"كوبى پرەزيدەنت جاڭا جىلدى قايدا قارسى الادى دەپ سۇراپ جاتىر. كەڭسەدە بولامىن. سەبەبى جاڭا جىلدى قايدا قارسى الساڭ, جىل بويى سوندا بولاسىڭ دەگەن ءسوز بار", دەدى نۇرسۇلتان نازارباەۆ. سونىمەن قاتار ەلباسى بارلىق قازاقستاندىقتاردى كەلە جاتقان جاڭا جىلمەن قۇتتىقتاپ, دەنساۋلىق, باقىت تىلەدى.
"قۇرمەتتى دوستار! مەن وسى جەردەگىلەردىڭ بارلىعىمەن بىرگە جۇمىس ىستەيمىن. ءبىز بىرىگىپ قازاقستانداعى تۇراقتىلىقتى قامتاماسىز ەتىپ, مەملەكەتىمىزدى جەتىلدىرۋدەمىز. بولاشاققا ارتار ءۇمىتىمىز كوپ. كەلەسى جىل وتانىمىزدىڭ دامىعان, گۇلدەنگەن جىلى بولادى دەپ سەنەمىز. سىزدەردى كەلە جاتقان جاڭا جىل مەرەكەسىمەن قۇتتىقتايمىن! ءار وتباسىعا باقىت, بار جاقسىلىقتى تىلەيمىن", دەدى نۇرسۇلتان نازارباەۆ.
ەستەرىڭىزگە سالا كەتسەك, كەشە ەلباسى نۇرسۇلتان نازارباەۆ استاناداعى جاڭاجىلدىق قايىرىمدىلىق بالىنا قاتىسقان بولاتىن.
