىم-قاتىناستى سەرىكتەستىككە ۇلاستىرىپ, ەكى ەل اراسىندا سامميت وتكىزۋدى جوسپارلاپ وتىرعانىن ايتتى.
«كورەيا حالىق دەموكراتيالىق رەسپۋبليكاسى اقش-پەن كەلىسسوز جۇرگىزىپ, اتالعان ءسامميتتى وتكىزۋگە دايىن», دەدى كيم چەن ىن.
سونىمەن قاتار, قىتاي ەلىنىڭ كوشباسشىسى سوڭعى جىلى كورەيا جارتى ارالىندا كوڭىل قۋانتارلىق وزگەرىستەردى بايقاعانىن جانە كحدر ۇسىنعان ماڭىزدى شەشىمدەردى قىتاي ەلى باعالايتىنىن ايتتى.
ء«بىز ەكەۋمىز دە, توراعا مىرزا جانە مەن, ەكى ەل اراسىنداعى دوستىق قارىم-قاتىناستىڭ دامۋىنا ات سالىسىپ, ونىڭ كۋاگەرى بولدىق. ەكى تاراپ تا بۇل دوستىقتىڭ تۇراقتى بولىپ ءارى قاراي ىلگەرى دامۋ كەرەكتىگىن ۇدايى ايتىپ كەلەمىز»,- دەدى سي تسزينپين.
كحدر باسشىسى 25-28 ناۋرىز ارالىعىندا قىتاي ەلىنە بەيرەسمي ساپار جاساعان. وسىعان دەيىن بۇل جاڭالىق قۇپيا ساقتالىپ كەلگەن. ساپارعا كيم چەن ىنمەن بىرگە ونىڭ ايەلى لي سول چجۋ دا كەلدى.
