حالىقارالىق ساياساتتىڭ كوكەيكەستى ماسەلەلەرى جونىندە بارىنشا قىزىعۋشىلىق تۋدىراتىن, سونىمەن قاتار استانا مەن پاريج 2018 جىلعى ماۋسىمدا 10 جىلدىعىن اتاپ وتەتىن قازاقستان مەن فرانتسيا ستراتەگيالىق سەرىكتەستىگىنىڭ بولاشاعى مەن جاي كۇيى تۋرالى پىكىرلەر بويىنشا الماسۋ بولدى. تاراپتار ورتالىقسىزداندىرۋ بويىنشا ىنتىماقتاستىق پەن پارلامەنتتىك ديپلوماتياداعى ءوزارا ىقتالداستىقتى تىلگە تيەك ەتە, كوزقاراستار مەن تاسىلدەردىڭ جۋىقتىعىن جانە كەڭ مۇمكىنشىلىكتەردى اتاپ ءوتتى.
فرانتسۋز دەپۋتاتتارى ۇلتتىق ستراتەگيا مەن دامۋ باعدارلامالارى شەڭبەرىندەگى قازاقستان قوعامىندا بولىپ جاتقان ديناميكالىق دامۋ مەن باتىل رەفورمالاردى قۋاتتادى. سونىڭ ىشىندە ۇلتتىق اسسامبلەيا مۇشەلەرى ادام قۇقىقتارى مەن دەموكراتيا قاعيداتتارىن نىعايتۋداعى جەتىستىكتەردى اتاپ ءوتتى.
ءوز كەزەگىندە ك. بيۋرو-بوننار مەن ا. شاپيولە قازاقستاننىڭ بىتىمگەرشىلىك كۇشىنە جانە ەلدىڭ يادرولىق قارۋدى سىناۋعا تىيىم سالۋ مەن جاپپاي قىرىپ-جوياتىن قارۋدى تاراتپاۋ ىسىندەگى ەلدىڭ الەمدە كوشباسشى بولىپ وتىرعانىنا جوعارى باعا بەردى. سونىمەن قاتار, ولار بۇرىنعى سەمەي پوليگونى مەن ارال تەڭىزى باسسەيىنىندەگى تەحنوگەندىك ءزىل-زالا ايماعىنداعى ەكولوگيانى قايتا قالپىنا كەلتىرۋدەگى بەلسەندى جۇمىستاردىڭ ماڭىزدىلىعىن اتاپ ءوتتى.
پارلامەنتاريلەر پرەزيدەنت نۇرسۇلتان نازارباەۆتىڭ قازاقستان حالقىنا ارنالعان ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى جولداۋىنداعى باعدارلارىنا ەرەكشە قىزىعۋشىلىق تانىتتى. ونداعى ماقساتتار جونىندە ەلشى فرانتسيانىڭ ءارتۇرلى ايماعىندا ورنالاسقان ءىرى, ورتا جانە كىشى كاسىپورىندارمەن ىنتىماقتاستىقتى ورناتۋ كوزقاراسى تۇرعىسىنان ءتۇسىندىرىپ بەردى.
پ. كابارە قازاقستاندىق ارىپتەسى ومارحان وكسىكباەۆتىڭ شاقىرۋى بويىنشا اعىمداعى جىلدىڭ ەكىنشى جارتىسىندا دوستىق توپتىڭ باسشىسى رەتىندە ءبىزدىڭ ەلگە بارۋ نيەتىن راستادى. ونىڭ ويىنشا قازاقستان فرانتسۋزدار ءۇشىن تەك سەنىمدى ەكونوميكالىق جانە ساياسي سەرىكتەستىك رەتىندە تارتىمدى عانا ەمەس, سونداي-اق تۋريستىك باعىت بويىنشا ءالى اشىلا قويماعان ۇلى جىبەك جولى وتەتىن ءار الۋان مادەنيەتكە باي ەل قالپىندا قىزىقتىرادى.
فرانتسيا ۇلتتىق اسسامبلەياسىنىڭ دەپۋتاتتارى 2017 جىلدىڭ 18 جەلتوقسانىندا قازاقستان مەن ەۋروپالىق وداق اراسىنداعى كەڭەيتىلگەن ارىپتەستىك پەن ىنتىماقتاستىق تۋرالى كەلىسىمدى راتيفيكاتسيالاۋ تۋرالى زاڭ جوباسىن كوپشىلىك داۋىسپەن قولداعانىن ەسكە سالامىز. اعىمداعى جىلدىڭ 15 اقپانىندا اتالعان تاريحي قۇجاتقا فرانتسيا سەناتى مۇشەلەرى دە ءبىراۋىزدان داۋىس بەرگەن بولاتىن. الداعى ۋاقىتتا زاڭ ەلدىڭ پرەزيدەنتىمەن بەكىتىلەدى دەپ كۇتىكۇتىلۋدە.
