سونىڭ ىشىندە پرەزيدەنت ەكىنشى باستاماسىندا تومەن جالاقى الاتىندارعا سالىقتىق جۇكتەمەنى جەڭىلدەتۋدى تاپسىردى.
«سالىستىرمالى تۇردە تومەن جالاقى الاتىن قازاقستاندىقتاردى قولداۋ ءۇشىن 2019 جىلدىڭ ءبىرىنشى قاڭتارىنان باستاپ, ولاردىڭ سالىق جۇكتەمەسىن 10 ەسەگە ازايتىپ, 1 پايىز عانا سالىق جۇيەسىن الۋدى ۇسىنامىن» دەپ مالىمدەدى ەلباسى.
«اي سايىن ەڭ تومەنگى ەسەپتىك كورسەتكىشتىڭ 25 ەسەلەنگەن كولەمىنەن از جالاقى الاتىندارعا سالىناتىن جەكە تابىس سالىعىن ازايتۋ ارقىلى ولاردىڭ سالىق جۇكتەمەسىن جەڭىلدەتۋ كەرەك. ال وسىلايشا سالىقتى ازايتۋدان شىعاتىن قارجى ولاردىڭ جالاقىسىن كوبەيتۋگە جۇمسالۋى قاجەت. ناتيجەسىندە, ەلىمىزدەگى بارشا جالدامالى جۇمىسكەرلەردىڭ كەمىندە ۇشتەن ءبىرىنىڭ, بۇل 2 ميلليوننان استام ادام, جالاقىسى جۇمىس بەرۋشىگە سالماق سالماي-اق كوبەيەتىن بولادى.ءارى قاراي ۇكىمەت تابىس سالىعىنىڭ پروگرەسسيۆتى شكالاسىن ەنگىزۋ مۇمكىندىگىن زەردەلەۋى كەرەك», دەدى پرەزيدەنت.
ەسكە سالا كەتەيىك, قازاقستانداعى 1 ايلىق ەسەپ كورسەتكىش 2405 تەڭگەنى قۇرايدى.
