ولاردىڭ اراسىنان ۇزدىك دەپ تانىلعاندارعا ۇلىبريتانياداعى كەمبريجد ۋنيۆەرسيتىنىڭ حالىقارالىق سەرتيفيكاتى تابىستالدى. قۇجاتقا يە بولاتىن جەرلەستەرىمىز 2 اي بويى تىلدىك مەكتەپتەر كونسورتسيۋمىنىڭ قىزمەتكەرلەرىنەن ءدارىس العان. تاجىريبەلى ماماندار "Clil" ادىستەمەسى بويىنشا شەت ءتىلىنىڭ قىر-سىرىن تەرەڭدەتىپ ۇيرەتتى.
"Clil" ادىستەمەسى ارقىلى ۇستازدار مەكتەپ پاندەرىنىڭ بىرقاتارىن اعىلشىن تىلىندە جۇرگىزۋدى مەڭگەردى. ەندى جيناقتاعان بىلىمدەرى ارقىلى بالالاردى شەت تىلىندە وقىتاتىن فيزيكا, حيميا, بيولوگيا ءپانى مۇعالىمدەرىنە كومەك كورسەتىپ, نۇسقاۋ بەرە الادى. سەرتيفيكاتتاردى الار الدىندا ەمتيحان تاپسىردى», دەدى پەداگوگيكالىق شەبەرلىك ورتالىعىنىڭ ديرەكورى ولگا تۋشينسكايا.
حالىقارالىق سەرتيفيكاتتى 11 اعىلشىن ءتىلى مۇعالىمى يە بولدى.
سولاردىڭ ءبىرى– وبلىستىق سپورتقا دارىندى بالالارعا مامانداندىرىلعان مەكتەپ-ينتەرناتىنىڭ اعىلشىن ءتىلى مۇعالىمى ساۋلە سمايلوۆا. 12 جىلدىك ەڭبەك ءوتىلى بار مامان ەمتيحاندى 4-تىك باعاعا تاپسىرىپتى. بىلىكتى ۇستاز كۋرستا العان ءبىلىمىن وقۋشىلاردىڭ بويىنا سىڭىرۋگە دايىن.
تىلدىك مەكتەپتەر كونسورتسيۋمى كەلەرى جىلى دا تەرىسكەيلىك اعىلشىن ءتىلى ءپانى مۇعالىمدەرىن وقىتۋعا ءازىر. كۋرسقا قابىلداۋ جوسپار بويىنشا قىركۇيەك ايىندا باستالادى.
ء ومىر ەسقالي.
«ەگەمەن قازاقستان».
سولتۇستىك قازاقستان وبلىسى.
