- ەكىباستۇزدا جيىن وتكىزىپ, وسى جەردەگى جاعدايمەن تانىستىق. «شىعىس» جانە «بوگاتىر» كەنىشتەرى ەكى جىلدىڭ ىشىندە قۋاتتىلىعىن ارتتىرعان. اياز سالدارىنان كەيبىر وڭىرلەردە كومىر تاپشىلىعى تۋىنداعان ەدى. ەكىباستۇزدىق كەنىشتەر توقتاۋسىز جۇمىس جاساعان. ۇكىمەت وتىرىسىندا اكىمدەرگە تاپسىرما دا بەرىلدى. ماسەلە باقىلاۋدا,-دەيدى بوزىمباەۆ.
- وتكەن جىلى كومىر كەنىشى تۇتىنۋشىلارعا 40 ميلليون 900 مىڭ توننا كومىر جەتكىزگەن. كومىردىڭ 60 پايىزى ەكسپورتقا جۇمسالسا, قالعان 40 پايىزى ەلىمىزدىڭ ىشكى نارىعىنا جىبەرىلەدى. بيىلعا 41 ميلليون توننا كومىر ءوندىرۋ جوسپارلانىپ وتىر , - دەيدى «بوگاتىر كومىر» جشس-ءنىڭ باس ديرەكتورى مارات ابدىعۇلوۆ.
– كوممۋنالدىق-تۇرمىستىق كومىردىڭ باعاسى ءبىر توننا ءۇشىن 2133 تەڭگە. باسقا وڭىرلەردەگى كومىر تاپشىلىعىنا بايلانىستى جايلاردىڭ «بوگاتىر» كەنىشىنە قاتىسى جوق. ويتكەنى,ءبىزدىڭ تۇتىنۋشىلارىمىز - گرەس,-تەر, جىلۋ ورتالىقتارى, قازاندىقتار,-دەيدى.
جالپى, كاسىپورىن كومىرمەن پاۆلودار, سولۇستىك قازاقستان جانە اقمولا وبلىستارىن قامتاماسىز ەتەدى. بيىل تسيكلدى-اعىمدى تەحنولوگيا بويىنشا كومىر ءوندىرۋ قايتا قالىپقا كەلتىرىلدى. 2021 جىلى العاشقى, 2023 جىلى ەكىنشى كەزەڭى اياقتالادى. 2019 جىلى «بوگاتىر» كەنىشىندە بايىتۋ فابريكاسىن ىسكە قوسىلماق.
ال, «شىعىس» كەنىشىنىڭ باسشىلىعى ق. بوزىمباەۆقا تۇتىنۋشىلارعا كومىر تاسىمالداۋ بويىنشا قيىندىق تۋىندامايدى دەپ ءمالىم ەتتى.
- 2017 كومىر ءوندىرۋ 17 ميلليون توننانى قۇرادى. بارلىق ينفراقۇرىلىمدى دامىتۋ بويىنشا جوسپارلار بار. ينۆەستيتسيالىق جوبالار جالعاسۋدا. قازىرگى كۇنى بىزدە اكىمشىلىك-تۇرمىستىق كومبيناتتىڭ قۇرىلىسى جۇرگىزىلۋدە. كورپوراتسيا ەكىباستۇزدا تۇرعىن ءۇي قۇرىلىسىن جۇرگىزۋدە,-دەدى كەنىش ديرەكتورى يۋري گونچاروۆ.
كەنىش بيىل تۇيىرشىكتەلگەن كومىر بويىنشا جاڭا جەلىنى ىسكە قوسۋدى جوسپارلاۋدا. بۇدان كومىردى از جاعۋ ارقىلى جىلۋدى كوبىرەك الۋعا بولادى.
فاريدا بىقاي
«ەگەمەن قازاقستان»
پاۆلودار
سۋرەت: ءباسپاسوز قىزمەتىنەن
