ماقساتى - سىبايلاس جەمقورلىققا قارسى كۇرەستى كۇشەيتۋگە باعىتتالعان شارالاردى وتكىزۋ ارقىلى جاستارىمىزعا بىلىممەن قوسا, دۇرىس ءتالىم – تاربيە بەرىپ, ادالدىققا, پاتريوتتىق سەزىمگە باۋلۋ.
جوعارىدا اتاپ وتكەنىمىزدەي بۇل دەرتكە قارسى كۇرەستى كوپتەگەن دەرەكتەرگە سۇيەنىپ, بولدىرماۋ جولدارىن قاراستىرىپ, جۇيەلى تۇردە ءوز ءىسىنىڭ ادال باستاماسىن اسىل قاسيەتىمەن ساقتاپ قالۋ ءۇشىن كۇرەسۋ – بارشامىزعا ورتاق ءىس.
شارا بارىسىندا «نۇر وتان» پارتياسى اقتوبە وبلىستىق فيليالى پارتيالىق باقىلاۋ ينسپەكتورى – كلارا بولاتقىزى يسلاموۆا ەلباسىنىڭ بيىلعى ء «تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى جولداۋىن قازاقستان حالقى ەرەكشە ىنتامەن تىڭداعانىن جانە مەملەكەت باسشىسى كەلەشەكتە جۇزەگە اسىرىلۋى ءتيىستى ماڭىزدى ستراتەگيالىق قادامداردى بەلگىلەپ بەرىپ وتىرعانى, ونىڭ ىشىندە جولداۋدىڭ توعىزىنشى تارماعى جەمقورلىقپەن كۇرەس ماسەلەسىنە ارنالعانىن ايتىپ, سىبايلاس جەمقورلىققا قارسى تۇرۋ — ەلباسىنىڭ ايقىنداپ بەرگەن مەملەكەتتىك ساياساتىنىڭ باسىم باعىتىنىڭ ءبىرى, ونىمەن كۇرەسۋ —قوعامنىڭ جانە ء اربىر ازاماتتىڭ ورتاق ءىسى, ونى ءاربىر وتباسى ء تۇسىنۋى كەرەك دەگەن ويىن جەتكىزدى.
قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ اقتوبە وبلىسى بويىنشا دەپارتامەنتىنىڭ باس مامانى – اسەل باۋىرجانقىزى جۇمامۇراتوۆا ادام بەلگىلى ءبىر ماتەريالدىق جاعدايعا تاۋەلدى بولسا, ول ار-ۇيات پەن نامىستى ەكىنشى ورىنعا قويادى, ەگەر ار-ۇيات, نامىستى ەكىنشى ورىنعا قويساق, وندا بولاشاقتا تۇتاس ءبىر ۇرپاقتى جوعالتىپ الۋىمىز مۇمكىن, بۇل دەرتكە قارسى كۇرەسە وتىرىپ, ءومىرىمىزدى ودان ءارى جاقسارتىپ, ادامگەرشىلىك, رۋحاني بايلىعىمىزدى جوعالتپاۋىمىز كەرەك دەپ ءتۇسىندىرىپ بەردى.
«جاس وتان» جاستار قاناتى توراعاسىنىڭ ورىنباسارى – مۇرات مۇستافين قازىرگى جاستار اراسىنداعى جۇرگىزىلىپ وتىرعان وسى باعىتتاعى جۇمىستارعا ناقتى توقتالىپ, جاستاردى ادال ەڭبەك ەتۋگە شاقىردى.
اشىق الاڭداعى اڭگىمە اياسىنداعى شاراعا قاتىسقان قالامىزداعى ارناۋلى ورتا وقۋ ورىندارىنىڭ وقىتۋشىلارى مەن ستۋدەنتتەرى دە ءوز ويلارىمەن ەركىن قوسىلىپ وتىردى.
جەمقورلىقپەن كۇرەس — ۋاقىتشا ناۋقان ەمەس, جۇيەلى, ءارى ۇزاق مەرزىمدى قاجەت ەتەتىن مەملەكەتتىك ساياسات. سوندىقتان, شارا قوناقتارىنىڭ بۇل باعىتتاعى جۇمىستارىنا كىتاپحانانىڭ وقۋ زالى ءبولىمىنىڭ مەڭگەرۋشىسى – گۇلمايرام ابۋباكىرقىزى الاتاەۆا تابىس تىلەپ, العىسىن جەتكىزدى جانە قاتىسۋشىلارعا ادالدىقتى, پاكتىكتى بويىنا دارىتقان, ۇلتتىق قۇندىلىقتارىمىزدى دارىپتەپ, ۇلت بولاشاعىنا سەنىممەن قاراپ, ۇلى دالامىزدىڭ ۇلاعاتىن بويىنا سىڭىرگەن تۇلعا رەتىندە قالىپتاسۋىنا تىلەك ءبىلدىردى.
شارا بارىسىندا «ادالدىق – اسىل قاسيەت» تاقىرىبىندا كىتاپ كورمەسى ۇيىمداستىرىلىپ, بيبليوگرافيالىق شولۋىن وقۋ زالى ءبولىمىنىڭ كىتاپحاناشىسى - ايگولەك لاكيباەۆا جۇرگىزىپ, اۆتوماتتاندىرۋ ءبولىمىنىڭ قىزمەتكەرى– مەيىربول تۋلەباەۆ بەينە جازبالار كورسەتتى.
بەيسوۆا گۇلزادا باقداۋلەتقىزى
س.بايىشەۆ اتىنداعى اقتوبە وبلىستىق
امبەباپ عىلىمي كىتاپحاناسى وقۋ زالى ءبولىمىنىڭ كىتاپحاناشىسى
