سينوپتيكتەردىڭ مالىمەتىنشە, 29 قاڭتاردان 30 قاڭتارعا دەيىن اياز سولتۇستىك قازاقستان, اقمولا, پاۆلودار, شىعىس قازاقستان جانە قاراعاندى وبلىستارىندا بوساڭسىپ, اپتانىڭ اياعىندا اۋا تەمپەراتۋراسى -35-41 گرادۋستان -15-23 گرادۋسقا دەيىن, تۇندە -25-33 گرادۋستان -7-15 گرادۋسقا دەيىن كوتەرىلەدى.
وڭتۇستىك ايماقتاردا تۇنگى تەمپەراتۋرا -21-35 گرادۋستان -5-13 گرادۋسقا, كۇندىز -15 -2-دەن -2 + 3 گرادۋسقا دەيىن كوتەرىلەدى. ەستەرىڭىزگە سالا كەتەيىك, 19 قاڭتاردا سينوپتيكتەر ورتالىق, سولتۇستىك جانە شىعىس وبلىستاردا قاتتى اياز بولاتىنى تۋرالى داۋىلدى ەسكەرتۋ جاساعان بولاتىن.
"ودان كەيىن قاتتى اياز ەلىمىزدىڭ وڭتۇستىك اۋماقتارى الماتى, جامبىل, قىزىلوردا جانە وڭتۇستىك قازاقستان وبلىستارىنا دا جەتىپ, 29 قاڭتارعا دەيىن وسى اۋا رايىنا بايلانىستى داۋىلدى ەسكەرتۋ جاريالاندى", - دەپ حابارلادى "قازگيدرومەت" وكىلدەرى.
