وڭتۇستىك كورەيانىڭ پحەنچحان قالاسىندا XXIII قىسقى وليمپيادا ويىندارىنىڭ شىمىلدىعى تۇرىلەدى. ارينە تورتكۇل دۇنيە كوز تىگەتىن ءدۇبىرلى دودادا ەلىمىز نەگىزىنەن قىسقى سپورت تۇرلەرى قانات جايعان شىعىس قازاقستان وبلىسىنىڭ سپورتشىلارىنا سەنىم ارتاتىنى بەلگىلى. سونىمەن بايراقتى باسەكەگە شىعىستان كىمدەر بارادى؟
وبلىستىق دەنە شىنىقتىرۋ جانە سپورت باسقارماسى ءباسپاسوز قىزمەتىنىڭ تاراتقان مالىمەتتەرىنە سۇيەنسەك, ءتورت جىلدىقتىڭ نەگىزگى سايىسىندا ۇلتتىق قۇراما ساپىندا شىعىس قازاقستاننىڭ 12 سپورتشىسى سپورتتىڭ 4 تۇرىنەن ەل نامىسىن قورعايتىن بولادى. ولار: الەكسەي پولتورانين, ەلەنا كولومينا (ەكەۋى دە ريددەردەن, شاڭعى جارىسى), دميتري رەيحەرد (وسكەمەن, فريستايل-موگۋل), يۋليا گالىشەۆا, پاۆەل كولماكوۆ, اياۋلىم امىرەنوۆا (ۇشەۋى دە وسكەمەننەن, فريستايل-موگۋل), گالينا ۆيشنەۆسكايا (سەمەي, بياتلون), سەرگەي تكاچەنكو (ريددەر, شاڭعىمەن ترامپليننەن سەكىرۋ), ۆيتالي ۆيتەنكو, ولگا پولتورانينا, ەليزاۆەتا بەلچەنكو جانە ۆاسيلي پودكورىتوۆ (تورتەۋى دە ريددەردەن, بياتلون).
ازامات قاسىم,
«ەگەمەن قازاقستان»
شىعىس قازاقستان وبلىسى
