ۇندەۋدە ايتىلعان ءبىرىنشى باستاما – ءار وتباسىنا باسپانا الۋدىڭ جاڭا مۇمكىندىكتەرىن بەرۋ بولسا, وتكەن جىلى وڭىردە 18% وسىممەن 833 مىڭ شارشى مەتر تۇرعىن ءۇي پايدالانۋعا بەرىلىپ, 7 مىڭ وتباسى ءۇيلى بولدى. اعىمداعى جىلى 916 مىڭ شارشى مەتر تۇرعىن ءۇيدى پايدالانۋعا بەرۋ جوسپارلانۋدا. قازىرگى تاڭدا وبلىسىمىزدا ءبىر تۇرعىننىڭ باسپانامەن قامتىلۋ كورسەتكىشى 23 شارشى مەتر.
– ەلباسى اتاپ وتكەندەي, ءالى كۇنگە دەيىن ءوز باسپاناسى جوق قانشاما وتباسى بار. بۇل ءبىزدىڭ ءوڭىر ءۇشىن دە وزەكتى. مىسالى وبلىس بويىنشا تۇرعىن ءۇي كەزەگىندە 18 مىڭ ادام تۇر, ونىڭ كوپشىلىگى اقتاۋ قالاسىندا – 9 مىڭ ادام (50%), جاڭاوزەن قالاسىندا – 4 مىڭ ادام (22%), مۇنايلى اۋدانىندا 3 مىڭ ادام (17%) كەزەكتە. حالىقتى باسپانامەن قامتۋ ماقساتىندا, تۇرعىندار ءۇشىن يپوتەكالىق نەسيەنىڭ قولجەتىمدىلىگىن قامتاماسىز ەتەتىن «7 – 20 – 25» باعدارلاماسى قابىلدانادى. باعدارلامانىڭ ءتيىمدى جانە ساپالى ىسكە اسۋىن قامتاماسىز ەتۋ ءۇشىن ەكىنشى دەڭگەيلى بانكتەر, قۇرىلىس مەكەمەلەرى, شاعىن جانە ورتا بيزنەس وكىلدەرىنەن قۇرالعان جۇمىس توبىن قۇرۋ كەرەك, – دەدى وبلىس اكىمى.
ەكىنشى باستاما – جالاقىسى تومەن جۇمىسشىلاردىڭ ەڭبەك-اقىسىن كوبەيتۋ ءۇشىن ولاردىڭ سالىقتىق جۇكتەمەسىن ازايتۋ باعىتىندا ماڭعىستاۋ وبلىسى بويىنشا ستاتيستيكالىق مالىمەتتەرگە سايكەس, تۇراقتى جالاقىسى بار 250 مىڭ قىزمەتكەرلەردىڭ ىشىندە 22 مىڭنان استام ادام تومەن جالاقى الادى. بۇل باستاما ءوزىن ءوزى ەڭبەكپەن قامتىعان تۇرعىنداردىڭ الەۋەتىن كوتەرۋدىڭ تاعى ءبىر جولى ەكەندىگى ايتىلدى. ال ءۇشىنشى باستاما – جوعارى ءبىلىم الۋدىڭ قولجەتىمدىلىگى مەن ساپاسىن ارتتىرىپ, ستۋدەنت جاستاردىڭ جاتاقحاناداعى جاعدايىن جاقسارتۋ.
ءتورتىنشى باستاما – شاعىن نەسيە بەرۋدى كوبەيتۋ بويىنشا, ماڭعىستاۋ وبلىسىندا 2017 جىلى 130 ادامعا 474 ملن تەڭگە كولەمىندە شاعىن نەسيە بەرىلىپ, 219 جۇمىس ورنى قۇرىلدى. وسى جىلعا بيۋدجەتتە 490 ملن تەڭگە قاراستىرىلدى. جاقىندا رەسپۋبليكالىق بيۋدجەتتى ناقتىلاۋ بارىسىندا قوسىمشا تاعى دا 1,5 ملرد تەڭگە بولىنەتىن بولادى – بارلىعى شامامەن 500 ادام نەسيە الادى. بۇل ءوز كەزەگىندە, اۋىلدىق جەردە كاسىپكەرلىكتى دامىتۋعا مول مۇمكىندىك بەرەدى.
بەسىنشى باستاما – ەلدى گازبەن قامتاماسىز ەتۋدى جالعاستىرۋ ماسەلەسى ماڭعىستاۋ ءوڭىرى ءۇشىن اسا قيىندىق تۋدىرمايدى. قازىرگى تاڭدا وبلىستىڭ بارلىق ەلدى مەكەنى تولىقتاي گازبەن قامتىلعان.
– قازىرگى تاڭدا وڭىرىمىزدە جاڭادان تۇرعىن ۇيلەر سالىناتىن جەر تەلىمدەرىن گازبەن قامتۋ – كۇن تارتىبىندە تۇرعان ماسەلەلەردىڭ ءبىرى. بۇل جۇمىستارعا بيۋدجەت قارجىسىنان بولەك «قازترانسگازايماق» كومپانياسىنان دا قارجى تارتىلۋدا. مىسالى, كومپانيا وسى جىلى وبلىستا قۇنى 1,2 ملرد تەڭگە بولاتىن 9 جوبانى ىسكە اسىرادى. سونىمەن قاتار اقشۇقىر, سايىن شاپاعاتوۆ, مۇنايشى اۋىلدارىنىڭ جاڭا جەر تەلىمدەرىن, اقتاۋ قالاسىنىڭ جاڭا شاعىن اۋداندارىن گازبەن قامتۋعا, «جاڭاوزەن-اقتاۋ» ماگيسترالدى گاز قۇبىرىنىڭ قۇرىلىسىنا رەسپۋبليكالىق بيۋدجەتتەن قوسىمشا 3,5 ملرد تەڭگە بولىنەتىن بولادى, – دەدى بۇل تۋرالى ە.توعجانوۆ.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
