اۋماقتى عارىشتىق جانە ناۆيگاتسيالىق باقىلاۋ تەحنولوگيالارىنىڭ كومەگىمەن قاشىقتىقتان مونيتورينگ جۇرگىزۋ ايماق ەكونوميكاسىنىڭ بىرقاتار سالالارىنىڭ دامۋىنا ايتارلىقتاي ۇلەس قوسپاق.
«بۇل جوبالاردىڭ بولاشاعى زور, سوندىقتان ءبىز ولاردى قولعا الۋعا مۇددەلىمىز. وسى ورايدا قىزىلوردا وبلىسىندا ارىپتەستىك ورناتۋعا جاعداي جاسالدى, ويتكەنى بىزدە قازاقستانداعى تۇڭعىش سيتۋاتسيالىق ورتالىق جۇمىس ىستەپ تۇر. سونداي-اق, تاتارستان جانە قىتاي ەلدەرىندەگى «اقىلدى قالا» قۇرۋ تاجىريبەلەرى زەرتتەلىپ, بىرلەسكەن جوبالاردى جۇزەگە اسىرۋ جونىندە كەلىسىمدەرگە قول قويىلدى, ماتەماتيكالىق جانە ءىت-ماماندىقتار بويىنشا كادرلاردى دايىنداۋ باعدارلاماسى ىسكە اسىرىلۋدا», - دەدى وبلىس اكىمى ق.كوشەرباەۆ.
ء وز كەزەگىندە, ايدىن ايىمبەتوۆ ايماقتىڭ قارقىندى دامۋ ۇستىندە ەكەنىن جانە وڭ وزگەرىستەر كوپ ەكەنىن اتاپ ءوتتى.
«وسى جوبانى تانىستىرۋعا جانە ارىپتەستىك ورناتۋعا نيەتتەرىڭىز ءۇشىن راحمەت. ءوز تاراپىمىزدان, ءبىز قىزىلوردا وبلىسىن ءارى قاراي دامىتۋ ءۇشىن قولداۋ كورسەتۋگە ءازىرمىز», - دەدى ايدىن ايىمبەتوۆ.
«قازاقستان عارىش ساپارى» كومپانياسى قىزمەتكەرلەرىنىڭ ايتۋىنشا, جەردى قاشىقتىقتان زوندتاۋ دەرەكتەرىن ءوز بەتىمەن يەلەنگەن جەر تەلىمدەرىن انىقتاۋ; جەردى ايماقتارعا ءبولۋ جوباسىن جاساۋدى ۇيىمداستىرۋ بويىنشا كومەكتەسۋ; قاتتى تۇرمىستىق قالدىقتاردىڭ مونيتورينگى; كوپ جىلدىق كوشەتتەردىڭ مونيتورينگى; جەر قويناۋىن پايدالانۋشىلاردىڭ ليتسەنزيالىق ۋچاسكەلەرىنىڭ مونيتورينگى; اۋىل شارۋاشىلىق ءوندىرىس مونيتورينگى; تابيعي رەسۋرستار مونيتورينگى جانە جاعدايىن باعالاۋ; سۋ تاسقاندارى جاعدايىنىڭ مونيتورينگى, قار قورىن باعالاۋ جانە ت.ب., وبلىستىڭ جەرلەردى ءتيىمدى قولدانۋ بويىنشا باعدارلامالار, جوبالار جانە سحەمالاردى جۇزەگە اسىرۋعا كومەكتەسۋ ءۇشىن قولدانۋعا بولادى.
پرەزەنتاتسيا قورىتىندىسىمەن وبلىس اكىمى جاۋاپتى تۇلعالارعا تانىستىرىلعان جوبالاردى ايماقتا ەڭگىزۋ ماقساتىندا قاجەتتى شارالاردى قولعا الۋدى جانە ءتيىمدى ارىپتەستىك سالالارىن انىقتاۋدى تاپسىردى.
