– ايگۇل ستاحانقىزى, مەملەكەت باسشىسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى قازاقستان حالقىنا جولداۋىندا ەلىمىزدىڭ ەكونوميكالىق ىنتىماقتاستىق جانە دامۋ ۇيىمىنا مۇشە-ەلدەردىڭ ستاندارتتارىنا كوشۋى تۋرالى تاپسىرما بار. اۋىلشارۋاشىلىق تاۋار وندىرۋشىلەرىنىڭ قارجىلاندىرۋعا قولجەتىمدىلىگى ەىدۇ-نىڭ اگرارلىق سەكتوردىڭ باسەكەگە قابىلەتتىلىگىن باعالاۋ ولشەمدەرىنىڭ ءبىرى بولىپ تابىلادى. اگرارلىق نەسيە كورپوراتسياسىنىڭ ء رولى مەن بەرىلگەن كورسەتكىشتەرىنە قول جەتكىزۋ ءۇشىن قانداي جۇمىستار اتقارىلىپ جاتقانىن ايتىپ بەرسەڭىز؟
– قارجىلاندىرۋعا قولجەتىمدىلىكتى جەڭىلدەتۋ – اسىرەسە ول اۋىلدىق بيزنەسكە قاتىستى بولعان جاعدايدا, قازاقستانداعى جەكە سەكتوردى دامىتۋدىڭ نەگىزگى شارتى. «اگرارلىق نەسيە كورپوراتسياسى» اق 2001 جىلدان باستاپ باسەكەگە قابىلەتتى اۋىل كاسىپكەرلىگىن دامىتۋدى ىنتالاندىراتىن قولجەتىمدى نەسيەلەندىرۋ جۇيەسىن قالىپتاستىرۋ بويىنشا مەملەكەتتىك ساياساتتى جۇزەگە اسىرىپ كەلەدى. 2017 جىلدىڭ 26 جەلتوقسانىنا دەيىن كورپوراتسيا 6868 اگروونەركاسىپتىك كەشەن سۋبەكتىلەرىن 143,4 ملرد تەڭگەگە قارجىلاندىردى. ايتا كەتۋ كەرەك, وسىدان ءبىر جىل بۇرىن 5000 اۋىلشارۋاشىلىق تاۋار ءوندىرۋشىسىن قارجىلاندىرۋدىڭ جالپى سوماسى 113 ملرد تەڭگەنى قۇرادى. بۇل 2017 جىلعى كورسەتكىشتەن 27%-عا تومەن.
قازاقستاننىڭ اگروونەركاسىپ كەشەنىندەگى قارجىلاندىرۋعا قول جەتكىزۋ بويىنشا ەىدۇ ساياساتى جونىندەگى نەگىزگى ۇسىنىس كرەديتتىك سەرىكتەستىكتەر جۇيەسىن دامىتۋ بولىپ تابىلادى. اگروونەركاسىپ كەشەنىندەگى كرەديتتىك سەرىكتەستىكتەر ينستيتۋتى دامۋدىڭ وڭ ديناميكاسىن كورسەتىپ وتىر. 2001 جىلدان باستاپ قازاقستاندا شامامەن 16 مىڭ اۋىلشارۋاشىلىق تاۋار ءوندىرۋشىسىن بىرىكتىرگەن 193 كرەديتتىك سەرىكتەستىك قۇرىلدى. كرەديتتىك سەرىكتەستىكتەردىڭ اۋماقتىق قامتۋى بۇگىندە 93%-دى قۇرايدى. ورتاشا العاندا, 1 كرەديتتىك سەرىكتەستىككە اگروونەركاسىپ كەشەنىنىڭ 2800 سۋبەكتىسى تيەسىلى. ال اۋىلدىق جەرلەردىڭ بانكتىك قىزمەتتەرمەن گەوگرافيالىق قامتىلۋى شەكتەۋلى. ياعني ەلىمىزدە ءبىر ميلليون تۇرعىنعا 130 بانك بولىمشەسىنەن كەلەدى. بۇل دەگەنىمىز 7892 ادامعا 1 بولىمشە جۇمىس ىستەيدى دەگەن ءسوز. نەسيەلىك سەرىكتەستىكتەر پايدا بولعان 16 جىل ىشىندە فەرمەرلەرگە 241 ميلليارد تەڭگەنىڭ 40 مىڭ نەسيەسى بەرىلگەن. ەگەر 2001 جىلى ورتاشا قارىز سوماسى 5 ميلليون تەڭگەنى قۇراسا, 2017 جىلى بۇل كورسەتكىش 11 ميلليون تەڭگەنى قۇرادى.
– 2017 جىلى باستى اگروشارالاردى وتكىزۋگە بولىنگەن بيۋدجەتتىك كرەديت سوماسى 60 ملرد تەڭگەنى قۇرادى. ونىڭ 40 ملرد تەڭگەسىن «اگرارلىق نەسيە كورپوراتسياسى» اق ەكىنشى دەڭگەيلى بانكتەر ارقىلى بەردى. كرەديتتەردى الۋ ءۇشىن پايىزدىق مولشەرلەمەلەر وڭتايلاندىرىلدى ما نەمەسە قانداي دا ءبىر ەرەكشە شارتتار ەنگىزىلدى مە؟ 2017 جىلعى نەسيەلەندىرۋ قورىتىندىسى قانداي؟
– اعىمداعى جىلى كوكتەمگى ەگىس جۇمىستارىن جۇرگىزۋ ءۇشىن 1811 ءوتىنىش كەلىپ ءتۇستى. وتىنىمدەر بويىنشا جالپى سوما 75 ملرد تەڭگەنى قۇرادى. بولىنگەن 60 ملرد تەڭگە سوماسىنداعى جەڭىلدەتىلگەن قاراجات تولىعىمەن يگەرىلدى. بيۋدجەتتىك قاراجاتتان بولەك, كوكتەمگى ەگىس جۇمىستارى باسقا دا قارجى كوزدەرىنەن, سونىڭ ىشىندە كورپوراتسيانىڭ ءوز قاراجاتى ەسەبىنەن دە قارجىلاندىرىلدى. «كەڭ دالا» باعدارلاماسى بويىنشا 2009 جىلدىڭ باسىنان بەرى كورپوراتسيا فەرمەرلەردى 175 ملرد تەڭگەدەن استام سوماعا قارجىلاندىردى. بيىلعى جىلى كوكتەمگى ەگىس جۇمىستارىنا بەرىلەتىن نەسيە ستاۆكالارى ءبىرشاما تومەندەتىلدى. كورپوراتسيانىڭ تىكەلەي قارىز الۋشىلارى ءۇشىن پايىزدىق مولشەرلەمە 2%-عا (جتسم - 2%-دان باستاپ) دەيىن تومەندەتىلدى. بۇرىن ول 5% بولاتىن. ەگەر قارىز ەكىنشى دەڭگەيلى بانك ارقىلى الىنسا – 5% (جتسم - 5%-دان باستاپ), ال نەسيەلىك سەرىكتەستىكتەر نەمەسە ميكروقارجى ۇيىمدارى ارقىلى – 6%-دان (جتسم - 6%-دان باستاپ) جوعارى بولمايدى.
– اگروونەركاسىپ كەشەنىن دامىتۋدىڭ 2017-2021 جىلدارعا ارنالعان مەملەكەتتىك باعدارلاماسىنا سايكەس, «اگرارلىق نەسيە كورپوراتسياسى» اق بازاسىندا, گەرمانيانىڭ اۋىل شارۋاشىلىعىن جانە اۋىلدىق ايماقتارىن دامىتۋ بويىنشا قارجى سالاسىنداعى ەڭ تابىستى ينستيتۋتتارىنىڭ ءبىرى – «Rentenbank» اۋىلشارۋاشىلىق بانكىنىڭ ۇلگىسىمەن قارجىلىق ينستيتۋتتاردى قورلاندىرۋ تەتىگىن ىسكە اسىرۋ كوزدەلگەن. «اگرارلىق نەسيە كورپوراتسياسى» اق فەرمەرلەرگە كرەديت بەرۋ ءۇشىن ەكىنشى دەڭگەيلى بانكتەردى, كرەديتتىك سەرىكتەستىكتەردى, ميكروقارجى ۇيىمدارى مەن ليزينگتىك كومپانيالاردى قورلاندىرماق. ال اوك سۋبەكتىلەرىن تىكەلەي نەسيەلەۋدى ازايتۋ ءۇشىن قانداي شارالاردى قولعا الاسىزدار؟
– 2017 جىلعى ماۋسىم ايىندا كورپوراتسيا جانە «Rentenbank» ىنتىماقتاستىق جانە قارجىلىق تاۋەكەلدەردى باسقارۋداعى تاجىريبەلەرىمەن الماسۋ جونىندە ۋاعدالاستى. الەمدىك جەتەكشى رەيتينگتىك اگەنتتىكتەر – Moody ‘s Investors Service, Standard & Poor ‘s, Fitch Ratings-تەردىڭ باعالاۋى بويىنشا «Rentenbank» ەڭ جوعارى (ااا) ۇزاق مەرزىمدى رەيتينگىنە يە بولعان. بۇل كورسەتكىش گەرمانيا فەدەراتيۆتىك رەسپۋبليكاسىنىڭ بۇكىل مەملەكەتتىك رەيتينگىنە سايكەس كەلەدى. نەگىزى قالانعان ساتتەن باستاپ «Rentenbank» بيۋدجەتتىك قارجىلاندىرۋدان جوسپارلى تۇردە بىرتە-بىرتە الشاقتاي باستادى. 20 جىل وتكەن سوڭ حالىقارالىق كاپيتال نارىعىنان اقشا تارتا وتىرىپ مەملەكەتتىك قارجىدان تولىعىمەن تاۋەلسىز بولدى. بۇگىن «Rentenbank» تىكەلەي كرەديت بەرۋمەن اينالىسپايدى. ول قارجى ينستيتۋتتارىن قورلاندىرىپ, سول ارقىلى اگروونەركاسىپتىك كەشەنگە كرەديت بەرۋ نارىعىنداعى باسەكەلەستىكتى ىنتالاندىرا ءتۇستى. گەرمانيانىڭ بيۋدجەتىنەن تاۋەلسىز بولا وتىرىپ, بانك اوك سالاسىنداعى مەملەكەتتىك ساياساتقا سايكەس قارجىلاندىرۋدى جۇزەگە اسىرادى.
وسىعان وراي, قازاقستان اگروبيزنەسىن نەسيەلەۋشى كورپوراتسيا ءۇشىن «Rentenbank»-ءتىڭ كوپجىلدىق تاجىريبەسى وتە پايدالى بولدى. جاڭا دامۋ ستراتەگياسىنا سايكەس اگرارلىق نەسيە كورپوراتسياسى 2026 جىلعا دەيىن قارىز الۋشىلاردى تىكەلەي قارجىلاندىرۋدان الشاقتاپ, ەڭ تومەنگى دەڭگەيگە دەيىن ازايتپاق. تاياۋ جىلدارى كورپوراتسيا فەرمەرلەرگە كرەديت بەرۋ ءۇشىن ەكىنشى دەڭگەيلى بانكتەردى, كرەديتتىك سەرىكتەستىكتەردى, ميكروقارجى ۇيىمدارى مەن ليزينگتىك كومپانيالاردى قورلاندىرىپ, جوسپارلى تۇردە اوك سۋبەكتىلەرىن تىكەلەي نەسيەلەۋدى تومەندەتپەك نيەتتە. 2016 جىلى قارجى ينستيتۋتتارى ارقىلى قورلاندىرۋ 49%-دى قۇرادى, بۇل اعىمداعى جىلدىڭ كورسەتكىشىنەن 13%-عا تومەن. كرەديتتىك سەرىكتەستىكتەر جەلىسى بو-
يىنشا كورپوراتسيا شارۋالاردى 48,2 ملرد تەڭگەگە, ەكىنشى دەڭگەيلى بانكتەردى قورلاندىرۋ ارقىلى 31,1 ملرد. تەڭگەگە قارجىلاندىردى. ال ميكروقارجى ۇيىمدارى ارقىلى – 6,7 ملرد تەڭگە, ليزينگتىك كومپانيالار ارقىلى 799 ملن تەڭگە سوماسىندا قارجىلاندىردى. جوعارىدا ايتىپ وتكەندەي, كورپوراتسيا كرەديتتىك سەرىكتەستىكتەردى 16 جىلدان بەرى قارجىلاندىرىپ كەلەدى. اۋىلدىق قارجىلىق ينفراقۇرىلىمدى دامىتۋدىڭ بىرنەشە نەگىزگى ارتىقشىلىقتارى بار.
بىرىنشىدەن, اۋماقتىق قامتۋ, سەبەبى قارجى ينستيتۋتتارى تىكەلەي اۋىلدىق ەلدى مەكەندەردە ورنالاسقان.
ەكىنشىدەن, اۋىلدىق كرەديت بەرۋ نارىعىندا باسەكەلەستىكتى دامىتۋ. كرەديتتىك سەرىكتەستىكتەر, ميكروقارجى ۇيىمدارى, ەكىنشى دەڭگەيلى بانكتەر جانە ليزينگتىك كومپانيالار باسەكەلەستەرىنەن گورى تيىمدىرەك جاعدايدا بولعاندىقتان پايىزدىق مولشەرلەمەلەرىن تومەندەتە باستايدى. كليەنتتەر ءۇشىن كۇرەس اۋىلدا نەسيەلەندىرۋ سالاسىندا نارىقتىق قاتىناستاردى قالىپتاستىرۋعا اكەلەدى.
تىكەلەي قارجىلاندىرۋدىڭ ازايۋىنا جەكەمەنشىك قارجى كومپانيالارىنىڭ بۇل نارىقتى باعىندىرا الۋ-الماۋى دا اسەر ەتەدى. باستىسى ولار تەك كولەم ماسەلەسىندە عانا ەمەس, اوك-ءتى دامىتۋعا مەملەكەت بەلگىلەگەن باسىمدىقتار شەڭبەرىندە دە دايىن بولۋى ءتيىس.
بۇگىنگى كۇنى «ياسسى» (وقو) جانە «تسەلينوگراد» (اقمولا وبلىسى) كرەديتتىك سەرىكتەستىكتەرى «اا» رەيتينگىنە يە. بۇل كرەديتتىك جەلى مولشەرىن شەكتەپ, تۇپكى قارىز الۋشىلاردىڭ دەربەس قارجىلاندىرۋعا ليميت قويۋدى قاراستىرادى.
– نەسيە الۋ ءۇشىن اوك سۋبەكتىلەرىنىڭ جىبەرگەن قۇجاتتارىن ونلاين-رەجىمدە قابىلدايتىن جانە وڭدەيتىن اۆتوماتتاندىرىلعان جۇيە تۋرالى ايتىپ بەرسەڭىز؟
– وزدەرىڭىزگە بەلگىلى, «قازاگرو» حولدينگى ەلىمىزدىڭ اۋىلشارۋاشىلىق تاۋار وندىرۋشىلەرى ءۇشىن كرەديت رەسۋرستارىنىڭ قولجەتىمدىلىگىن كەڭەيتۋ جونىندەگى ساياساتىن جۇرگىزىپ كەلەدى. مىسالى, ءبىزدىڭ ەنشىلەس كومپانيالاردىڭ كرەديتتىك ونىمدەر لەگى كەڭەيۋدە. اۋىلداعى بيزنەستى قارجىلاندىرۋ ءۇشىن ميكروقارجى ۇيىمدارى مەن كرەديتتىك سەرىكتەستىكتەردى قورلاندىرۋ جۇزەگە اسىرىلۋدا. ەكىنشى دەڭگەيلى بانكتەردى اگرارلىق سەكتورعا تارتۋ بويىنشا ۇلكەن جۇمىس اتقارىلىپ وتىر. وسى باعىتتا حولدينگتىڭ نەسيەلىك وتىنىمدەردى جيناۋ جانە وڭدەۋدىڭ اۆتوماتتاندىرىلعان جۇيەسىن ەنگىزۋى وتە ورىندى. بۇل جۇيەنىڭ ەرەكشەلىگى نەدە؟ قارىز الۋشى مەملەكەتتىك نەمەسە ورىس تىلدەرىندە, نەسيە ۇسىناتىن حولدينگ كومپانيالارىنىڭ كەڭسەلەرىنە بارماي-اق, ۋاقىتىن جانە قارجىلىق شىعىندارىن ەداۋىر قىسقارتادى. ياعني نەسيە نەمەسە ليزينگ الۋ ءۇشىن ءوتىنىمدى ونلاين رەجىمدە بەرە الادى. سونىمەن قاتار فەرمەر جاڭا تەحنولوگيا ۇسىناتىن مۇمكىندىكتەردى پايدالانا وتىرىپ, ءوزىنىڭ «جەكە كابينەتىندە» وتىرىپ-اق ءوتىنىمنىڭ قارالۋىن قاداعالاۋعا, كەرى بايلانىس جاساۋعا مۇمكىندىك الادى. ەنگىزىلىپ جاتقان جۇيە «قازاگرو» كومپانيالار توبى بويىنشا كورسەتىلەتىن قىزمەتتىڭ اشىقتىعى مەن ىڭعايلى پروتسەستى عانا ۇسىنىپ قويمايدى, سونداي-اق بيۋروكراتيالىق پروتسەدۋرالاردى, سىبايلاس جەمقورلىق فاكتورلارىن ازايتادى.
ەلەكتروندى فورماتتاعى نەسيە ءوتىنىمىن بەرۋ پروتسەسى ءۇش قادامنان تۇرادى: كليەنت «قازاگرو» ۇلتتىق حولدينگىنىڭ ينتەرنەت-پورتالىندا ماقساتى مەن باعدارلاماسىن تاڭدايدى. سوسىن قۇقىقتارى بەلگىلەنگەن قۇجاتتاردى تىركەيدى, تاڭداعان كرەديت بەرۋ شارتتارىن تەكسەرەدى دە جىبەرەدى. سودان كەيىن جيناقتالعان ەلەكتروندى نەسيە ءوتىنىمى ءتيىستى ەنشىلەس ۇيىمعا تۇسەدى. قارىز الۋشى كرەديتتىك ءوتىنىمىنىڭ قالاي قارالىپ جاتقانىن جانە ناتيجەلەرىن ءبىلۋ ءۇشىن حولدينگتىڭ پورتالىنا كىرىپ, «جەكە كابينەتىندە» باقىلاي الادى. بۇدان باسقا, قاجەت بولعان جاعدايدا كرەديتتىك مەنەدجەر كليەنتكە «ونلاين-رەجىمدە» حابارلاما جىبەرەدى. تۇتىنۋشى كرەديتتىك ءوتىنىمىن قۇجاتتارمەن تولىقتىرا الادى. ەلەكتروندى جۇيەنى ەنگىزۋ «قازاگرو» ماماندارىنا قۇجاتتاردى ەلەكتروندى ۇلگىدە الۋعا, جوبالاردى قاراۋ مەرزىمىن ازايتۋعا, شارۋالاردىڭ ء«بىر تەرەزە» ءپرينتسيپى بويىنشا قىزمەت كورسەتۋگە كوشۋگە, ياعني ونى اۆتوماتتاندىرۋعا مۇمكىندىك بەرەدى. نەسيەلىك وتىنىمدەردى جيناۋ جانە وڭدەۋ جۇيەسىن پايدالانۋعا ىڭعايلى بولۋى ءۇشىن فەرمەرلەرگە كومەك رەتىندە حولدينگ ادىستەمە-نۇسقاۋلىق دايىندادى. ونى «قازاگرو» ينتەرنەت-پورتالىنان كورۋگە جانە وزىڭىزگە جۇكتەپ الۋىڭىزعا بولادى.
– ايگۇل ستاحانقىزى, كەزىندە كورپوراتسيا اۋىلدىق كاسىپكەرلەرگە ءوندىرىستىڭ قارجى سەكتورىنا ءوتىپ, ساۋاتتى مەنەدجەرلەر بولۋىنا كومەكتەسكەن درايۆەر ءرولىن اتقاردى. 2000-شى جىلداردىڭ باسىنداعى جانە قازىرگى فەرمەرلەردىڭ ايىرماشىلىعى بار ما؟ ولارمەن جۇمىس ىستەۋ بارىسىندا كومپانيادا قيىندىقتار تۋىنداعان جوق پا؟
– كەزىندە, بۇدان 17 جىل بۇرىن فەرمەرلەر جاڭا قارجى قۇرالدارىمەن العاش تانىستى. الايدا ونى پايدالانا وتىرىپ ءوز بيزنەسىن ايتارلىقتاي جاقسارتۋ وڭاي بولعان جوق. پروبلەما قارجىلىق ساۋاتتىلىقتا عانا ەمەس, سونداي-اق تەرمينولوگيالىق بىلىكتىلىكتە دە بولدى. بۇگىنگى فەرمەرلەردىڭ كوپشىلىگى – بيزنەس-جوسپار جاساۋعا قابىلەتتى, تاۋەكەلدەردى ەسەپتەۋ, كرەديت بەرۋشى كومپانيالاردىڭ نەعۇرلىم قولايلى شارتتارىن تاڭداي بىلەتىن ساۋاتتى مەنەدجەرلەر. بۇگىندە شارۋالار ەلىمىزدىڭ نارىعىن زەرتتەيدى, جاڭالىقتاردى قاداعالايدى, كورمەلەرگە, فورۋمدارعا قاتىسادى. وندا ءوزارا جانە شەتەلدىك ارىپتەستەرىمەن تاجىريبە الماسادى. ءبىز قازاقستاندىق فەرمەرلەردىڭ بەلسەندىلىگىن كورىپ وتىرمىز. بۇل ءبىزدى قۋانتادى.
اگروونەركاسىپتىك كەشەن سۋبەكتىلەرى ءۇشىن رەسپۋبليكانىڭ بارلىق وبلىستارىندا عىلىمي-پراكتيكالىق سەمينارلار وتكىزىپ جۇرگەن «اتامەكەن» ۇكپ-نىڭ اگروبىلىكتىلىك ورتالىعىنىڭ جۇمىس ىستەگەنىنە ەكى جىل بولدى. كورپوراتسيا حالىقارالىق سەرىكتەس-ينستيتۋتتارمەن, «اتامەكەن» ۇكپ, قاۋىمداستىقتار جانە باسقا دا سالالىق ۇيىمدارمەن ىنتىماقتاسىپ, ءوزىنىڭ بازاسىندا بىلىكتىلىك ورتالىعىن قۇرۋدى جوسپارلاپ وتىر. جاڭادان باستاعان فەرمەرلەر ءۇشىن نەسيە رەسىمدەۋ كەزىندەگى نەگىزگى پروبلەما – كەپىل م ۇلىكتىڭ بولماۋى نەمەسە باعالاۋ قۇنىنىڭ تومەن بولۋى. بىراق كورپوراتسيادا جانە كرەديتتىك سەرىكتەستىكتەردە شارۋاشىلىق عيماراتتار, جەر, اۋىلشارۋاشىلىق تەحنيكاسى جانە ت. ب. دۇنيەلەر كەپىل رەتىندە قابىلدانادى. ال كرەديتتىك وتىنىمدەردى قاراۋ مەرزىمدەرىنە كەلەتىن بولساق, بۇل جەردە ءتۇسىندىرىپ كەتەتىن نارسە, اگرارلىق نەسيە كورپوراتسياسى – ەكىنشى دەڭگەيلى بانكتەر سياقتى قارجى ينستيتۋتى. كەز كەلگەن بانك كرەديت بەرمەستەن بۇرىن قارىز الۋشىنىڭ نەسيەلىك تاريحىن, قارجىلىق ءال-اۋقاتىن تەكسەرەدى. ويتكەنى كرەديتتىك تاۋەكەلدەر دەگەن تۇسىنىك بار. كەيدە قايتارىمسىز نەسيەلەر, قارجىنى ماقساتسىز پايدالانۋلار بولادى.
بۇرىن اۋىلدا جۇمىس ىستەۋدىڭ قادىرى, بەدەلى جوق بولىپ سانالاتىن. بۇگىندە باسقاشا ءۇردىس بايقالادى. قالا تۇرعىندارى مەگاپوليستەردى تاستاپ, اۋىلدا بيزنەس اشۋعا كەتىپ جاتىر. ءبىلىمدى جاس ازاماتتاردىڭ كوپ سالىمداردى تالاپ ەتپەيتىن اۋىل بيزنەسىنە جاڭا يدەيالارمەن بارىپ جاتقانى قۋانتادى. 2017 جىلى اۋىل شارۋاشىلىعىنداعى جاڭا كاسىپورىنداردىڭ سانى ارتىپ, مىڭنان استى. جاڭادان اشىلعان كومپانيالاردىڭ كوپتىگىنەن اگروونەركاسىپ كەشەنى سالاسى ۇزدىكتەردىڭ قاتارىندا. بۇل ادامداردىڭ اۋىلدىق جەرلەردە بيزنەس اشۋعا قۇلشىنىسىنىڭ جارقىن ۇلگىسى. اۋىل شارۋاشىلىعىنا نەسيە بەرۋ جۇيەسى شىققان جىلداردان باستاپ قالىپتاسقان كورپوراتسيانىڭ باستى جۇمىس قاعيداسى – فەرمەرلەرمەن ارقاشان تىكەلەي, اشىق بايلانىستا بولۋ, ءتۇسىنىسۋ. ەڭ الدىمەن, ولارعا قازاقستاننىڭ اۋىل شارۋاشىلىعى سالاسىن كوتەرۋ ءۇشىن بارىنشا جايلى, ىڭعايلى جاعداي جاساۋ.
– اڭگىمەڭىزگە راحمەت.
اڭگىمەلەسكەن
ارنۇر اسقار,
«ەگەمەن قازاقستان»
