قازاقستان رەسپۋبليكاسى ۇكىمەتىنىڭ قاۋلىسى №1154

2011 جىلعى 10 قازان,   استانا, ۇكىمەت ءۇيى «جەر ۋچاسكەلەرى جەكە مەنشىككە بەرىلگەن كەزدە, مەملەكەت نەمەسە مەملەكەتتىك جەر پايدالانۋشىلار جالعا بەرگەن كەزدە ولار ءۇشىن تولەماقىنىڭ بازالىق ستاۆكالارىن, سونداي-اق جەر ۋچاسكەلەرىن جالداۋ قۇقىعىن ساتۋ تولەماقىسىنىڭ مولشەرىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2003 جىلعى 2 قىركۇيەكتەگى № 890 قاۋلىسىنا وزگەرىستەر مەن تولىقتىرۋلار ەنگىزۋ تۋرالى قازاقستان رەسپۋبليكاسىنىڭ 2003 جىلعى 20 ماۋسىمداعى جەر كودەكسىنىڭ 10-بابىنىڭ 1-تارماعىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. «جەر ۋچاسكەلەرى جەكە مەنشىككە بەرىلگەن كەزدە, مەملەكەت نەمەسە مەملەكەتتىك جەر پايدالا­نۋشىلار جالعا بەرگەن كەزدە ولار ءۇشىن تولەماقىنىڭ بازالىق ستاۆكالارىن, سونداي-اق جەر ۋچاسكەلەرىن جالداۋ قۇقىعىن ساتۋ تولەماقىسىنىڭ مولشەرىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2003 جىلعى 2 قىركۇيەكتەگى № 890 قاۋلىسىنا مىناداي وزگەرىستەر مەن تولىقتىرۋلار ەنگىزىلسىن: تاقىرىبى مىناداي رەداكتسيادا جازىلسىن: «جەر ۋچاسكەلەرىنە تولەماقىنىڭ بازالىق ستاۆكالارىن بەكىتۋ تۋرالى»; 1-تارماقتا: 1) تارماقشا مىناداي رەداكتسيادا جازىلسىن: «1) 2-قوسىمشاعا سايكەس اۋىل شارۋاشىلىعى ماقساتىنداعى جەر ۋچاسكەلەرى جەكە مەنشىككە بەرىلگەن كەزدە ولار ءۇشىن تولەماقىنىڭ بازالىق ستاۆكالارى;»; مىناداي مازمۇنداعى 1-1) تارماقشامەن تولىقتىرىلسىن: «1-1) مەملەكەت مەنشىگىندەگى جانە جەر پايدالانۋعا بەرىلمەگەن جەر ۋچاسكەلەرىنە جەكە سەرۆيتۋت بەلگىلەۋ ءۇشىن جەر سالىعى مولشەرىنىڭ ەلۋ پايىزى مولشەرىندە تولەماقى;»; 3-تارماق مىناداي رەداكتسيادا جازىلسىن: «3. جەر رەسۋرستارىن باسقارۋ جونىندەگى ورتالىق ۋاكىلەتتى ورگان ينفلياتسيانىڭ جالپى دەڭگەيى تۋرالى مەملەكەتتىك ستاتيستيكا دەرەكتەرىنىڭ جانە جەر نارىعىنىڭ مونيتورينگى ناتيجەلەرىنىڭ نەگىزىندە قاجەتتىلىگىنە قاراي قازاقستان رەسپۋبليكاسىنىڭ ۇكىمەتىنە اۋىل شارۋاشىلىعى ماقساتىنداعى جەر ۋچاسكەلەرىن جەكە مەنشىككە بەرگەن كەزدە ولار ءۇشىن تولەماقىنىڭ بازالىق ستاۆكالارىنىڭ وزگەرۋى تۋرالى ۇسىنىستار ەنگىزسىن.»; مىناداي مازمۇنداعى 3-1-تارماقپەن تولىقتىرىلسىن: «3-1. وبلىستاردىڭ, رەسپۋبليكالىق ماڭىزى بار قالالاردىڭ, استانانىڭ جەرگىلىكتى مەملەكەتتىك ورگاندارى جەرگىلىكتى تالاپتارعا جانە ەرەكشەلىكتەرگە وراي اۋىل شارۋاشىلىعى ماقساتىنداعى جەرلەردى قوسپاعاندا, وبلىس ورتالىقتارىندا, رەسپۋبليكالىق ماڭىزى بار قالالاردا, استانادا, وبلىستىق جانە اۋداندىق ماڭىزى بار قالالاردا, كەنتتەردە جانە اۋىلدىق ەلدى مەكەندەردە جەكە مەنشىككە بەرۋ كەزىندە جەر ۋچاسكەلەرىنىڭ بازالىق ستاۆكالارىن بەكىتسىن.»; كورسەتىلگەن قاۋلىنىڭ 1-قوسىمشاسى الىپ تاستالسىن. 2. وسى قاۋلى العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى     ك. ءماسىموۆ.