پارلامەنت پالاتالارىنىڭ بىرلەسكەن وتىرىسىندا ەلباسى ەلىمىزدىڭ دامۋىن ودان ءارى ىلگەرىلەتەتىن, حالىقتىڭ ءال-اۋقاتى مەن ءومىر ساپاسىن جاقسارتاتىن ەسەپ-قيسابى مۇقيات جاسالعان ۇسىنىستارىن جاريالاپ, ۇدەمەلى جاڭعىرۋ جولىن بەلگىلەپ بەردى.
اۋقىمدى باعدارلاما بەس الەۋمەتتىك سالانى قامتىپ, كۇرمەۋى قيىن كۇردەلى ماسەلەلەردى شەشۋدىڭ باستى باعىتتارىن ايقىنداپ بەردى. ءبىرىنشى باستامادا ءاربىر وتباسىنا باسپانا الۋدىڭ جاڭا مۇمكىندىكتەرى ناقتى قاراستىرىلىپ, «7 – 20 – 25» باعدارلاماسى ۇسىنىلدى. ەندى ول بويىنشا ءاربىر قازاقستاندىق ءۇشىن قولجەتىمدى پاتەرگە قول جەتكىزۋدىڭ مۇمكىندىگى ارتارى ءسوزسىز. وبلىس ورتالىعىنىڭ وزىندە عانا 13 مىڭعا جۋىق ادام ءۇي كەزەگىندە تۇر. سوڭعى جىلدارى «نۇرلى جول» باعدارلاماسى شەڭبەرىندە قۇرىلىس يندۋسترياسىن دامىتۋعا باسا ءمان بەرىلىپ, تەك بيىلدىڭ وزىندە 1660 پاتەرگە لايىقتالعان 15 ءۇي تۇرعىزىلادى. ولاردىڭ 400-ءى كوپ بالالى انالارعا, جارىمجان جاندارعا بەرىلەدى.
جاڭا شاعىن اۋداندار بوي كوتەردى. قۇرىلىس سالاسىنا جاڭا تەحنولوگيالاردى ەنگىزۋدىڭ ناتيجەسىندە جىلىنا 200-220 مىڭ شارشى مەتر تۇرعىن ءۇي سالىنادى. بۇل كورسەتكىش الدىڭعى جىلدارعا قاراعاندا 20-25 پايىزعا كوپ. پرەزيدەنت ۇسىنعان ايرىقشا الەۋمەتتىك ماڭىزى بار باعدارلامانى جۇزەگە اسىرۋدىڭ ناقتى تەتىكتەرىنىڭ قاراستىرىلۋى ارقاسىندا يپوتەكالىق باسپاناعا دەگەن سۇرانىستىڭ ارتا تۇسەرى ءسوزسىز. بۇل, اسىرەسە, باسپاناعا مۇقتاج ادامدار ءۇشىن ۇلكەن جەڭىلدىك.
مەملەكەت باسشىسى اتاپ وتكەندەي, ءوزىن-ءوزى ەڭبەكپەن قامتىعان جانە جۇمىسسىز تۇرعىنداردىڭ اراسىندا جاپپاي كاسىپكەرلىكتى دامىتۋ ءۇشىن اتقارىلىپ جاتقان جۇمىستاردىڭ شەڭبەرىندە جەڭىلدەتىلگەن شاعىن نەسيەلەر بەرۋ نەعۇرلىم ءتيىمدى تەتىك سانالادى. بىلتىر وڭىردە 30714 ادام جۇمىسقا ورنالاستىرىلىپ, جاڭادان اشىلعان جۇمىس ورىندارىنا 13492 ادام تارتىلدى. ارالارىندا شاعىن نەسيە الىپ, وزگەلەرگە جۇمىس تاۋىپ بەرۋشىلەر از ەمەس. بۇل سالاعا ەلىمىز بويىنشا قوسىمشا 20 ميلليارد تەڭگە ءبولىنۋى اۋىلدىقتار ءۇشىن ايرىقشا ماڭىزدى. ويتكەنى تۇرعىنداردىڭ باسىم كوپشىلىگى اۋىلدىق ەلدى مەكەندەردە تۇرادى. سوندىقتان ولاردىڭ ناقتى ىستەرمەن اينالىسۋى ءبىرىنشى كەزەكتە قارجىلىق قولداۋدى قاجەت ەتەدى. بيىل 27 مىڭ جۇمىسسىز بەن ءوزىن-ءوزى جۇمىسپەن قامتۋشىعا جان-جاقتى كومەك كورسەتىلەدى.
ۆلاديمير بۋبەنكو,
وبلىستىق ءماسليحاتتىڭ
حاتشىسى
سولتۇستىك قازاقستان وبلىسى
