2018 جىلدىڭ 13 اقپانىنان باستاپ «قازاقستاننىڭ دەپوزيتتەرگە كەپىلدىك بەرۋ قورى» اق («قدكبق» اق) «قازينۆەستبانك» اق-تىڭ اكتيۆتەرى مەن مىندەتتەمەلەرى «الفا-بانك» ەب اق-قا وتكەن كۇننەن باستاپ قالىپتاسقان اقشا قالدىقتارىن «قازينۆەستبانك» اق-تىڭ جەكە تۇلعالار مەن جەكە كاسىپكەرلەرى الدىنداعى مىندەتتەمەلەرى بويىنشا تولەمىن باستايدى.
وتكىزىلگەن كونكۋرس ناتيجەسى بويىنشا «قازاقستاننىڭ دەپوزيتتەرگە كەپىلدىك بەرۋ قورى» اق ديرەكتورلار كەڭەسىنىڭ شەشىمىمەن تولەم بويىنشا اگەنت بانك بولىپ «بانك تسەنتركرەديت» اق تاعايىندالدى. وسى بانك بارلىق فيليالدار جۇيەسى ارقىلى سونىڭ ىشىندە الماتى, استانا, اقتوبە, قاراعاندى, پاۆلودار, اتىراۋ قالالارىندا جەكە تۇلعالاردىڭ ءوتىنىشىن قابىلداپ, قاراستىرىپ, «قدكبق» اق اتىنان جانە ەسەبىنەن كەپىلدىك بەرىلگەن وتەمدى تولەيتىن بولادى.
جەكە تۇلعالار ءۇشىن كەپىلدىك بەرىلگەن وتەمدى تولەۋدىڭ ءۇش نۇسقاسى قاراستىرىلعان:
• «بانك تسەنتركرەديت» اق قاسساسىنان قولما-قول اقشامەن;
• جەكە تۇلعانىڭ «بانك تسەنتركرەديت» اق قولدانىستاعى بانكتىك شوتىنا نەمەسە دەپوزيتتەرگە كەپىلدىك بەرۋ جۇيەسىنە قاتىسۋشى باسقا بانككە اۋدارۋ;
• وتەمنىڭ سوماسىنا «بانك تسەنتركرەديت» اق دەپوزيت اشۋ.
وتەم الۋ ءۇشىن تەك جەكە كۋالىك پەن بەكىتىلگەن فورما بويىنشا تولتىرىلعان كەپىلدىك بەرىلگەن وتەمدى تولەۋگە ارنالعان ءوتىنىش بولۋى ءتيىس. ءوتىنىش بلانكىسىن اگەنت بانك بولىمشەلەرىنەن الىپ تولتىرۋعا نەمەسە «قدكبق» اق ۆەب-سايتىنان جۇكتەۋگە بولادى. ارەكەت ەتۋ قۇزىرەتى
نوتاريالدى كەپىلدىك بەرىلگەن وكىلى ارقىلى وتەمدى الۋعا بولادى.
جەكە تۇلعالارى «بانك تسەنتركرەديت» اق-قا 6 ايدىڭ ىشىندە ءوتىنىش بەرۋگە قۇقىلى. 6 اي وتكەننەن كەيىن تولەمدى الۋ ءۇشىن جەكە تۇلعالار تىكەلەي «قدكبق» اق-قا ءوتىنىش بەرە الادى.
«قدكبق» اق كەپىلدىگى دەپوزيتتەردىڭ بارلىق تۇرلەرىن, اعىمداعى شوتتارى مەن تولەم كارتالارىنداعى اقشانى قامتيدى. جەكە تۇلعالار «قازاقستان رەسپۋبليكاسىنىڭ ەكىنشى دەڭگەيدەگى بانكتەرىندە ورنالاستىرىلعان دەپوزيتتەرگە مىندەتتى كەپىلدىك بەرۋ تۋرالى» قازاقستان رەسپۋبليكاسى زاڭىندا كورسەتىلگەن ەڭ جوعارى مولشەردە وتەمدى الۋعا قۇقىلى:
• تەڭگەدەگى دەپوزيتتەر بويىنشا – 10 ميلليون تەڭگەگە دەيىن,
• شەتەل ۆاليۋتاسىنداعى دەپوزيتتەر بويىنشا – 5 ميلليون تەڭگەگە دەيىن (كەپىلدىك بەرىلگەن وتەمدى تولەۋى تەڭگەمەن ەسەپتەلەدى).
قوسىمشا اقپارات – «قدكبق» اق رەسمي ينتەرنەت سايتىندا: www.kdif.kz. «قدكبق» اق ماماندارىنان اقىل-كەڭەستى 8 8000 80 10 20 (قوڭىراۋ شالۋ تەگىن); +7 (727) 312 24 40 / 41 (الماتى ق.) تەلەفون نومىرلەرى ارقىلى الۋعا بولادى.
«بانك تسەنتركرەديت» اق اگەنت بانك فيليالدارىنىڭ جۇمىسى تۋرالى سۇراقتار بويىنشا: 505 (ۇيالى تەلەفوننان قوڭىراۋ شالۋ تەگىن), 8 (727) 244 30 30; www.bcc.kz.
