«كازسۋشار» رمك اتىراۋ فيليالىنىڭ باسشىسى اسلانبەك رىسجانوۆتىڭ مالىمدەۋىنشە, اتىراۋ وبلىسىنىڭ سۋارۋ جۇيەسىنىڭ اۋماعى - 1152 كم.(ماحامبەت, يندەر, قۇرمانعازى, يساتاي اۋداندارىندا). بۇگىندە ءتورت سۋ ارناسى ايماقتىڭ كوممۋنالدىق مەنشىگىنە بەرىلگەن. ال 11 سۋ ارناسى رەسپۋبليكالىق مەنشىككە تيەسىلى. وسى جىلدا ون سۋ ارناسى جەرگىلىكتى باسقارماعا وتەتىن بولادى. قۇجاتتار دايىندالۋدا. ولاردىڭ ءبىرى, ستراتەگيالىق ماڭىزدى بولعاندىقتان, ءتيىستى مينيسترلىكتەرمەن كەلىسسوزدەر جۇرگىزىلۋدە.
2017 جىلى سۋارمالى جانە دەفورماتسيالانعان جەر ۋچاسكەلەرىنە 12 ميلليون تەكشە مەتردەن استام, جايىلىمدىق جەرگە 2 ميلليون تەكشە مەتردەن استام سۋ بەرىلدى. بۇل سالانىڭ باستى مəسەلەسى, كوپتەگەن سۋ ارنالارى بىتەلگەن جəنە توزعان. ولاردى جونگە كەلتىرۋ ميللياردتاعان سالىمدى تالاپ ەتىپ وتىر.
اتىراۋ وبلىسىنىڭ اكىمى نۇرلان نوعاەۆ اتاپ وتكەندەي, جەرگىلىكتى اتقارۋشى ورگاندار قارجىلاندىرۋدى ءوز موينىنا الىپ وتىر.
- مəسەلەنى كەشەندى تۇردە شەشۋ قاجەت. بəرىنە ءمəلىم, اتىراۋ وبلىسىنددا سۋ تاپشى. Əر تامشى سۋدىڭ سۇراۋى بار. سوندىقتان, بارلىق جۇمىس ىستەپ تۇرعان سۋ ارنالارىن شالعايداعى ەلدى مەكەندەرگە سۋ بەرۋ ءۇشىن پايدالانۋ قاجەت. بۇل ەگىس الاڭىن ۇلعايتۋعا, مال شارۋاشىلىعىنا جاڭا سەرپىن بەرەدى.
ساراپشىلاردىڭ مالىمەتىنە سۇيەنسەك, سۋارۋ جۇيەلەرىنىڭ قۋاتىن ارتتىرۋ جوباسىن جۇزەگە اسىرۋ ءۇشىن شامامەن 2 ملرد تەڭگە قاجەت. ايماق باسشىسى بۇل قاراجاتتى ءبولۋ قاجەت دەگەن شەشىمگە كەلدى.
- ءيا, əرينە شىعىندار بولادى, بىراق ءبىز العا قاراي ۇمتىلۋىمىز كەرەك. اگروونەركاسىپتىك كەشەندەردى دامىتۋعا قولداۋ كورسەتۋ قاجەت, ءاردايىم سۋبسيديالار قاجەت. ستاتيستيكا بويىنشا اۋىل شارۋاشىلىق كاسىپورىندارى سانىننىڭ قىسقارعانى بايقالادى. بۇل تىكەلەي اۋدانعا سۋدىڭ قانشا كولەمدە بەرىلۋىنە بايلانىستى, - دەپ اتاپ ءوتتى نۇرلان نوعاەۆ. - مەملەكەت باسشىسى ءبىزدىڭ الدىمىزعا ەكونوميكانى ءارتاراپتاندىرۋ جانە اگروونەركاسىپ سالاسىن دامىتۋ مىندەتىن قويىپ وتىر. ءبىز وسى باعىتتاعى وسال تۇستاردى انىقتاپ, ولاردى تەز ارادا قالپىنا كەلتىرۋ كەرەك.
