«بيىل قازاقستاندىقتارعا بەرىلەتىن شاعىن نەسيەنىڭ بىلتىرعىمەن سالىستىرعاندا 20 ملرد تەڭگەگە كوبەيتۋدى تاپسىرامىن. سوندا ونىڭ جالپى سوماسى 22 ملرد بولادى. ناتيجەسىندە نەسيە الىپ ءوز ءىسىن باستايتىن ازاماتتاردىڭ سانى بىلتىرعىدان ەكى ەسەگە ارتىپ, 14 مىڭعا جەتەتىن بولادى», دەدى پارلامەنت پالاتالارىنىڭ بىرلەسكەن وتىرىسىندا جاڭا الەۋمەتتىك باستامالاردى جاريا ەتكەن نۇرسۇلتان نازارباەۆ .
مەملەكەت باسشىسى شاعىن نەسيەنىڭ كاسىپ كوزىن اشۋشىلارعا, اسىرەسە اۋىلداعى حالىققا ءتيىمدى ەكەنىن ايتتى.
«شاعىن نەسيەنىڭ قانداي پايداسى بار ەكەنىن وسى جىلدار ىشىندە ءبىز كوردىك. اسىرەسە, اۋىلداعى اعايىندارعا, ءار جانۇياعا. بيىل بەرىلگەن نەسيە كەلەسى جىلى قايتىپ كەلىپ جاتىر. مىڭداعان ادام جۇمىس الادى», دەدى پرەزيدەنت.
