جالپى, ءوسپانالى يماناليەۆ ادەبيەتتىڭ پوەزيا, پروزا جانە ساتيرا جانرىندا ەڭبەك ەتكەن قالامگەر. ونىڭ «بايقادام», «ىلعالسىز كوكتەم», «اق قايىڭ جاردى بۇرشىگىن» جانە تاعى دا باسقا كىتاپتارى كەزىندە وقىرمان قاۋىمنان لايىقتى باعاسىن العان. ەسكە الۋ كەشىندە قالامگەردىڭ كوزىن كورگەن زامانداستارى ول تۋرالى ەستەلىكتەر ايتىپ, رۋحىنا تاعزىم ەتتى. سودان كەيىن اقىننىڭ سوزىنە جازىلعان ەسكەندىر حاسانعاليەۆتىڭ «اناعا سالەم» ءانىن قوسىلا شىرقاعان كوپشىلىك پەرزەنتىنە دەگەن ساعىنىشىن جەتكىزدى.
جازۋشىنىڭ مەرەيتويىنا وراي ء«وسپانالى يماناليەۆ» اتتى كىتاپ جارىق كورگەن بولاتىن. اقكول اۋىلىنان باستاۋ العان مادەني شارا تاراز قالاسىنداعى جامبىل اتىنداعى «رۋحانيات» ورتالىعىندا جالعاستى. اتالعان كىتاپتىڭ تۇساۋكەسەر ءراسىمى ءوتىپ, جازۋشىنىڭ جارى راۋشان اپاي مەن جازۋشى-دراماتۋرگ ەلەن ءالىمجان كىتاپتىڭ تۇساۋىن كەستى. سونىمەن قاتار كەزىندە تالاس اۋدانىندا باسشىلىق قىزمەتتەر اتقارىپ, جازۋشىمەن جاقسى قارىم-قاتىناستا بولعان بالتاباي بەكەجانوۆ, ەسەنامان بەيسەۋوۆ, قارجاۋباي كەمەلوۆ جانە باسقا دا ازاماتتار ەستەلىكتەر ايتسا, جازۋشىنىڭ قارىنداسى امانكۇل داۋلەتالىقىزى مەن ءىنىسى جەكسەن قۇرمانالى ۇلى قالامگەر رۋحىنا تاعزىم ەتكەن كوپشىلىككە العىسىن ءبىلدىردى.
حاميت ەسامان,
«ەگەمەن قازاقستان»
جامبىل وبلىسى
