ۇيىمداستىرۋشىلاردىڭ ايتۋىنشا, شارانى وتكىزۋ ارقىلى مەملەكەتتiك تiلدiڭ مارتەبەسiن ارتتىرۋ, ارۋلارىمىزدىڭ بويىنا ۇلتتىق سالت-ءداستۇردى ءسىڭىرۋ جانە قازاقتىڭ ادەت-عۇرىپتارىن ناسيحاتتاۋدى كوزدەگەن. بايقاۋعا قاتىسۋشىلار بار ونەرلەرiن بارىنشا اشىپ كورسەتۋگە تىرىستى. جينالعان قاۋىمدى ولاردىڭ ءبىرى ولەڭ جولدارىن مانەرلەپ وقۋىمەن تامساندىرسا, ال ەكىنشىلەرى مىڭ بۇرالعان بيىمەن تاڭعالدىرىپ جاتتى. سونىڭ ناتيجەسىندە ءبىرىنشى جۇلدەلى ورىنعا ج.مۋسين اتىنداعى قازاق پەداگوگيكا كوللەدجiنىڭ ستۋدەنتى فاريزا ەنشىلەس يە بولدى. ودان كەيىنگى ورىن ازاماتتىق قورعانىس كوپ سالالى كوللەدجىنىڭ ستۋدەنتى اياۋلىم كاميدوللينا مەن كوكشەتاۋ جوعارى مەديتسينالىق كوللەدجىنەن كەلگەن ديانا الپىسباەۆاعا بۇيىردى. ءۇشىنشى جۇلدەلى ورىندى اقان سەرى اتىنداعى مادەنيەت كوللەدجىنەن كەلگەن گۇلعايشا جاگسلاگ پەن №18 «ميراس» بالاباقشاسىنان گۇلزادا دالديەۆا الدى. قاتىسۋشىلار سونىمەن قاتار «پاراساتتى», «كورەرمەن كوزايىمى», «دارىندى» جانە ء«بىلىمدى» اتالىمدارى بويىنشا ماراپاتتالدى.
اسقار تۇراپباي ۇلى,
«ەگەمەن قازاقستان»
اقمولا وبلىسى
