قۇرىلىس جۇمىستارىنىڭ 90 پايىزى اياقتالدى. وبلىس اكىمى كەنت تۇرعىندارى كوپتەن كۇتكەن نىساندى بيىلعى كوكتەمدە اشۋعا تاپسىرما بەردى. وسى جىلدىڭ قىركۇيەك ايىندا اباي اۋدانىندا ۇزىندىعى 25 مەتر بولاتىن بەس جولاقتى سۋدا ءجۇزۋ باسسەينى پايدالانۋعا بەرىلەدى. بۇل نىسان اۋداندا سۋ سپورتى تۇرلەرىن دامىتۋ ماقساتىندا سالىنىپ جاتىر.
شىعىس قازاقستاندا ءۇش جاڭا ءبىلىم ورداسى بوي كوتەرەدى. ولار: اياگوز اۋدانىنداعى 600 ورىندىق ورتا مەكتەپ, ءۇرجار اۋدانىنىڭ ماقانشى اۋىلىنداعى 320 ورىندىق ورتا مەكتەپ جانە تارباعاتاي اۋدانىنىڭ اقجار اۋىلىنداعى 300 ورىندىق ينتەرنات پەن 600 ورىندىق ورتا مەكتەپ. ايماق باسشىسى اتالعان ءۇش ءبىلىم بەرۋ نىسانىن جاڭا وقۋ جىلى باستالعانعا دەيىن قولدانىسقا بەرۋدى جۇكتەدى.
ء«ۇش جاڭا مەكتەپتىڭ قۇرىلىس جوسپارىن قايتا قاراپ, بەكىتىڭىزدەر. قۇرىلىس جۇمىستارىن جاڭا وقۋ جىلى باستالعانعا دەيىن اياقتاۋ كەرەك. سونىمەن قاتار, تارباعاتاي اۋدانىندا سالىنىپ جاتقان 300 ورىنعا ارنالعان مەكتەپ-ينتەرناتتى بالالارمەن تولتىرۋدىڭ جوباسىن جاساپ, ماعان كورسەتىڭىزدەر. ەڭ باستىسى, ينتەرنات بوس تۇرماۋى كەرەك», - دەدى دانيال احمەتوۆ.
وبلىس اكىمىنىڭ ءباسپاسوز قىزمەتى سونىمەن قاتار, بيىل وڭىردە التى الەۋمەتتىك-مادەني نىساننىڭ قۇرىلىسى جالعاساتىنىن حابارلادى. ولار وسكەمەندە سالىنىپ جاتقان ءۇش مەكتەپ پەن دەنساۋلىق ساقتاۋ سالاسىنداعى ەكى نىسان (گەماتولوگيالىق ورتالىقتىڭ جانە وسكەمەن قالاسىنداعى 200 ورىندىق قالالىق بالالار اۋرۋحاناسىنىڭ قۇرىلىسى).
سەمەي قالاسىندا «اباي-ارەنا» مادەني-سپورت كەشەنى سالىنادى. ونىڭ قۇرىلىسى قاراعايلى جاڭا شاعىن اۋدانىندا باستالماق. قۇرىلىس جۇمىستارى حالىقارالىق ستاندارتتارعا ساي سالىنۋدا جانە 5 مىڭ ورىنعا ەسەپتەلگەن. كەشەن الەمدىك دەڭگەيدەگى ءتۇرلى سپورتتىق جارىستار وتكىزۋگە مۇمكىندىك بەرەدى.
ازامات قاسىم,
«ەگەمەن قازاقستان»
شىعىس قازاقستان وبلىسى
