بەكىتىلگەن باعامعا ۇيرەنىپ قالعان قوعام تەڭگە باعامىنىڭ وزگەرىستەرىنە ەلەڭدەپ تۇرادى. تەڭگە باعامىن بولجاۋمەن اينالىسىپ جۇرگەن ساراپشىلار مەن عالىمدار وتە كوپ. 2015 جىلدان باستاپ قوعام تەڭگە باعامى تۋرالى اقپاراتتاردى اۋىر قابىلداي باستادى.
نەگىزى ءبىزدىڭ زەرتتەۋىمىز بويىنشا, قوعامعا نەگاتيۆتى بولجام ۇنايدى. بىراق, بۇگىندە بولجام جاساپ جۇرگەن ساراپشىلاردىڭ كوپشىلىگى ۋاقىت كورسەتكەندەي, قارجى سالاسىن تولىق بىلمەيتىن بولىپ شىقتى. دوللارعا قاتىستى تەڭگە باعامى 400 بولادى دەگەن بولجامداردىڭ ءبىرى دە ورىندالعان جوق», - دەدى دانيار اقىشەۆ.
ونىڭ ايتۋىنشا, بۇل تۇلعالاردىڭ ماقساتى - قوعامدا دۇربەلەڭ تۋدىرۋ.
«اقشا نارىعى قالپىنا كەلدى. نارىق قاتىسۋشىلارى ويىن ەرەجەلەرىنە ۇيرەندى. قۇرالدار دا قالپىنا كەلدى. تەڭگە باعامىنا تاۋار نارىعىنداعى قازاقستاننىڭ ارىپتەستەرىنىڭ وزگەرتۋلەرى ىقپال ەتەدى. 2017 جىلدىڭ كۇزىندە قازاقستاندا تەڭگە باعامى ءتۇرلى فاكتورلاردىڭ ىقپالىمەن وزگەرە باستادى. ءبىز تەڭگە وتە قۇلدىرامايتىنىن ايتتىق, ارتىق دوللار ساتىپ العاندار شىعىنعا باتاتىنىن دا حابارلادىق», - دەدى بانك باسشىسى.
