سونىمەن بىرگە ايماقتىڭ كاسىبي تەحنيكالىق ءبىلىم سالاسىندا ايماقارالىق قۇزىرەت ورتالىقتارى قۇرىلاتىن بولادى. ول تۋرالى وبلىس اكىمى ەلباسىنىڭ ء«تورتىنشى ونەركاسىپتىك رەۆوليۋتسيا جاعدايىندا جاڭا مۇمكىندىكتەردى دامىتۋ» قازاقستان حالقىنا جولداۋىندا العا قويىلعان مىندەتتەر مەن ماقساتتاردى تالقىلاۋعا ارنالعان اكتيۆ جينالىسىندا مالىمدەدى. «2016-شى جىلدان باستاپ ءبىلىم بەرۋدىڭ جاڭارتىلعان قۇرامىنا اۋىسۋ باستالدى.
جاڭا باعدارلامالار بويىنشا ءبىزدىڭ وبلىسىمىزدىڭ 40%-دان استام مەكتەپ ۇستازدارى دايىندىقتان ءوتتى, وسى جىلدىڭ سوڭىنا دەيىن ولاردىڭ ۇلەسى 60%-عا دەيىن ۇلعايادى. سىزدەر بىلەسىزدەر, 2018-ءشى جىلدىڭ 1-ءشى قاڭتارىنان باستاپ جاڭارتىلعان قۇرامعا اۋىسقان مۇعالىمدەردىڭ جالاقىسى 30%-عا كوتەرىلەدى», - دەدى ەرلان قوشانوۆ.
ول سونىمەن قاتار وبلىستىڭ روبوتوتەحنيكا ءبىلىمىن دامىتۋعا باسىمدىلىق جاساپ وتىرعانىن ايتتى. «تەك سوڭعى جىلدىڭ وزىندە-اق مەكتەپ زەرتحانالارىنىڭ سانى 47-دەن 200-گە دەيىن ۇلعايدى. ءبىزدىڭ الداعى جىلعا قويىپ وتىرعان ماقساتىمىز - روبوتوتەحنيكامەن بارلىق ورتا جانە نەگىزگى مەكتەپتەردى قامتۋ. ولاردىڭ سانى بىزدە - 467, - دەدى ايماق باسشىسى قالالار مەن اۋدانداردىڭ اكىمدەرىنە. - وسىعان وراي مەكتەپتەردەگى روبوتوتەحنيكا زەرتحانالارى بازاسىندا تەحنوپاركتەر قۇرۋ بويىنشا جۇمىستار جۇرگىزۋ قاجەت. مەنىڭ ويىمشا ونى وبلىسىمىزدىڭ بارلىق قالالارىندا جاساۋعا بولادى».
ەرلان قوشانوۆ قوسىمشا ءبىلىم ۇيىمدارىنىڭ, اسىرەسە تەحنيكالىق باعىتتاعى مەكەمەلەرەدىڭ جەلىسىن كەڭەيتۋ قاجەت دەپ ويلايدى. ء«بىز كاسىبي جانە تەحنيكالىق ءبىلىم جۇيەسىن جەتىلدىرۋدى جالعاستىرامىز. 3 كوللەدج نەگىزىندە ايماق ارالىق قۇزىرەت ورتالىقتارى قۇرىلاتىن بولادى, - دەپ ءتۇسىندىردى ول. - ءبىزدىڭ وبلىسىمىزدىڭ ەكى كوللەدجى رەسپۋبليكا بويىنشا العاشقىلاردىڭ ءبىرى بولىپ جوعارعى دارەجەگە يە بولدى. ءبىلىم باسقارماسىنا جاڭا وقۋ جىلىنان باستاپ ولاردىڭ سانىن التىعا دەيىن وسىرۋگە تاپسىرما بەرەمىن».
