رەسپۋبليكا بويىنشا بارلىق مەكتەپ 2017 جىلدان باستاپ 5 كۇندىك وقۋ اپتاسىنا, 40 مينۋتتىق ساباق جۇيەسىنە كوشىرىلدى. جاڭارتىلعان ءبىلىم مازمۇنى بويىنشا ساباق بەرەتىن پەداگوگتاردىڭ 71 % (قر-52%) بىلىكتىلىگىن ارتتىردى. اعىمداعى جىلدىڭ 1 قاڭتارىنان باستاپ جاڭارتىلعان ءبىلىم مازمۇنىنا كوشىرىلگەن سىنىپتارعا ساباق بەرەتىن 5066 (43%) مۇعالىم لاۋازىمدىق تولەمگە 30% ۇستەمە اقى الۋدا.
پەداگوگ مامانداردى دايارلايتىن كوللەدجدەردىڭ وقۋ باعدارلامالارىنا جاڭارتىلعان ءبىلىم بەرۋ مازمۇنى ەنگىزىلدى جانە بيىلدان باستاپ ءبىتىرۋشى ستۋدەنتتەر ديپلومدارىنا قوسىمشا سەرتيفيكاتتار الىپ شىعادى. جاڭارتىلعان ءبىلىم مازمۇنىنا كوشىرىلگەن سىنىپتارداعى بارلىق وقۋشى وقۋلىقتار جانە وقۋ-ادىستەمەلىك كەشەندەرمەن تولىق قامتاماسىز ەتىلگەن. الداعى وقۋ جىلىندا 3,6,8 سىنىپتاردىڭ وقۋلىقتارىن 100% قامتاماسىز ەتۋ ماقساتىندا وبلىس بيۋدجەتىنەن 2 027,95 مىڭ تەڭگە قارجى ءبولىندى.
- جاڭارتىلعان ءبىلىم مازمۇنى بويىنشا بارلىق وقۋشىلاردىڭ 44% (قر-42%) ءبىلىم الۋدا. الداعى وقۋ جىلىنان باستاپ 3, 6, 8-سىنىپتار كوشەدى. وبلىس اكىمدىگى مەن نازارباەۆ زياتكەرلىك مەكتەبى دەربەس ءبىلىم بەرۋ ۇيىمدارى اراسىنداعى مەموراندۋمعا سايكەس, وسى وقۋ جىلىندا 213 ادىستەمەلىك كومەك كورسەتىلدى, - دەدى باسقارما باسشىسى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
