فوتو: teenlife.com
كونكۋرستى وتكىزۋدىڭ ماقساتى - جوعارى بىلىكتى زاڭگەرلەردىڭ قوعامنىڭ جانە مەملەكەتتىڭ الدىندا سىڭىرگەن ەڭبەگىن مويىنداۋ, قازاقستاننىڭ قۇقىقتىق سالاداعى ءتيىمدى ماماندارىنىڭ پۋلىن قالىپتاستىرۋ بولىپ تابىلادى.
كونكۋرستىڭ مىندەتتەرى قۇقىقتانۋ سالاسىنداعى جاس قازاقستاندىقتاردى انىقتاۋ جانە قولداۋ, اتالعان ماماندىقتىڭ بەدەلىن نىعايتۋ, ونىڭ قوعامداعى ماڭىزدىلىعىن كورسەتۋ بولىپ تابىلادى.
كونكۋرس ءۇش نوميناتسيا بويىنشا جۇرگىزىلەدى:
- زاڭ عىلىمىنا قوسقان ۇلەسى;
- زاڭ شىعارۋ قىزمەتىنە قاتىسۋى;
- قۇقىقتىق ءبىلىم بەرۋ جانە اعارتۋشىلىق.
كونكۋرسقا قاتىسۋ ءۇشىن ءوتىنىم بەرۋ مەرزىمى - 2018 جىلعى 1 ناۋرىزدان باستاپ 1 شىلدەگە دەيىن.
كونكۋرستىڭ جەڭىمپازدارىن ماراپاتتاۋ ءراسىمى 2018 جىلعى 28 تامىزدا, استانا قالاسى, ءا.بوكەيحان كوشەسى 1, نازارباەۆ ورتالىعىندا وتەدى.
كونكۋرستىڭ ۇيىمداستىرۋشىسى قازاقستان رەسپۋبليكاسى تۇڭعىش پرەزيدەنتى - ەلباسىنىڭ قورى (بۇدان ءارى - ۇيىمداستىرۋشى) بولىپ تابىلادى. كونكۋرستى وتكىزۋدىڭ ارىپتەستەرى: قر كونستيتۋتسيالىق كەڭەسى, قر جوعارعى سوتى, قر ادىلەت مينيسترلىگى, قر ءبىلىم جانە عىلىم مينيسترلىگى, ءال-فارابي اتىنداعى قازاق ۇلتتىق ۋنيۆەرسيتەتى, ل.ن.گۋميلەۆ اتىنداعى ەۋرازيالىق ۇلتتىق ۋنيۆەرسيتەتى, قازمزۋ ۋنيۆەرسيتەتى, قازاقستان زاڭگەرلەرىنىڭ وداعى جانە قازاقستاننىڭ كريمينولوگيا قاۋىمداستىعى.
كونكۋرسقا قاتىسۋ ءۇشىن 18 بەن 40 جاس ارالىعىنداعى قاتىسۋشىلاردىڭ قازاق جانە/نەمەسە ورىس تىلىندەگى وتىنىمدەرى قابىلدانادى.
قاتىسۋشى تەك ءبىر نوميناتسيا بويىنشا قاتىسۋعا قۇقىلى.
كونكۋرسقا قاتىسۋ ءۇشىن نوميناتسيا ۇيىمنىڭ نەمەسە تۇلعانىڭ ءوزىن-ءوزى ۇسىنۋى ارقىلى جۇزەگە اسىرىلادى.
وتىنىمدە كورسەتىلۋى ءتيىس مالىمەتتەر:
1) ۇمىتكەردىڭ اتى-ءجونى
2) ءبىلىمى
3) عىلىمي دارەجەسى جانە باسقا دا اتاعى
4) كونكۋرستىڭ نوميناتسياسى
5) جۇمىس تاجىريبەسى
6) جەتىستىكتەرى جانە وزگە دە سىڭىرگەن قىزمەتى
7) قاتىسۋدىڭ قىسقاشا نەگىزدەمەسى
8) پوشتالىق مەكەنجايى
9) بايلانىس مالىمەتتەرى: تەلەفون, ەلەكتروندىق پوشتا
وتىنىمگە بىلىكتىلىگىن جانە سىڭىرگەن ەڭبەگىن راستايتىن قۇجاتتار جانە وزگە دە ماتەريالدار قوسا بەرىلەدى: پىكىرلەر, رەتسەنزيالار, ديپلومدار, ناگرادالار, پاتەنتتەر, باسىلىمدار, ۇسىنىمدار جانە باسقا دا قۇجاتتار.
وتىنىمدەردى باعالاۋ جانە كونكۋرستىڭ جەڭىمپازدارىن انىقتاۋدى قازاقستاننىڭ بەلگىلى زاڭگەرلەرى, سونداي-اق ۇيىمداستىرۋشى مەن كونكۋرستىڭ ارىپتەستەرى اراسىنان قۇرىلاتىن كونكۋرستىق قازىلار القاسى جۇزەگە اسىرادى.
بارلىق نوميناتسيالار بويىنشا كونكۋرستىڭ جەڭىمپازدارىنا «ۇزدىك جاس زاڭگەر – 2018» اتاعى بەرىلەدى (نوميناتسياعا بايلانىستى), سونداي-اق ءتوس بەلگى, ديپلوم جانە اقشالاي سىيلىق بەرىلەدى.
ءوتىنىم استانا قالاسى, ءا. بوكەيحان كوشەسى 1, قازاقستان رەسپۋبليكاسى تۇڭعىش پرەزيدەنتى - ەلباسىنىڭ قورى مەكەنجايى بويىنشا پوشتا ارقىلى جىبەرىلەدى, سونداي-اق yurist2018@fpp.kz ەلەكتروندىق پوشتا ارقىلى جىبەرۋگە بولادى.
كونكۋرستىڭ ەرەجەلەرىن www.fpp.kz سايتىندا تابۋعا بولادى.
