دوڭگەلەك ۇستەلدى وتكىزۋدىڭ باستى ماقساتى سايلاۋ جانە رەفەرەندۋم كەزىندە قازاقستان رەسپۋبليكاسىنداعى مۇگەدەك ساناتىنداعى ازاماتتاردىڭ سايلاۋ قۇقىقتارىنىڭ جۇزەگە اسىرىلۋىن قامتاماسىز ەتۋ ماسەلەلەرىن, سونداي-اق سايلاۋ قۇقىقتارىن جۇزەگە اسىرۋدىڭ جاڭا مۇمكىندىكتەرى مەن تاجىريبەلەرىن قاراستىرۋ بولىپ تابىلادى.
قازاقستان رەسپۋبليكاسى ورتالىق سايلاۋ كوميسسياسىنىڭ توراعاسى ب. يماشەۆ قازاقستان رەسپۋبليكاسى كوسنتيتۋتسياسى بويىنشا ءاربىر ازاماتقا سايلاۋ جانە سايلانۋ قۇقىعىنا كەپىلدىك بەرىلەتىنىن اتاپ ءوتتى. سايلاۋ ورگاندارى مۇمكىندىكتەرى شەكتەۋلى ازاماتتاردىڭ سايلاۋ پروتسەسستەرىنە تولىققاندى قاتىسۋلارىن قامتاماسىز ەتۋى ءتيىس.
سونىمەن قاتار, ب.يماشەۆ ورتالىق سايلاۋ كوميسسياسىمەن مۇمكىندىكتەرى شەكتەۋلى ازاماتتاردىڭ قۇقىتارىنىڭ ساقتالۋ ستاندارتىنا سايكەس سايلاۋ قۇقىقتارىن جۇزەگە اسىرۋى ءۇشىن ارنايى جاعدايلار جاساۋ ماقساتىمەن قىزعۋشىلىق تانىتقان مەملەكەتتىك جانە مەملەكەتتىك ەمەس ۇيىمدارعا مەتوديكالىق, ۇيلەستىرۋشى كومەك كورسەتۋگە ءىس-شارالار جيىنتىعىنىڭ جۇزەگە اسىرىلاتىنىن ايتتى.
ءىس-شارادا سونداي-اق ەقىۇ استاناداعى باعدارلامالار ءوفيسى باسشىسى د. سابو, قر ورتسايلاۋكوم مۇشەسى ل.سۇلەيمەن, قر ەڭبەك جانە حالىقتى الەۋمەتتىك قورعاۋ ۆيتسە-ءمينيسترى س.جاقىپوۆا, قر پارلامەنتى ءماجىلىسىنىڭ دەپۋتاتى, «قازاقستان مۇگەدەكتەر كونفەدەراتسياسى» رقب پرەزيدەنتى ج.وماربەكوۆا. ەقىۇ/دياقب-نىڭ سايلاۋ ماسەلەلەرى بويىنشا ساراپشىسى پ.كاباچەنكو, «مۇگەدەك ايەلدەردىڭ «شىراق» اسسوتسياتسياسى» قب-ءنىڭ ءتورايىمى ل.قالتاەۆا ءسوز سويلەدى.
دوڭگەلەك ۇستەل بارىسىندا مۇگەدەكتەردىڭ سايلاۋ قۇقىقتارىن جۇزەگە اسىرۋداعى جاڭا مۇمكىندىكتەرى, ونىڭ ىشىندە سايلاۋ ۋچاسكەلەرىن جانە عيماراتتارىن جابدىقتاۋ كەزىندە مۇمكىندىكتەرى شەكتەۋلى ازاماتتاردىڭ قۇقىقتارى ساقتالۋى بويىنشا ستاندارتتارعا سايكەس كەدەرگىسىز جاعدايدىڭ جاسالۋ شارالارى تالقىلاندى.
سونداي-اق, دوڭگەلەك ۇستەل جۇمىسىنا قر وسك مۇشەلەرى, قر پارلامەنتى ءماجىلىسىنىڭ دەپۋتاتتارى, ەڭبەك جانە حالىقتى الەۋمەتتىك قورعاۋ, ادىلەت مينيسترلىگىنىڭ, ورتالىق جانە جەرگىلىكتى اتقارۋشى ورگانداردىڭ, وبلىستىق, استانا جانە الماتى قالالارىنىڭ اۋماقتىق سايلاۋ كوميسسسيالارىنىڭ, قر ادام قۇقىقتارى جونىندەگى ۇلتتىق ورتالىقتىڭ, حالىقارالىق ۇيىمداردىڭ, قر-داعى ديپلوماتيالىق ميسسيالاردىڭ, مۇگەدەكتەر قوعامدىق بىرلەستىكتەرىنىڭ وكىلدەرى قاتىستى.
