-ادامدىق بورىش ار ءۇشىن,
بارشا ادامزات قامى ءۇشىن.
سەرت بەرگەم ەڭبەك ەتەم دەپ,
الداعى اتار تاڭ ءۇشىن, - دەي كەلە «ار» ءىلىمىن ءومىرىنىڭ ماقساتى دەپ تانىپ, ەلىنىڭ قامى ءۇشىن ەرىنبەي ەڭبەكتەنىپ, كەلەشەك ۇرپاعىنا وشپەستەي مۇرا قالدىرعان شاكارىم قۇدايبەردى ۇلىنىڭ وسىناۋ 160 جىلدىق مەرەيتويى قاراساڭىندا سەمەيدەگى ابايدىڭ مەملەكەتتىك قورىق مۋزەيى «Shakarim.kz» سايتىن اشىپ وتىر.
-وزىنە «مۇتىلعان» دەپ ات قويعان اقىن ەسىمى ۇزاق جىلدار بويى, ياعني اقتالعانعا دەيىنگى ۋاقىتتاردا تار قۇرساۋدا قالىپ قويدى,-دەيدى ابايدىڭ مەملەكەتتىك قورىق-مۋزەيىنىڭ ديرەكتورى بولات جۇنىسبەكوۆا,- 1958-1984 جىلدار ارالىعىندا شاكارىم شىعارماشىلىعى تولىق اقتالماسا دا, ۇلى احات شاكارىم ۇلى اكەسىنىڭ ەڭبەكتەرىن كوپتەگەن عىلىمي-زەرتتەۋ ورتالىقتارىنا, اتاپ ايتقاندا الماتىداعى ۇلتتىق كىتاپحانا, عىلىم اكادەمياسىنىڭ ورتالىق عىلىمي كىتاپحاناسى, م.و.اۋەزوۆ اتىنداعى ادەبيەت جانە ونەر ينستيتۋتى جانە سەمەيدەگى ابايدىڭ قورىق-مۋزەيىنىڭ قورىنا وتكىزدى. بۇل شاكارىمدى تانۋعا زور مۇمكىندىك بەردى. بۇگىنگى تاڭدا مۋزەي قورىندا جيناقتالعان شاكارىم مۇراسى, ءومىربايانى ونىڭ شىعارماشىلىعىن كەڭىنەن زەرتتەۋگە جول اشىپ وتىر. زامان تالابىنا ساي جاڭا تەحنولوگيالار قارقىندى دامىپ كەلە جاتىر. سوندىقتان مۋزەي سالاسى دا زامان كوشىنە ىلەسىپ, العا جىلجۋى شارت. مۋزەيگە ادامداردىڭ ءجيى كەلۋگە مۇمكىندىگى بولا بەرمەيدى. مۋزەي قورىنداعى اقىن مۇراسىن كەڭىنەن ناسيحاتتاۋ ماقساتىندا ۇسىنىلىپ وتىر.
سول ءبىر زاماندا «بوستاندىق تاڭى اتتى» دەپ بارشاعا قۋانا جار سالعان شاكارىمنىڭ ارمانى بۇگىندە ورنىدالعانداي. بۇل تەك شاكارىمنىڭ عانا ەمەس بارشا الاش جۇرشىلىعىنىڭ ارمانى ەدى. سوندىقتان سايتتىڭ باس بەتى شاكارىمنىڭ وسى «بوستاندىق تاڭى اتتى» ولەڭىمەن اشىلادى ەكەن. بۇل سايتتى جاساۋ بارىسىندا كوپتەگەن ماتەريالدار, قۇجاتتار, ارحيۆ دەرەكتەرى مولىنان جينالىپتى. ابايدىڭ «جيدەباي-ءبورىلى» مەملەكەتتىك قورىق-مۋزەيىنىڭ قورىندا جىلدار بويى مۇراعاتتار مەن عىلىمي زەرتتەۋلەر بارىسىندا جيناقتالىپ كەلگەن قور ماتەريالدارى, مۋزەي كىتاپحاناسىنا كەلىپ تۇسكەن كىتاپتار مەن مەرزىمدى ءباسپاسوز باسىلىمدارى دا باسشىلىققا الىندى. سونداي-اق, مۋزەي قورىنداعى اقىن تۇلعاسى, ونىڭ ءومىرى مەن شىعارمالارى نەگىزىندەگى بەينەلەۋ ونەر تۋىندىلارىن جانە حاىلققا كەڭىنەن تانىمال بولعان شاكارىم اندەرىن دە وسى سايتتان تابۋعا بولادى.
راۋشان نۇعمانبەكوۆا
سۋرەتتى تۇسىرگەن اۆتور
سەمەي
