ەلباسىنىڭ كەزەكتى جولداۋىن مۇقيات تىڭدادىق. راسىندا دا, كولىك-لوگيستيكا ينفراقۇرىلىمىنىڭ تيىمدىلىگىن ارتتىرۋ زامان سۇرانىسىنان تۋىنداپ وتىر. مەملەكەت باسشىسى قازاقستان ارقىلى وتكەن جۇك ءترانزيتىنىڭ بىلتىر 17 پايىزعا ءوسىپ, 17 ميلليون تونناعا جۋىقتاعانىن ايتتى. سونىمەن قاتار ءبىزدىڭ الدىمىزعا ترانزيتتەن تۇسەتىن جىل سايىنعى تابىستى 2020 جىلى 5 ميلليارد دوللارعا جەتكىزۋ مىندەتىن قويدى. بۇعان قوستاناي وبلىسى دا ايتارلىقتاي ۇلەس قوساتىنىنا سەنىمدىمىن. جالپى, قازاقستاندا قۇراستىرىلاتىن iEv7S ەلەكتروموبيلدەرى قىتايدىڭ JAC ماركاسىنىڭ نەگىزىندە جاسالعان. ءىس جۇزىندە بۇل اۆتوكولىك NEDC تسيكلىمەن 280 شاقىرىمعا دەيىن توقتاماي جۇرە الادى. ەگەر جىلدامدىقتى 60-تان اسىرماسا 350 شاقىرىمعا دەيىن بارۋعا بولادى. ال اۆتوكولىك باتارەياسىن تولىق قۋاتتاۋ ءۇشىن شامامەن 7 ساعات ۋاقىت قاجەت. 2018 جىلدىڭ اياعىنا دەيىن قوستانايدا 500 ەلەكتروموبيل قۇراستىرىپ شىعارۋ جوسپارلانعان. كولىكتىڭ باعاسى شامامەن 7,5 ملن تەڭگەدەن باستالادى. اتالعان كولىكتەردىڭ جالپى ساتىلىمعا ءدال قاي كەزدە شىعاتىنى ازىرگە بەلگىسىز.
الداعى ۋاقىتتا جۇك قوزعالىسىن ونلاين جۇيەدە باقىلاپ, وعان تسيفرلى تەحنولوگيالاردىڭ اۋقىمدى تۇردە ەنگىزىلۋىن قامتاماسىز ەتۋ جوسپاردا تۇر. بۇل لوگيستيكانىڭ بارلىق بۋىنىنىڭ ءوزارا بايلانىسىن ۇيىمداستىرۋعا مۇمكىندىك بەرەدى. ءبىزدىڭ كاسىپورىن قىتاي, رەسەي, وزبەكستان سياقتى ەلدەرمەن تىعىز بايلانىستا. سوڭعى جەتى جىل ىشىندە زاۋىت 30 مىڭ اۆتوكولىك شىعاردى. اۆتوبۋس ءوندىرىسى 12,4 ەسەگە ارتتى. بىلتىردان بەرى 215 «يۆەكو» ماركالى اۆتوبۋس قۇراستىرىلىپ, استانادا وتكەن ەكسپو-2017 حالىقارالىق كورمەسىنە كەلۋشىلەردى تاسىمالداۋعا جونەلتىلدى. «سارىارقااۆتوپروم» جشس-نىڭ وندىرىستىك الاڭىندا ANKAI اتتى اۆتوبۋستاردىڭ بىرلەسكەن زاۋىتى ىسكە قوسىلدى. اۆتوبۋستار «ەۋرو 5» ەكولوگيالىق تالاپتارىنا ساي كەلەدى. گازبەن دە, ديزەل وتىنىمەن دە جۇرەدى.
سەرگەي موگيلاتوۆ,
«سارىارقااۆتوپروم» جشس ديرەكتورىنىڭ ورىنباسارى
