- «استانا» كومانداسى جاقسى وينادى. بۇل انىق. ەسەپ 3:1 بولعانان كەيىن ءبىزدىڭ كوماندا ويناۋدى قويدى. سەبەبى, ەكى ويىندا ءبىز بىردەي ناتيجە تىركەپ, كەلەسى كەزەڭگە وتەتىنىمىزدى ءبىلىپ تۇردىق. سونىڭ كەسىرىنەن ءبىزدىڭ فۋتبولشىلار ەكى گول جىبەرىپ الدى. فۋتبولشىم برۋنو فەرناندەش بۇگىن كەرەمەت ماتچ وتكىزدى. مەن ونىڭ ونەرىنە قول شاپالاقتادىم.
بۇگىن الاڭعا شىققان باست دوست جايلى نە ايتاسىز؟
- بۇكىل كوماندالىق ويىندى جاقسارتا الاتىن فۋتبولشىلاردىڭ قاتارىندا باس دوست بار. ول دا ءوز دەڭگەيىندە جاقسى وينادى. جاراقاتىنان ايىعىپ كەلگەن شابۋىلشىعا بۇگىن جاقسى جاتتىعۋ بولدى عوي دەپ ەسەپتەيمىن.
- «استانا» ساپىندا ونەر كورسەتكەن مارين توماسوۆ جايلى قانداي پىكىردەسىز؟ ول بۇگىن جۇيكەڭىزدى جۇقارتقان سەكىلدى عوي.
- ءيا, بۇل فۋتبولشى وتكەن جولى دا قاپتالىمىزدىڭ دال-د ۇلىن شىعارعان. جالپى, ءبىز ونداي جاعدايلارعا تاڭقالمايمىز. قارسىلاس كوماندانىڭ كەز-كەلگەنىندە وسىنداي ءبىر ويىنشى بولادى. بەلسەندىلىگى تاسىپ تۇرعان فۋتبولشىلاردى ەكى ادامداپ بولسا دا جابۋ ءبىزدىڭ مىندەت. بۇگىن ەندى ءبىز ءۇشىن ويىننىڭ ەسەبى ماڭىزدى بولعان جوق. سوندىقتاندا, وعان ارنايى ادام سالدىرىپ, ادىمىن اشتىرپايتىن ارەكەت جاسامادىق.
