«قارلى-بوراندى تسيكلون سىبىرگە اۋىستى. الداعى كۇندەرى سۋىق اۋا اعىندارى قازاقستاننىڭ شىعىسىندا قار جاۋىپ, بوران سوعۋىنا سەبەپ بولادى. رەسپۋبليكا اۋماعىندا قايتادان انتيتسيكلون ورنايدى, ول جاڭا جىل مەرەكەسى كۇندەرى قازاقستاننىڭ باسىم بولىگىندەگى اۋا رايىنىڭ قانداي بولاتىنىن بەلگىلەيدى. نەگىزىنەن اسپان اشىق بولادى», - دەلىنگەن حابارلامادا.
وڭتۇستىك جانە ورتالىق وبلىستاردا شىعىستان سوققان جەل كۇشەيىپ, ونىڭ جىلدامدىعى كەيبىر جەرلەردە 15-20 م/س-قا, ەكپىنى 25 م/س-قا جەتەدى. كورۋ مۇمكىندىگى 800 مەترگە دەيىن عانا جەتەدى, وڭتۇستىك وڭىرلەردەگى تاۋ اسۋلارىندا ودان دا ناشار بولۋى مۇمكىن. اۋا تەمپەراتۋراسى كليماتتىق نورمادان جوعارى كۇيىندە قالا بەرمەك, تەك شىعىستا نورماعا جۋىقتاي تۇسەدى.
30 جەلتوقساندا سولتۇستىك قازاقستان وبلىسىنداعى جولداردا كوكتايعاق بولۋى مۇمكىن.
