قىسقاسى, قازاقستان سپورتىنىڭ شەجىرەسىندە اتى شەگەندەلگەن چەمپيونعا قاتىستى مىنا ءبىر سويلەيتىن سۋرەت ءبىزدى جىل باسىندا ء«بىر سۋرەتتىڭ سىرى» ايدارىنا جەتەلەپ وتىر.
سپورتتاعى مانسابىن 13 جاسىندا سەمەيدە وتكەن ەل چەمپيوناتىنان باستاعان يليا 2005 جىلى 17 جاسىندا جاسوسپىرىمدەر اراسىنداعى الەم چەمپيونى اتانعانىن ايتا كەتسەك نەسى ايىپ؟! ءدال وسى جىلى 15 قاراشادا قاتاردىڭ دوحا قالاسىندا 2005 جىلعى چەمپيوناتتىڭ تاڭداۋلى زىلتەمىرشىسى اتاندى. 2006 جىلى قىتايدا جاستار اراسىنداعى الەم چەمپيوندىعىن ج ۇلىپ الدى. وسى جىلى سانتو-دومينگودا 94 كەلى سالماق ساناتىندا الەم چەمپيونى بولدى. 2006 جىلدىڭ جەلتوقسانىندا قاتارداعى ازيا ويىندارىندا 94 كەلى سالماقتا 401 كەلى ناتيجەمەن چەمپيون اتاندى. 2008 جىلى بەيجىڭ وليمپياداسىندا جەڭىمپاز بولدى. 2010 جىلى قازاقستاننىڭ جانە ازيا ويىندارىنىڭ چەمپيونى. 2012 جىلى لوندون وليمپياداسىندا الەمدىك جانە وليمپيادالىق رەكورد جاساپ, ەكىنشى رەت وليمپيادا چەمپيونى اتاندى.
– يليا يلين ءار جارىستان كەلگەن سايىن قىزىلوردا اۋەجايىندا كۇتىپ الاتىن ەدىك. مەنىڭ سوندا بايقاعانىم يليانىڭ اناسى ۇنەمى جىلاپ تۇرادى. يليا زىلتەمىردى كوتەرەردە اناسى ەكى كوزىن تارس جۇمىپ الاتىنعا ۇقسايدى. بالاسىنىڭ بەلى قايىسقانىن كورگىسى كەلمەيدى. جۇرت يليا زىلتەمىردى كوتەردى دەپ قۋانسا, اناسى گالينا ۇلىنىڭ ءبىر جەرىن مەرتىكتىرمەي, امان كەلگەنىن كورىپ جىلايدى. مىنا سۋرەت سونىڭ ءبىر ايعاعى ىسپەتتى – دەيدى جان تەبىرەنتەرلىك سۋرەتتىڭ اۆتورى بولات وماراليەۆ.
ايناش ەسالي,
«ەگەمەن قازاقستان»
الماتى
سۋرەتتى تۇسىرگەن
بولات وماراليەۆ
