"قازگيدرومەت" ورتالىعىنىڭ حابارلاۋىنشا, ەرتەڭ, اتموسفەرالىق فرونتتاردىڭ وتۋىنە بايلانىستى رەسپۋبليكانىڭ سولتۇستىك-باتىسىندا قار جاۋادى, وڭتۇستىكتە جانە وڭتۇستىك-باتىستا ازداعان جاۋىن-شاشىن بولادى. قازاقستاننىڭ باسقا ايماقتارىندا جاۋىن-شاشىنسىز اۋا رايى ساقتالادى. كەي جەرلەردە جەلدىڭ كۇشەيۋى, تۇمان كۇتىلەدى, رەسپۋبليكانىڭ سولتۇستىك-باتىسىندا بۇرقاسىن بولادى.
الماتى وبلىسىنىڭ جالاڭاشكول اۋدانىندا جەلدىڭ كۇشى سەكۋندىنا 18-23 مەترگە دەيىن جەتەدى, تۇندە تۇمان كۇتىلەدى. جامبىل وبلىسىنىڭ كەي جەرلەرىندە تۇمان, جەل سوعادى - سەكۋندىنا 15-20 مەتر. ماڭعىستاۋ وبلىسىندا تۇمان, كۇندىز كوكتايعاق بولادى. قوستاناي وبلىسىنىڭ كەي جەرلەرىندە بۇرقاسىن مەن تۇمان بولادى.
سونىمەن قاتار, اقمولا, باتىس قازاقستان, قىزىلوردا, اتىراۋ, سولتۇستىك قازاقستان, پاۆلودار, قاراعاندى, تۇندە شىعىس قازاقستان وبلىستارىنىڭ كەي جەرلەرىندە تۇمان ءتۇسۋى ىقتيمال.
