سودان بەرى ماتەريالدىق, بالانى ەمدەتۋ ءۇشىن قارجىلاي قيىندىقتارعا كەزىككەن وتباسىعا اقتاۋ قالاسىنان ەكى بولمەلى پاتەر كىلتى تابىستالدى.
بالعىنبەكتىڭ جانۇياسىندا بارلىعى 8 بالا بار. وسىعان دەيىن بەينەۋ اۋدانىندا اپاتتىق ۇيدە تۇرعان كوپ بالالى وتباسىندا جۋىردا عانا ۇشەم دۇنيەگە كەلدى.
بالعىنبەكتىڭ ەم الۋى ءۇشىن اكەسى بالعازى سەرىكباەۆ اقتاۋ قالاسىنا پاتەر جالداپ, ۋاقىتشا تۇرۋعا ءماجبۇر بولعان. ەندى بالعىنبەكتىڭ تەزىرەك جاساندى قول سالىپ, قاتارعا قوسىلۋىن قالايتىن ول قاراجات جيناۋعا كومەكتەسكەن حالىققا, پاتەر بەرگەن وبلىس باسشىلىعىنا العىسىن ايتتى. ولاردىڭ قۋانىشىن ءبولىسىپ, قۇتتىقتاۋعا ارنايى وليمپيادا جۇلدەگەرى ادىلبەك نيازىمبەتوۆ تە كەلدى.
بالعىنبەكتىڭ اتا-اناسى مەن تۋىستارى ۇلىنىڭ قولىنا پروتەز سالۋعا قول ۇشىن سوزۋعا قايىرىمدى جانداردان كومەك سۇراپ, ەمىنە قاجەتتى قاراجات جينادى. 2018 جىلدىڭ قاڭتار ايىندا رەسەيدىڭ دارىگەرلەرى بالعىنبەككە جاساندى قول ورناتپاق. ەندى قاتارعا قوسىلىپ, ءوز قاجەتتىلىگىن ءوزى جاساي الاتىنداي دارەجەگە جەتسە, وقۋىن اقتاۋدا جالعاستىرادى» دەپ ۇمىتتەنۋدە.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى
