جالپى, نۇرعيسا تىلەنديەۆتىڭ ديريجەرلىگى دە, كۇيشىلىگى دە, كومپوزيتورلىعى دا جالپاق جۇرتقا بەلگىلى. قاراورمان قازاقتىڭ قايعىسى مەن قۋانىشىن قاتار انگە قوسقان نۇرعيسا اتاباي ۇلىنىڭ اندەرى پاتريوتتىق رۋحقا, ليريكالىق ساعىنىشقا تولى. بوزبالا كەزىندە قولىنا قارۋ ۇستاپ قان مايدانعا اتتانىپ, اسكەر ساپىندا ەرلىك كورسەتكەنى دە ۇرپاققا ۇلگى. ال ونەر قايراتكەرىنىڭ دۇنيەگە كەلۋ تاريحى, ءومىر سۇرگەن كەزەڭى, شىعارماشىلىق جولى سياقتى قۇندىلىقتار دا كوپتىڭ قىزىعۋشىلىعىن تۋدىراتىنى ءسوزسىز. مىنە, كەش بارىسىندا داڭقتى ونەر يەسىنىڭ ءومىرى مەن شىعارماشىلىعىن ارقاۋ ەتكەن دەرەكتى فيلم كورسەتىلىپ, كورەرمەنگە كورنەكتى تۇلعا جايىندا كەڭ مالىمەت بەرىلدى.
«اقكەربەز» بيشىلەر ءانسامبلىنىڭ ورىنداۋىنداعى «شاتتىق» ءبيى شارا شىمىلدىعىن تۇرسە, كومپوزيتوردىڭ «اققۋ» كۇيىنە مىڭ بۇرالا بيلەگەن نيگورا داۆرونوۆانىڭ ونەرى كوپشىلىكتى ءتانتى ەتتى. نۇرعيسا تىلەنديەۆ شىعارماشىلىعىنا ارنالعان كەش بارىسىندا «الاتاۋ» توبى, مارالبەك باباقۇلوۆ, اننا ۆۋندەر, وڭال ازاماتوۆا, عاني ماتەباەۆ, ءمادينا ساعىنبەكوۆا جانە وزگە دە ونەرپازدار كومپوزيتوردىڭ اسەم اندەرىن ناقىشىنا كەلتىرە ورىنداپ, اۋليەاتا اسپانىن انمەن تەربەتتى. ءتىپتى نۇرعيساداي تالانت يەسىنە دەگەن ساعىنىشى مەن قۇرمەتىن حالىق ونىڭ اندەرىن انشىلەرمەن قوسىلا شىرقاپ جەتكىزدى.
حاميت ەسامان,
«ەگەمەن قازاقستان»
جامبىل وبلىسى
