«25-29 جەلتوقسان ارالىعىندا كۇندەلىكتى ساعات 21.45-تە ۇلتتىق ارنا كورەرمەندەرى قازاق مادەنيەتى مەن ونەرىنىڭ ۇلى مۇراسىنىڭ ەكراندالۋىن تاماشالاي الادى. تەلەحيكايانىڭ باس پروديۋسەرى – بايان ماقساتقىزى. ستسەناري اۆتورى – اننەس باعدات. باستى رولدەردى گۇلزادا تۇرلاش, ەرجان مۇقاتاەۆ, باقتيار قوجا, جاقسىبەك قۇرمانبەكوۆ پەن مارات اباي-ءدىلدا سىندى اكتەرلەر سومدادى. سەنبى كۇنى, 30 جەلتوقساندا, ساعات 20.00-دە بىرنەشە اي بويى كورەرمەندەرگە كاسىپكەرلىكتىڭ قىر-سىرىن اشىپ, بيزنەستىڭ وڭتايلى جولىن كورسەتكەن «ۇمىتكەر» رەاليتي-شوۋىنىڭ شەشۋشى شىعارىلىمى وتەدى. سونداي-اق جاڭاجىلدىق جوبالاردىڭ اراسىندا ء«ازىل الەمى», «تاماشا» ءازىل تەاترىنىڭ 90-جىلدارى تۇسىرىلگەن ەڭ ۇزدىك توپتامالارى, ەلىمىزدىڭ تانىمال ۆاينەرلەرى, بەينەبلوگەرلەرى مەن قوعام قايراتكەرلەرىنىڭ قاتىسۋىمەن وتەتىن ارنايى «حا-حا شوۋ: جاڭاجىل-2018» جوباسى كورەرمەنگە جول تارتادى, دەدى «Qazaqstan» ۇلتتىق تەلەارناسىنىڭ باسقارما توراعاسى ەرلان قارين.
سونىمەن قاتار ول مەرەكە كۇندەرى «مەن قازاقپىن» حالىقارالىق مەگاجوباسىنىڭ گالا-كونتسەرتىنىڭ قايتالاۋى مەن مەرەكەلىك كونتسەرتتەردى تاماشالاي الاتىنىن جەتكىزدى.
«31 جەلتوقسان ساعات 22.30-دا تانىمال شوۋ-بيزنەس جۇلدىزدارىنىڭ قاتىسۋىمەن جاڭاجىلدىق سيقىرعا تولى «سىڭعىرلاعان سيقىرلار» مەرەكەلىك شوۋ-باعدارلاماسى ەفيرگە جول تارتادى. اتالمىش جوباعا كامشات جولدىباەۆا, ايگۇل يمانباەۆا, بۇركىت, ءالي وقاپوۆ, ايقىن تولەپبەرگەنوۆ, كەش You, قانات ۇمبەتوۆ, ءاليا ابىكەن, تورەعالي تورەالى, ولجاس اباي جانە «Qazaqstan» ارناسىنىڭ تانىمال جۇرگىزۋشىلەرى جانسەرىك بەيسەەۆ, ايسۇلۋ رىسپانوۆا, يرينا تەن, بايان باقكەلدىقىزى, نارتاي ارالباي ۇلى قاتىسادى. ەڭ كىشكەنتاي تەلەكورەرمەندەرىمىز ءۇشىن 31 جەلتوقسان ساعات 12.35-تە ايگىلى «Walt Disney» كينوكومپانياسىنىڭ قازاق تىلىنە دۋبلياجدالعان «راپۋنتسەل» ءمۋلتفيلمى كورسەتىلەتىن بولادى», دەدى ول.
راۋان قايدار,
«ەگەمەن قازاقستان»
