قازاقستان رەسپۋبليكاسى قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى اگەنتتىگىنىڭ بۇيرىعى №354

2011 جىلعى 26 قىركۇيەك,    استانا قالاسى سۋمەن جابدىقتاۋ جانە سۋ بۇرۋ قىزمەتىنىڭ كورسەتىلگەن كولەمىن انىقتاۋ ادىستەمەسىن بەكىتۋ تۋرالى «قازاقستان رەسپۋبليكاسىنىڭ مەملەكەتتىك باسقارۋ جۇيەسىن ودان ءارى جەتىلدىرۋ تۋرالى» قازاق­ستان رەسپۋبليكاسى پرەزيدەنتىنىڭ 2009 جىلعى 24 ماۋسىمداعى №832 جارلىعىنا جانە قازاقستان رەسپۋبليكاسىنىڭ 2003 جىلعى 9 شىلدەدەگى سۋ كودەكسىنە سايكەس بۇيىرامىن: 1. قوسا بەرىلگەن سۋمەن جابدىقتاۋ جانە سۋ بۇرۋ قىزمەتىنىڭ كورسەتىلگەن كولەمىن انىقتاۋ ادىستەمەسى بەكىتىلسىن. 2. قازاقستان رەسپۋبليكاسى قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى اگەنتتىگىنىڭ تۇرعىن ءۇي-كوممۋنالدىق شارۋاشىلىق دەپارتامەنتى وسى بۇيرىقتى قازاقستان رەسپۋب­ليكاسى ادىلەت مينيسترلىگىندە مەملەكەتتىك تىركەۋدەن وتكەن سوڭ بۇقارالىق اقپارات قۇرالدارىندا رەسمي جاريالاۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى اگەنتتىگى توراعاسىنىڭ ورىنباسارى ن.پ. تيحونيۋككە جۇكتەلسىن. 4. وسى بۇيرىق العاش رەت رەسمي جاريالانعان كۇنىنەن كەيىن ون كۇنتىزبەلىك كۇن وتكەن سوڭ قولدانىسقا ەنگىزىلەدى. توراعا س.نوكين. قازاقستان رەسپۋبليكاسى قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى اگەنتتىگى توراعاسىنىڭ 2011 جىلعى 26 قىركۇيەكتەگى №354 بۇيرىعىمەن بەكىتىلگەن سۋمەن جابدىقتاۋ جانە سۋ بۇرۋ قىزمەتىنىڭ كورسەتىلگەن كولەمىن انىقتاۋ ادىستەمەسى 1. جالپى ەرەجەلەر وسى سۋمەن جابدىقتاۋ جانە سۋ بۇرۋ قىزمەتىنىڭ كورسەتىلگەن كولەمىن ەسەپتەۋ ادىستەمەسى (بۇدان ءارى – ادىستەمە) قازاقستان رەسپۋبليكاسىنىڭ سۋ كودەكسىنىڭ 37-1-بابىنىڭ 3) تارماقشاسىنا جانە سايكەس سۋمەن جابدىقتاۋ جانە سۋ بۇرۋ قىزمەتتەرىن پايدالاناتىن جەكە, زاڭدى تۇلعالارعا جانە جەكە كاسىپكەرلەرگە (بۇدان ءارى – تۇتىنۋشىلارعا) ەلدى مەكەندەردىڭ سۋمەن جابدىقتاۋ جانە سۋ بۇرۋ جۇيەسىن پايدالانۋشى ۇيىمدار (بۇدان ءارى – قىزمەت كورسەتۋشى) كورسەتكەن قىزمەتىنىڭ كولەمىن انىقتاۋ كەزىندە بىرىڭعاي ۇستانىمدى قامتاماسىز ەتۋ ماقساتىندا ازىرلەندى. وسى ادىستەمە قىزمەت كورسەتۋشى تۇتىنۋشىعا تولەۋ ءۇشىن شوت ۇسىنعان جاعدايدا كورسەتىلگەن سۋمەن جابدىقتاۋ جانە سۋ بۇرۋ قىزمەتىنىڭ كولەمىن انىقتاۋ ءتارتىبىن كوزدەيدى. 2. وسى ادىستەمەدە مىناداي تەرميندەر مەن ۇعىمدار پايدالانىلادى: 1) ەسەپتەۋ قۇرالى – نورمالانعان مەترولوگيالىق سيپاتتاماسى بار, بەلگىلى ءبىر ۋاقىت ارالىعى ىشىندە فيزيكالىق شاما بىرلىگىن جاڭعىرتاتىن جانە ساقتايتىن ءارى قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن كوممەرتسيالىق ەسەپكە الۋ ءۇشىن قولدانۋعا رۇقسات ەتىلگەن سۋ كولەمىن ولشەۋگە ارنالعان تەحنيكالىق قۇرال; 2) قىزمەت كورسەتۋشى – سۋمەن جابدىقتاۋ مەن سۋ بۇرۋدىڭ تولىق تەحنولوگيالىق ۇدەرىسىن جۇزەگە اسىراتىن جانە تۇتىنۋشىلارعا سۋمەن جابدىقتاۋ جانە سۋ بۇرۋ جونىندە قىزمەتتەر كورسەتۋ ماقساتىندا ەلدى مەكەننىڭ سۋمەن جابدىقتاۋ جانە سۋ بۇرۋ جۇيەسىن پايدالاناتىن, سونداي-اق تۇتىنۋشىلاردىڭ سۋمەن جابدىقتاۋ جانە سۋ بۇرۋ جۇيەلەرىنىڭ جاي-كۇيىنە تەحنيكالىق قاداعالاۋدى جۇزەگە اسىراتىن, تۇتاستاي العاندا ەلدى مەكەننىڭ سۋمەن جابدىقتاۋ جانە سۋ بۇرۋ جۇيەلەرىنىڭ دامۋىن رەتتەيتىن جانە باقىلايتىن سۋ شارۋاشىلىعى ۇيىمى (سۋمەن جابدىقتاۋ جانە سۋ بۇرۋ كاسىپورنى); 3) وقشاۋ تازارتۋ قۇرىلىستارى – تۇتىنۋشىنىڭ اۋىز سۋىن دايىنداۋعا نەمەسە ءوزىنىڭ سارقىندى سۋلارىن ەلدى مەكەننىڭ سۋ بۇرۋ جۇيەسىنە اعىزۋ الدىندا ولاردى تازارتۋعا ارنالعان قۇرىلىستارى مەن قۇرىلعىلارىنىڭ جيىنتىعى; 4) پايدالانۋ جاۋاپكەرشىلىگىن ءبولۋ شەكاراسى – تاراپتاردىڭ كەلىسىمىمەن بەلگىلەنەتىن مىندەتتەر (ولاردى پايدالانۋ جاۋاپكەرشىلىگى) بەلگىسى بويىنشا سۋمەن جابدىقتاۋ جانە سۋ بۇرۋ جۇيەلەرى ەلەمەنتتەرىنىڭ ءبولۋ سىزىعى. مۇنداي كەلىسىم بولماعان كەزدە پايدالانۋ جاۋاپكەرشىلىگىنىڭ شەكاراسى تەڭگەرىمدىك تيەسىلىلىگىن ءبولۋ شەكاراسى بويىنشا بەلگىلەنەدى; 5) كىرمە سۋ قۇبىرى – قوسىلۋ نۇكتەسىندەگى تيەكتى ارماتۋراسى بار قۇدىقتى قوسا العاندا, عيماراتتاعى ءبىرىنشى ىسىرماعا دەيىنگى سۋمەن جابدىقتاۋدىڭ تاراتۋ جەلىسىندەگى قۇبىر; 6) سۋ تۇتىنۋدى پايدالانۋ نورماسى – قازاقستان رەسپۋبليكاسىنىڭ زاڭناماسىندا بەلگىلەنگەن تارتىپتە ەسەپتەلگەن, ناقتى ەلدى مەكەندەگى ءبىر ادامنىڭ, جەكە قوسالقى شارۋاشىلىقتاعى جانۋارلارىنىڭ تاۋلىكتىك قاجەتتىلىگىن قاناعاتتاندىرۋعا نەمەسە سۋارمالى اۋداننىڭ ءبىر بىرلىگىنە ارنالعان سۋدىڭ ەسەپتىك مولشەرى; 7) تۇتىنۋشى – مەنشىگىندە نەمەسە وزگە دە زاڭدى نەگىزدە سۋمەن جابدىقتاۋ جانە سۋ بۇرۋ جۇيەلەرى بار, سۋمەن جابدىقتاۋ جانە سۋ بۇرۋ جۇيەلەرىنە قوسىلعان جانە قىزمەت كورسەتۋشىنىڭ سۋمەن جابدىقتاۋ جانە سۋ بۇرۋ جونىندەگى قىزمەتتەرىن شارت نەگىزىندە پايدالاناتىن جەكە نەمەسە زاڭدى تۇلعا; 8) ءوزى اعاتىن سۋ قۇبىرىنىڭ تولىق وتكىزۋ قابىلەتتىلىگى – بار ەڭىستىگى مەن 1,0 d (d – قۇبىردىڭ ىشكى ديامەترى) تەڭ تولعان كەزدە جانە ونىڭ تاۋلىگىنە قۇبىر بويىنشا 24 ساعات بويى سۋ قوزعالىسىنىڭ جىلدامدىعى سەكۋندىنا ءبىر مەتر كەزىندە قۇبىر بويىنشا بۇرىلاتىن سارقىندى سۋ شىعىنى; 9) سۋ قۇبىرىنىڭ تولىق وتكىزۋ قابىلەتتىلىگى – 1,0 d (d – قۇبىردىڭ ىشكى ديامەترى) تەڭ تولعان كەزدە جانە ونىڭ تاۋلىگىنە قۇبىر بويىنشا 24 ساعات بويى سۋ قوزعالىسىنىڭ جىلدامدىعى سەكۋندىنا ەكى مەتر كەزىندەگى سۋ شىعىنى. 3. سۋمەن جابدىقتاۋ جانە سۋ بۇرۋ جونىندە كورسەتىلگەن قىزمەتتىڭ كولەمى قىزمەت كورسەتۋشى پايدالانۋ جاۋاپكەرشىلىگىن ءبولۋ شەكاراسىندا ورناتىلعان جانە كوممەرتسيالىق ەسەپكە الۋعا قابىلدانعان ەسەپتەۋ قۇرالىنىڭ كورسەتكىشتەرى بويىنشا انىقتالادى. 4. ەسەپتەۋ قۇرالى بولماعان كەزدە, وسى ادىستەمەدە كوزدەلگەن جاعدايلاردان باسقا, كورسەتىلگەن سۋمەن جابدىقتاۋ قىزمەتىنىڭ كولەمى ناقتى ەلدى مەكەندە بەكىتىلگەن سۋ تۇتىنۋ نورماسى بويىنشا ەسەپتەۋ ارقىلى انىقتالادى. 5. كورسەتىلگەن سۋ بۇرۋ قىزمەتىنىڭ كولەمى, وسى ادىستەمەدە جانە قازاقستان رەسپۋبليكاسىنىڭ زاڭناماسىندا كوزدەلگەن جاعدايلاردان باسقا, سۋمەن (ىستىق, تەحنيكالىق, اۋىز سۋ), ونىڭ ىشىندە شۇڭقىرعا (سەپتيككە) سارقىندى سۋدى بۇرۋ نەمەسە وقشاۋ تازارتۋ قۇرىلىستارى كەزىندە سۋمەن جابدىقتاۋ قىزمەتىنىڭ كولەمىنە تەڭ قابىلدانادى. 6. كوممەرتسيالىق ەسەپكە الۋعا قابىلدانعان اعىندى سارقىندى سۋدى ەسەپتەۋ قۇرالى تۇتىنۋشىدا بولعان كەزدە كورسەتىلگەن سۋ بۇرۋ قىزمەتىنىڭ كولەمى وسى ەسەپتەۋ قۇرالىنىڭ كورسەتكىشى بويىنشا انىقتالادى. 7. ەلدى مەكەننىڭ سۋمەن جابدىقتاۋ جۇيەسىنە قوسىلماعان, سونداي-اق ەلدى مەكەننىڭ سۋ بۇرۋ جۇيەسىنە سارقىندى سۋدى بۇراتىن ءار ءتۇرلى سۋمەن جابدىقتاۋ كوزدەرى بار تۇتىنۋشىلاردا سارقىندى سۋدى ەسەپتەۋ قۇرالى بولماعان جاعدايدا, ولارعا كورسەتىلگەن سۋ بۇرۋ قىزمەتىنىڭ كولەمى ەسەپتەۋ قۇرالىنىڭ كورسەتكىشى بويىنشا نەمەسە سۋ تۇتىنۋدى پايدالانۋ نورماسى بويىنشا ەسەپتەۋ ارقىلى انىقتالادى. 8. قىزمەت كورسەتۋشىنىڭ رۇقساتى بويىنشا كەزەكتى تەكسەرۋگە, جوندەۋگە نەمەسە اۋىستىرۋعا بايلانىستى ەسەپتەۋ قۇرالى ۋاقىتشا بولماعان جاعدايدا, كورسەتىلگەن سۋمەن جابدىقتاۋ قىزمەتىنىڭ كولەمى ەسەپتەۋ قۇرالى بولماعان كەزەڭ ىشىندە, بىراق ءبىر ايدان ارتىق ەمەس, ەسەپتەۋ قۇرالىنىڭ كورسەتكىشتەرىنە سايكەس الداعى ءۇش ايدىڭ ورتاشا شىعىنى بويىنشا انىقتالادى. اتالعان مەرزىم وتكەن سوڭ ەسەپتەۋ قۇرالى بولماعان كەزدە كورسەتىلگەن سۋمەن جابدىقتاۋ قىزمەتىنىڭ كولەمى سۋ تۇتىنۋدى پايدالانۋ نورماسى بويىنشا ەسەپتەۋ ارقىلى انىقتالادى. 9. ازىرلەۋشى زاۋىت بەلگىلەگەن شەكتەگى ەسەپتەۋ قۇرالىنىڭ قاتەلىگى سۋمەن جابدىقتاۋ جانە سۋ بۇرۋ جونىندە كورسەتىلگەن قىزمەتتىڭ كولەمىن قايتا ەسەپتەۋ جۇرگىزۋگە نەگىزدەمە بولا المايدى. 10. سۋدى كوممەرتسيالىق ەسەپكە الۋ ءۇشىن كوممۋنالدىق شارۋاشىلىق سالاسىنداعى ۋاكىلەتتى ورگانمەن جانە قالالىق ەلدى مەكەندەردە سۋمەن جابدىقتاۋ جانە سۋ بۇرۋ جۇيەسىنە وبەكتىلەردى قوسۋعا ارنالعان تەحنيكالىق شارتتاردا باياندالعان تەحنيكالىق تالاپتارمەن بەكىتىلگەن سۋمەن جابدىقتاۋ جانە سۋ بۇرۋ جۇيەلەرىندە كوممەرتسيالىق ەسەپتەۋ قۇرالىن تاڭداۋ, مونتاجداۋ جانە پايدالانۋ جونىندەگى ادىستەمەلىك نۇسقاۋلارعا سايكەس سەزىمتالدىعى جوعارى جانە ناقتىلىعى بارىنشا جوعارى كلاستى ەسەپتەۋ قۇرالدارى ورناتىلادى. 11. تۇرعىن ءۇي قورىندا ءورت سوندىرۋدەن باسقا جاعدايلاردا, ونىڭ كiمگە تيەسiلi ەكەنiنە مەن مەنشىك نىسانىنا قاراماستان, تۇتىنۋشىدا جانە تۇتىنۋشى بولىپ تابىلمايتىن وبەكتىدە ءورت سوندىرۋگە, ءورت-تاكتيكالىق وقۋلارعا جانە گيدرانتتاردى تەكسەرۋگە ەلدى مەكەننىڭ سۋمەن جابدىقتاۋ جۇيەسىنىڭ سۋ شىعىنىن تۇتىنۋشى مەن وبەكت يەسى تولەۋگە ءتيىس. 2. ىستىق سۋمەن جابدىقتاۋدىڭ اشىق جانە جابىق جۇيەلەرىندە كورسەتىلگەن قىزمەتتەردىڭ كولەمىن ەسەپكە الۋ 12. ىستىق سۋمەن جابدىقتاۋ – ءبىر نەمەسە بىرنەشە كاسىپورىن كورسەتەتىن سۋىق سۋمەن جابدىقتاۋ جانە سۋدى قىزدىرۋ – ءار ءتۇرلى ەكى قىزمەتتەن تۇراتىن كۇردەلى قىزمەت. 13. كوپ پاتەرلى تۇرعىن ءۇيدى ىستىق سۋمەن جابدىقتاۋدىڭ اشىق جۇيەسى كەزىندە ىستىق سۋ ىستىق سۋمەن جابدىقتاۋدىڭ ورتالىقتاندىرىلعان جۇيەسىنەن كەلىپ تۇسەدى. بۇ رەتتە, ۇيگە ورتاق سۋدى ەسەپتەۋ قۇرالى ىستىق جانە سۋىق سۋمەن جابدىقتاۋدىڭ كىرمەلەرىندەگى پايدالانۋ جاۋاپكەرشىلىگىن ءبولۋ شەكاراسىندا ورناتىلادى. 14. ىستىق سۋمەن جابدىقتاۋدىڭ جابىق جۇيەسى كەزىندە تۇتىنۋشىعا سۋىق سۋ اۋىز سۋمەن جابدىقتاۋدىڭ ورتالىقتاندىرىلعان جۇيەسىنەن كەلىپ تۇسەدى جانە عيماراتتا ەكى قۇبىرعا بولىنەدى: بىرەۋى – سۋىق سۋمەن جابدىقتاۋدىڭ ءۇي ىشىندەگى تاراتۋ جەلىسىنە, ەكىنشىسى – جەرگىلىكتى سۋ ىسىتقىش ارقىلى ىستىق سۋمەن جابدىقتاۋدىڭ ءۇي ىشىندەگى تاراتۋ جەلىسىنە اعادى. بۇل رەتتە, ۇيگە ورتاق ەسەپتەۋ قۇرالى سۋىق سۋمەن جابدىقتاۋدىڭ كىرمەسىندەگى پايدالانۋ جاۋاپكەرشىلىگىن ءبولۋ شەكاراسىندا ورناتىلادى. 15. قىزمەت كورسەتۋشى, ەگەر قازاقستان رەسپۋبليكاسىنىڭ زاڭناماسىندا وزگە كوزدەلمەسە, ءوزى كورسەتەتىن قىزمەت ءۇشىن عانا اقى الۋدى جۇرگىزەدى. 3. كوندومينيۋم قاتىسۋشىلارىنا سۋمەن جابدىقتاۋ جانە سۋ بۇرۋ قىزمەتىنىڭ كورسەتىلگەن كولەمىن ەسەپكە الۋ 16. تۇتىنۋشىلارعا – كوندومينيۋم قاتىسۋشىلارىنا سۋمەن جابدىقتاۋ قىزمەتىنىڭ كورسەتىلگەن كولەمى مىناداي تارتىپتە انىقتالادى: 1) جەكە جانە ۇيگە ورتاق ەسەپتەۋ قۇرالى بولماعاندا – سۋ تۇتىنۋدى پايدالانۋ نورمالارى بويىنشا; 2) جەكە ەسەپتەۋ قۇرالى ءىشىنارا ورنالاستىرىلعاندا جانە ۇيگە ورتاق ەسەپتەۋ قۇرالى بولماعاندا – جەكە ەسەپتەۋ قۇرالىنىڭ كورسەتكىشتەرى جانە سۋ تۇتىنۋدى پايدالانۋ نورمالارى بويىنشا; 3) جەكە ەسەپتەۋ قۇرالى ءىشىنارا ورنالاستىرىلعاندا جانە ۇيگە ورتاق ەسەپتەۋ قۇرالى بولعاندا: ەسەپتەۋ قۇرالى بولعاندا – جەكە ەسەپتەۋ قۇرالى بويىنشا; ەسەپتەۋ قۇرالى بولماعاندا – سۋ تۇتىنۋدى پايدالانۋ نورمالارى بويىنشا. ۇيگە ورتاق ەسەپتەۋ قۇرالىنىڭ كورسەتكىشتەرى مەن جەكە ەسەپتەۋ قۇرالىنىڭ جيىنتىق كورسەتكىشتەرى جانە سۋ تۇتىنۋدى پايدالانۋ نورمالارى بويىنشا ەسەپتەلگەن كولەمدەر اراسىنداعى ايىرماشىلىقتى پاتەرلەر, قوسا سالىنعان جانە جاپسارلاس تۇرعىن ەمەس ءۇي-جايلارىنىڭ يەلەرى (كوندومينيۋم قاتىسۋشىلارى) تۇتىنعان سۋ كولەمىنە تەپە-تەڭ مولشەردە تولەيدى; 4) 100 % جەكە ەسەپتەۋ قۇرالى جانە ۇيگە ورتاق ەسەپتەۋ قۇرالى بولماعاندا – جەكە ەسەپتەۋ قۇرالىنىڭ كورسەتكىشتەرى بويىنشا; 5) 100 % جەكە ەسەپتەۋ قۇرالى جانە ۇيگە ورتاق ەسەپتەۋ قۇرالى بولعاندا – جەكە ەسەپتەۋ قۇرالىنىڭ كورسەتكىشتەرى بويىنشا. ۇيگە ورتاق ەسەپتەۋ قۇرالىنىڭ كورسەتكىشتەرى مەن جەكە ەسەپتەۋ قۇرالىنىڭ سومالىق كورسەتكىشتەرى اراسىنداعى ايىرماشىلىقتى پاتەرلەر, قوسا سالىنعان جانە جاپسارلاس تۇرعىن ەمەس ءۇي-جايلارىنىڭ يەلەرى (كوندومينيۋم قاتىسۋشىلارى) تۇتىنعان سۋ كولەمىنە تەپە-تەڭ مولشەردە تولەيدى; 6) ەلدى مەكەننىڭ سۋ بۇرۋ جۇيەسىنە قوسىلعان تۇتىنۋشىلاردىڭ سارقىندى سۋ كولەمى جىبەرىلگەن سۋ كولەمىنە تەڭ قابىلدانادى; 7) اعىندىسى شۇڭقىرعا (سەپتيككە) بۇرىلعان جانە كەيىن ول تاسىلىپ شىعارىلىپ, ەلدى مەكەننىڭ سۋ بۇرۋ جۇيەسىنە اعىزىلاتىن تۇتىنۋشىلاردىڭ سارقىندى سۋ كولەمى تۇتىنىلعان سۋ كولەمىنە تەڭ قابىلدانادى. 17. سۋمەن جابدىقتاۋدىڭ ورتالىقتاندىرىلعان جۇيەسىنەن بولەك دەربەس كىرمەسى بار تۇتىنۋشىلار – كوندومينيۋمعا قاتىسۋشىلار ءۇشىن كورسەتىلگەن سۋمەن جابدىقتاۋ قىزمەتىنىڭ كولەمى جالپى تارتىپتە انىقتالادى. 18. كوندومينيۋم وبەكتىسىن باسقارۋ ورگانى ونىڭ قاتىسۋشىلارىنىڭ جالپى جينالىسىنىڭ شەشىمىمەن ۇيگە ورتاق ەسەپتەۋ قۇرالىنىڭ كورسەتكىشتەرى مەن ونىڭ قاتىسۋشىلارىنىڭ جەكە ەسەپتەۋ قۇرالدارىنىڭ جيىنتىق كورسەتكىشتەرى اراسىنداعى ايىرماشىلىقتى قىزمەت كورسەتۋشىگە ءوز بەتىنشە تولەۋگە قۇقىلى. 19. كوندومينيۋم وبەكتىسىن باسقارۋ ورگانى كوندومينيۋم وبەكتىسىنە قاتىسۋشىلاردىڭ جالپى جينالىسىنىڭ شەشىمى نەگىزىندە ءتيىستى قۇقىعى بولعاندا ۇيگە ورتاق ەسەپتەۋ قۇرالى كورسەتكىشتەرىنىڭ نەگىزىندە قىزمەت كورسەتۋشىمەن كورسەتىلگەن سۋمەن جابدىقتاۋ جانە سۋ بۇرۋ قىزمەتى ءۇشىن ەسەپتەسۋ جۇرگىزەدى جانە قىزمەت كورسەتۋشىمەن جاسالعان شارت نەگىزىندە ءوز بەتىنشە كوندومينيۋم قاتىسۋشىلارىنان تولەم جارنالارىن جينايدى. 4. تۇتىنۋشىلارعا – جەكە كاسىپكەرلەر مەن زاڭدى تۇلعالارعا سۋمەن جابدىقتاۋ جانە سۋ بۇرۋ قىزمەتىنىڭ كورسەتىلگەن كولەمىن ەسەپكە الۋ 20. ەسەپتەۋ قۇرالى جوق تۇتىنۋشىلارعا – زاڭدى تۇلعالارعا كورسەتىلگەن قىزمەتتىڭ كولەمى سۋمەن جابدىقتاۋ جانە سۋ بۇرۋ قىزمەتىن كورسەتۋگە شارت جاساسۋ كەزىندە قۇراستىرىلعان سۋ تۇتىنۋدى ەسەپتەۋ كولەمى بويىنشا انىقتالادى. 21. تۇتىنۋشىلار – زاڭدى تۇلعالار ءۇشىن سۋ بۇرۋ قىزمەتىنىڭ كولەمى: 1) سۋمەن جابدىقتاۋ جانە سۋ بۇرۋ قىزمەتىن كورسەتۋ شارتىن جاساسقان كەزدە قىزمەت كورسەتۋشىمەن كەلىسىلگەن سۋ كولەمى شىعارىلاتىن ءونىمنىڭ قۇرامىنا كىرگەن; 2) قىزمەت كورسەتۋشىمەن تەحنيكالىق سيپاتى مەن كولەمدەرى كەلىسىلگەن اينالمالى جانە قايتالاما سۋمەن جابدىقتاۋ جۇيەسىن قولدانعان; 3) سۋمەن جابدىقتاۋ جانە سۋ بۇرۋ قىزمەتىن كورسەتۋ شارتىنا سايكەس جاسىل جەلەكتەردى سۋارۋعا سۋدى پايدالانعان جاعدايلاردا ءبىرجولا شىعىندالعان سۋ كولەمىنە ازايادى. 5. جەكە جاعدايلاردا سۋمەن جابدىقتاۋ جانە سۋ بۇرۋ قىزمەتىنىڭ كورسەتىلگەن كولەمىن ەسەپكە الۋ 22. بۇزۋشىلىقتار انىقتالعان كەزدە سۋمەن جابدىقتاۋ قىزمەتىنىڭ كورسەتىلگەن كولەمىن ەسەپتەۋ: 1) ەسەپتەۋ قۇرالىنىڭ كورسەتكىشتەرىن بۇرمالاۋشى بۇيىمداردى ايقىنداعان جاعدايدا – سوڭعى تەكسەرۋ جۇرگىزگەن ۋاقىتتان باستاپ انىقتالعان كۇنگە دەيىن كىرمە سۋ قۇبىرىنىڭ تولىق وتكىزۋ قابىلەتتىلىگى بويىنشا جۇرگىزىلەدى, بىراق ەكى ايدان ارتىق ەمەس; 2) تۇتىنۋشىنىڭ سۋمەن جابدىقتاۋ جۇيەسىنەن ىسىراپ انىقتالعان كەزدە, كىرمەدە ەسەپتەۋ قۇرالىنىڭ بولماۋى نەمەسە ونىڭ اقاۋلارى بولعاندا – جويعان كۇنگە دەيىن ناقتى ۋاقىت بويى كىرمە سۋ قۇبىرىنىڭ تولىق وتكىزۋ قابىلەتتىلىگى بويىنشا جۇرگىزىلەدى. ەگەر ىسىراپ باستالعان كۇندى انىقتاۋ مۇمكىن بولماسا – سوڭعى تەكسەرۋ جۇرگىزگەن ۋاقىتتان باستاپ, بىراق ەكى ايدان ارتىق ەمەس; 3) ەسەپتەۋ قۇرالىن تەكسەرۋ ءۇشىن قىزمەت كورسەتۋشىنىڭ لاۋازىمدى ادامىن تۇتىنۋشى (ونىڭ وكىلدەرى) جىبەرمەگەن كەزدە – سوڭعى تەكسەرۋ جۇرگىزگەن ۋاقىتتان باستاپ جىبەرگەنگە دەيىن ەسەپتەۋ قۇرالى ورناتىلعان سۋ قۇبىرىنىڭ تولىق وتكىزۋ قابىلەتتىلىگى بويىنشا جۇرگىزىلەدى; 4) تۇتىنۋشىنىڭ ەسەپتەۋ قۇرالىندا جانە/نەمەسە سۋ ولشەۋىش تورابىنىڭ اينالما سىزىعىندا (جاپقىش جابدىقتا), ءورت ءسوندىرۋ گيدرانتتارىندا پلومبالاردىڭ ج ۇلىنۋى انىقتالعاندا – سۋ ولشەۋىش تورابىن نەمەسە سۋ ولشەۋىش تورابىن سوڭعى تەكسەرۋ جۇرگىزگەن ۋاقىتتان باستاپ قىزمەت كورسەتۋشىنىڭ وكىلى قايتا پلومبالاعانعا دەيىن كىرمە سۋ قۇبىرىنىڭ تولىق وتكىزۋ قابىلەتتىلىگى بويىنشا جۇرگىزىلەدى, بىراق ەكى ايدان ارتىق ەمەس; 5) تۇتىنۋشى نەمەسە ونىڭ وكىلى ەسەپتەۋ قۇرالىن ورناتۋعا نەگىزسىز كەدەرگى كەلتىرگەندە – بوگەت بولعان ساتتەن باستاپ قىزمەت كورسەتۋشىنىڭ وكىلى پلومبالاعانعا دەيىن ەسەپتەۋ قۇرالى ورناتىلعان سۋ قۇبىرىنىڭ تولىق وتكىزۋ قابىلەتتىلىگى بويىنشا جۇرگىزىلەدى; تۇتىنۋشى نەمەسە ونىڭ وكىلى ەسەپتەۋ قۇرالىن ورناتۋعا نەگىزسىز كەدەرگى كەلتىرگەنى تۋرالى قىزمەت كورسەتۋشىنىڭ وكىلى ءتيىستى اكتى جاسايدى, وعان ەكى تاراپ قول قويادى. تۇتىنۋشى نەمەسە ونىڭ وكىلى قول قويۋدان باس تارتقان جاعدايدا, اكتىگە قىزمەت كورسەتۋشىنىڭ وكىلى جانە سۋ قورىن پايدالانۋ جانە قورعاۋ, سۋمەن جابدىقتاۋ, سۋ بۇرۋ سالاسىندا وڭىرلىك ورگانىنىڭ وكىلى نە قورشاعان ورتانى قورعاۋ سالاسىندا اۋماقتىق ورگانىنىڭ وكىلى, نە مەملەكەتتىك سانيتارلىق-ەپيدەميولوگيالىق قاداعالاۋ ورگانىنىڭ وكىلى, نە كوندومينيۋم وبەكتىسىن باسقارۋ ورگانىنىڭ وكىلى قول قويادى; 6) قىزمەت كورسەتۋشىگە ەسەپتەۋ قۇرالىنىڭ اقاۋلارى تۋرالى حابارلاماعان كەزدە – سوڭعى تەكسەرۋ جۇرگىزگەن ۋاقىتتان باستاپ اقاۋلار انىقتالعان كەزگە دەيىن سۋ قۇبىرىنىڭ تولىق وتكىزۋ قابىلەتتىلىگى بويىنشا جۇرگىزىلەدى, بىراق ەكى ايدان ارتىق ەمەس; 7) سۋمەن جابدىقتاۋ جانە سۋ بۇرۋ قىزمەتىن كورسەتۋ جونىندە قىزمەت كورسەتۋشىمەن شارت جاساسپاي ەلدى مەكەننىڭ (قىزمەت كورسەتۋشىنىڭ) سۋمەن جابدىقتاۋ جەلىلەرىنەن سۋ پايدالانۋ فاكتىسى انىقتالعاندا – كىرمەگە ءوز بەتىمەن قوسىلىپ, ناقتى پايدالانعان ۋاقىتتان باستاپ انىقتالعان كەزگە دەيىن سۋ قۇبىرىنىڭ تولىق وتكىزۋ قابىلەتتىلىگى بويىنشا جۇرگىزىلەدى, بىراق ەكى ايدان ارتىق ەمەس; 8) ءورت ءسوندىرۋ جاعدايلارىنان باسقا, ورتكە قارسى جۇيەلەرىنەن سۋ پايدالانۋ فاكتىسى انىقتالعاندا – ءوز بەتىمەن پايدالانعان ۋاقىتتان باستاپ انىقتالعان كەزگە دەيىن ءوز بەتىمەن پايدالانۋ جۇزەگە اسىرىلعان ءورت كرانى نەمەسە گيدرانت الدىنداعى دەيىن سۋ قۇبىرىنىڭ تولىق وتكىزۋ قابىلەتتىلىگى بويىنشا جۇرگىزىلەدى, بىراق ەكى ايدان ارتىق ەمەس; 9) تۇتىنۋشىنىڭ سۋمەن جابدىقتاۋ جۇيەسىنە قوسىلعان سۋ قۇبىرى ارقىلى سۋارۋ فاكتىسى انىقتالعاندا, كىرمەدە ەسەپتەۋ قۇرالىنىڭ بولماۋى نەمەسە ونىڭ اقاۋلارى بولعاندا – سوڭعى تەكسەرۋ جۇرگىزگەن ۋاقىتتان باستاپ مۇنداي سۋ قۇبىرىنىڭ تولىق وتكىزۋ قابىلەتتىلىگى بويىنشا جۇرگىزىلەدى, بىراق ءبىر ايدان ارتىق ەمەس; 10) سۋدىڭ توگىلە تۇراقتى اعۋ فاكتىسى انىقتالعاندا, كىرمەدە ەسەپتەۋ قۇرالىنىڭ بولماۋى نەمەسە ونىڭ اقاۋلارى بولعاندا – سوڭعى تەكسەرۋ جۇرگىزگەن ۋاقىتتان باستاپ سۋ جەتكىزەتىن قۇبىردىڭ تولىق وتكىزۋ قابىلەتتىلىگى بويىنشا جۇرگىزىلەدى, بىراق ءبىر ايدان ارتىق ەمەس. 23. وسى ادىستەمەنىڭ 22-تارماعىنداا كورسەتىلگەن بۇزۋشىلىقتار انىقتالعان كەزدە سۋ بۇرۋ قىزمەتىنىڭ كولەمىن ەسەپتەۋ, 22-تارماقتىڭ 2) جانە 9) تارماقشالارىنان باسقا, ەگەر سۋ بۇرۋ قىزمەتىنىڭ كولەمى ەسەپتەلمەسە, سۋمەن جابدىقتاۋ قىزمەتىنىڭ ەسەپتەلگەن كولەمىنە تەڭ قابىلدانادى. 24. قىزمەت كورسەتۋشىنىڭ سۋمەن جابدىقتاۋ جۇيەسىنە قوسىلماعان تۇتىنۋشى سۋ بۇرۋ جۇيەسىنە اعىزاتىن سارقىندى سۋ كولەمىن ەسەپتەۋگە قاجەتتى دەرەكتەر ۇسىنباعان جاعدايدا, كورسەتىلگەن سۋ بۇرۋ قىزمەتىنىڭ كولەمى ناقتى پايدالانعان ۋاقىت كەزەڭى ءۇشىن ەلدى مەكەننىڭ سۋ بۇرۋ جۇيەسىنە قوسىلعان جەردە ءوزى اعاتىن سۋ قۇبىرىنىڭ تولىق وتكىزۋ قابىلەتتىلىگى بويىنشا انىقتالادى. 25. تۇتىنۋشىنىڭ اۋماقتارىنان, ونەركاسىپ جانە قۇرىلىس الاڭدارىنان ەلدى مەكەننىڭ سۋ بۇرۋ جۇيەسىنە بەتكى سارقىن سۋلاردى اعىزۋ فاكتىسى انىقتالعاندا سۋ بۇرۋ قىزمەتىنىڭ كولەمى سوڭعى تەكسەرۋ جۇرگىزگەن ۋاقىتتان باستاپ ءوزى اعاتىن سۋ قۇبىرىنىڭ تولىق وتكىزۋ قابىلەتتىلىگى بويىنشا انىقتالادى, بىراق ءبىر ايدان ارتىق ەمەس. 26. باتىرىلاتىن سورعىلار جانە باسقا ايداۋ قۇرىلعىلارىن پايدالانىپ, ەلدى مەكەننىڭ سۋ بۇرۋ جۇيەسىنە نوسەر, تاسقىن, توپىراق سۋلارىن اعىزۋ فاكتىسى انىقتالعاندا سۋ بۇرۋ قىزمەتىنىڭ كورسەتىلگەن كولەمى سوڭعى تەكسەرۋ جۇرگىزگەن ۋاقىتتان باستاپ سورعى نە ايداۋ قۇرىلعىسى تاۋلىگىنە 24 ساعات بويى جۇمىس ىستەگەندە ولاردىڭ شلانگاسىنىڭ تولىق ونىمدىلىگى بويىنشا انىقتالادى, بىراق ءبىر ايدان ارتىق ەمەس. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2011 جىلعى 17 قازانداعى نورماتيۆتىك-قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №7257 بولىپ ەنگىزىلدى.