سالتاناتتى شاراعا قازاقستاننىڭ چەحياداعى ەلشىسى سەرجان ورالباي ۇلى, كونسۋل ازامات قادىر, ءبىرىنشى حاتشى مادينا مۇراتبەكوۆا جəنە چەحيا ۇلتتىق كىتاپحاناسىنىڭ باسشىلىق قۇرامى مەن استانا قالاسىنداعى ۇلتتىق اكادەميالىق كىتاپحاناسىنىڭ قىزمەتكەرلەرى قاتىستى.
ەلشى سەرجان ورالباي ۇلى قازاقستان əدەبيەتى مەن مادەنيەتى, تاريحى جəنە ەلباسى ن.نازارباەۆتىڭ «رۋحاني جاڭعىرۋ» باعدارلامالىق ماقالاسى تۇرعىسىندا ءسوز سويلەپ, ىزگى تىلەگىن ءبىلدىردى. سونداي-اق قازاقستان ۇلتتىق اكادەميالىق كىتاپحاناسى مەگاجوباسىنىڭ ارتىقشىلىعى مەن جەتىستىگىن چەح حالقىنا ماقتانىشپەن جەتكىزدى. كەزدەسۋ بارىسىندا ەكى ەل اراسىنداعى مادەني, كىتاپxانالىق بايلانىس ورناتۋعا ارنالعان مەموراندۋمعا قول قويىلدى.
بۇل ورتالىق – پراگا قالاسىنداعى 2000-نان استام قازاق جاستارىنا, سونداي-اق چەح حالقىنا قىزمەت كورسەتەدى. قازاق حالقىنىڭ سالت-ءداستۇرى, مادەنيەتى, ونەرىمەن جاقىن تانىسۋعا مۇمكىندىك بەرەدى. ول تاۋەلسىز قازاقستاننىڭ جەتىستىكتەرى مەن ونىڭ ەكونوميكا, ساياسات, الەۋمەتتىك سالالارداعى تابىستارىن كوپشىلىككە تانىستىرۋعا جول اشادى.
ورتالىققا پرەزيدەنت نۇرسۇلتان نازارباەۆتىڭ ەڭبەكتەرى, ەلباسىنىڭ الەمدىك ساياسي ارەناداعى ورنى مەن رولىنە ارنالعان كىتاپتار جانە تاريح, عىلىمي-كوپشىلىك جانە كوركەم ادەبيەتتەر بويىنشا تۋىندىلار ۇسىنىلدى. بۇل كىتاپتار چەح حالقىنىڭ وقىرماندارى اراسىندا ۇلكەن قىزىعۋشىلىققا يە بولىپ, قازاقتىڭ باي مادەني مۇراسىن تانىتۋعا مۇمكىندىك بەرەرى ءسوزسىز.
ايتا كەتەلىك, جوبانىڭ ماقساتى – الەمنىڭ ءىرى كىتاپxانالارىندا قازاقستاندىق ادەبيەت پەن مادەنيەتتىڭ ورتالىعىن اشىپ, سول ارقىلى كىتاپxانا سالاسىنداعى xالىقارالىق بايلانىستى نىعايتۋ.
