ورتاق ماسەلەلەر ايتىلدى

كەشە سىرتقى ىستەر ءمينيسترى ەرجان قازىحانوۆ ەكونوميكالىق ىن­تى­ماق­تاستىق ۇيىمىنىڭ باس حاتشىسى مۇحاممەد مارۋفيمەن كەزدەستى. كەزدەسۋ بارىسىندا قازاقستان سىرت­قى ساياسات ۆەدومستۆوسىنىڭ باسشىسى قازاقستان ەىۇ-عا مۇشە بولعان كەزدەن باستاپ, ءارتۇرلى فورماتتاعى ىنتى­ماق­تاستىق ۇدەرىستەرىندە ءوزىن بەلسەندى تا­نىتىپ, ۇيىمعا مۇشە ەلدەردىڭ «ەىۇ-نىڭ 2015 جىلعا دەيىنگى كەلەشەگى» اتتى باعدارلامالىق قۇجاتتى جۇزەگە اسى­رۋعا باعىتتالعان باستامالارىن تۇتاس­تاي قولداپ كەلەدى دەپ اتاپ ءوتتى. بارشاعا ءمالىم, 2005 جىلى استانادا قابىلدانعان قۇجاتتا ءارتۇرلى 12 ساناتقا جاتاتىن, سونىمەن قوسا ساۋدا-ساتتىق, كولىك, ەنەرگيا, ونەركاسىپ جانە اۋىل شارۋاشىلىعىنداعى ىنتىماقتاس­تىق ماسەلەلەرى بەلگىلەنگەن بولاتىن. ە.قازىحانوۆ ورتالىق ازيانى گيدرورەسۋرستارمەن قامتاماسىز ەتۋدىڭ وزەك­تى ماسەلەلەرىنە توقتالا كەلە, ەىۇ ەلدەرىندە سۋ رەسۋرستارىن باسقارۋ ءجو­نىن­دە ورتالىق قۇرۋعا ءبىزدىڭ ەلىمىزدىڭ قولداۋىن ءبىلدىردى. سونىمەن قاتار, «جا­سىل ەكونوميكاعا» جانە جاڭا تەح­نولوگياعا ينۆەستيتسيالار جاڭا ەكو­نو­ميكانىڭ نەگىزىن قۇرايدى. اتاپ ايت­قان­دا, قازاقستاننىڭ سىرتقى ىستەر ءمينيسترى ەىۇ باسشىسىن كۇزدە استانادا وتەتىن «ەۋروپا ءۇشىن قورشاعان ورتا» اتتى 7-ءشى مينيسترلەر كونفەرەن­تسيا­سىندا ۇسىنىلاتىن 2011-2020 جج. ار­نال­عان «جاسىل كوپىر» وڭىرارالىق باع­دارلاماسىن جۇزەگە اسىرۋ ىسىنە ۇيىم­نىڭ ۇلەسىن قوسۋعا شاقىردى. ۇيىمعا كىرەتىن بارلىق 10 مەملەكەت قازىرگى تاڭدا سىرتقى ىستەر مينيستر­لەرىنىڭ كەڭەسىندە قازاقستان توراعالىق ەتىپ وتىرعان يسلام ىنتىماقتاستىق ۇيى­مىنىڭ مۇشەلەرى, دەپ حابارلادى سىرتقى ىستەر مينيسترلىگىنىڭ ءباسپاسوز قىزمەتى.