- وتاندىق سپورتتىڭ دامۋىنا جەتىسۋلىق ساڭلاقتار دا مول ۇلەس قوسۋدا. جەرلەستەرىمىزدىڭ جارقىن جەڭىستەرى كۇن ساناپ كوبەيىپ كەلەدى. ءبىز دە ءوز تاراپىمىزدان سپورت نىساندارىنا كۇردەلى جوندەۋ جاساۋعا, قۇرىلىسىن جۇرگىزۋگە, ماتەريالدىق-تەحنيكالىق بازاسىن نىعايتۋعا بارىنشا قولداۋ تانىتىپ كەلەمىز. بۇدان بىلاي دا قولداۋ جالعاسىن تاباتىن بولادى,-دەدى ايماق باسشىسى.
بۇگىندە الماتى وبلىسىندا 3439 سپورت نىسانى كەلۋشىلەرگە ەسىك اشىپ وتىر.. اسىرەسە, بۇقارالىق سپورتتى دامىتۋعا وراي قولدانىسقا بەرىلگەن دەنەشىنىقتىرۋ ورىندارىنىڭ سانى جىل سايىن ارتىپ كەلەدى. ماسەلەن, وتكەن جىلى رايىمبەك اۋدانىنىڭ نارىنقول اۋىلىندا, قاراساي اۋدانىنىڭ جالپاقساي اۋىلىندا فۋتبول الاڭدارى سالىندى. قاراتال اۋدانىنىڭ ۇشتوبە قالاسىنداعى سپورت مەكتەبى, «جەتىسۋ» كاسىپقوي فۋتبول كلۋبى بازاسى كۇردەلى جوندەۋدەن ءوتتى. بيىلعى جىلى قۇرىلىس جۇمىستارى بىلتىر باستالعان بىرنەشە نىسان - رايىمبەك اۋدانىنىڭ كەگەن اۋىلىندا, تالعار جانە قاسكەلەڭ قالالارىندا دەنە شىنىقتىرۋ-ساۋىقتىرۋ كەشەندەرى بوي كوتەرمەك. سونىمەن قاتار, اقسۋ اۋدانىنىڭ جانسۇگىروۆ اۋىلىندا جانە قاراساي اۋدانىنىڭ شامالعان اۋىلىندا شىنىقتىرۋ-ساۋىقتىرۋ كەشەندەرىنىڭ قۇرىلىسى جوسپارلانۋدا ەكەن. وعان قوسا بيىل تالدىقورعان قالاسىنداعى سپورتتا دارىندى بالالارعا ارنالعان مەكتەپ-ينتەرناتتىڭ وقۋ عيماراتىن كۇردەلى جوندەۋ جۇمىستارى جۇرگىزىلمەكشى. «قازان اۋزى جوعارى...» دەگە نوسى.
وبلىس باسشىسى وسى جيىندا ەل قورجىنىنا ۇپاي سالىپ, ايماقتىڭ نامىسىن ءتۇرلى جارىستاردا ابىرويمەن قورعاپ جۇرگەن ءبىر توپ سپورتشىلاردى ماراپاتتادى. 2017 جىلدىڭ ۇزدىك سپورتشىلارى بولىپ تانىلعان البەرت ليندەر, كارينا گوريچەۆا, دەمەۋ جادىراەۆتارعا 700 مىڭ تەڭگەدەن سىياقى بەرىلسە, ءدۇبىرلى دودالاردىڭ شاڭىن قاققان 28 سپورتشىعا 150 مىڭنان 400 مىڭ تەڭگەگە دەيىنگى قارجىلاي سىياقىنىڭ سەرتيفيكاتى تابىستالدى.
اتاپ ايتقاندا, وتكەن جىل قورىتىندىسى بويىنشا البەرت ليندەر, كارينا گوريچەۆا, دەمەۋ جادىراەۆ ۇزدىك سپورتشىلار اتاندى. سپورتتاعى ەرەن ەڭبەكتەرى ءۇشىن ولارعا ديپلومدار مەن ارقايسىسىنا 700 مىڭ تەڭگەنىڭ سەرتيفيكاتى بەرىلدى. بۇدان وزگە 28 سپورتشىنىڭ جىل ىشىندەگى جەتىستىكتەرى ءۇشىن 150 مىڭنان 400 مىڭ تەڭگەگە دەيىنگى سەرتيفيكاتتار ۇسىنىلدى. مۇنداي قۇرمەتتەن جاتتىقتىرۋشىلار قۇرامى دا نازاردان تىس قالعان جوق. جىلدىڭ ۇزدىك جاتتىقتىرۋشىلارى بولىپ سەرگەي سەدوۆ پەن بورانبەك قوڭىراتوۆ تانىلدى. ال شاكىرتتەرى جەڭىس تۇعىرىنان كورىنگەن جيىرمادان استام باپكەردىڭ دە ەڭبەگى اتالىپ ءوتىلدى. سونداي-اق, وبلىستاعى ۇزدىك سپورت مەكتەپتەرى دە ماراپاتتان قۇرالاقان قالمادى. توپ ىشىنەن تالدىقورعان قالاسىنداعى № 1 وليمپيادالىق رەزەرۆتەگى مامانداندىرىلعان بالالار مەن جاسوسپىرىمدەر سپورت مەكتەبى ماقتاۋلى دەپ تانىلىپ, 500 مىڭ تەڭگە اقشالاي سىيلىققا يە بولدى.
بۇل جيىندا سپورت تاقىرىبىنا قالام تارتىپ جۇرگەن جەتىسۋلىق جۋرناليستەرگە دە شۇلەن ءتيدى. وبلىس اكىمى ءبىر توپ ءتىلشى, ءفوتوتىلشى, تەلەجۇرگىزۋشى, بەينەوپەراتور مەن بلوگەرگە لايىقتى قۇرمەت كورسەتتى.
قالماحانبەت مۇقامەتقالي,
«ەگەمەن قازاقستان».
الماتى وبلىسى.
