يگى ىستەر ۇيىتقىسى

ەلباسىنىڭ جىل سايىنعى جولداۋلارى ءارتۇرلى مازمۇندا بولعانىمەن ماقسات-مۇددەسى ايقىن, ەل بىرلىگىن ساقتاۋ, ەلىمىزدى وركەنيەتتى ەلدەر قاتارىنا قوسۋ, جاقسى ءومىر ءسۇرۋ جولدارى سياقتى وزىق ويلارعا جەتەلەيدى. جولداۋلار ءار ىسكە باستاماشى, ۇيىتقى بولا بىلۋدە. بيىلعى جاڭا قۇجات ەلىمىزدىڭ يندۋستريالىق-يننوۆاتسيالىق جولمەن دامۋىنىڭ ناقتى باعىتتارىن كورسەتىپ بەرىپ وتىر. وسىعان وراي, العاشقىلاردىڭ ءبىر بولىپ, ەلباسى “نۇر وتان” حدپ توراعاسى نۇرسۇلتان نازارباەۆتىڭ “جاڭا ونجىل­دىق – جاڭا ەكونوميكالىق ورلەۋ – قازاق­ستاننىڭ جاڭا مۇمكىندىكتەرى” اتتى جولداۋىن ەلىمىز اۋماعىندا كەڭ اۋقىمدا ناسيحاتتاۋ, ءتۇسىندىرۋ جۇمىستارىنا پارتيا كىرىسىپ تە كەتتى. پاۆلودار وبلىسىندا قاتارىندا 55 مىڭعا جۋىق نۇروتاندىقتار بىرىككەن ەلىمىزدەگى ءىرى پارتيالىق ۇيىمنىڭ ءبىرى جۇمىس ىستەيدى. وسى “نۇر وتان” حدپ وبلىستىق فيليالىندا وتكەن جيىندى اشقان پارتيا توراعاسىنىڭ ءبىرىنشى ورىنباسارى نۇرلان نىعماتۋلين وسى تاريحي قۇ­جاتتا ايتىلعان ءاربىر ءىستى, ءاربىر مىندەتتى ابى­روي­مەن اتقارۋ بارشانىڭ باستى مىندەتى ەكەنىن اتاپ ءوتتى. ودان ءارى ول ەلباسى جولداۋىنىڭ ءمانى مەن ما­ڭىزىنا توقتالىپ, قۇجاتتىڭ بارلىق قازاق­ستاندىقتار تاراپىنان كەڭ قولداۋ تاباتىنىنا سەنىم ءبىلدىردى. فورۋمدا ەلدىڭ وركەندەۋىن كوزدەيتىن قۇجاتتىڭ ومىرشەڭدىگى بۇل جولداۋ ەل بولاشاعىنىڭ باعدارلاماسى, الداعى اتقارىلار جۇمىستىڭ سارا جولى دەگەن پىكىر ءبىلدىرىلدى. ءبىزدىڭ ەلىمىزدىڭ بۇگىندە اسا ءبىر ماڭىزدى تاريحي كەزەڭدە تۇرعانىن جاس تا, كارى دە جاقسى بىلەدى. سوندىقتان ولار ەلباسى باستامالارىن ارقاشان قول­دايدى. الداعى ونجىلدىققا ارنالعان ەكو­نو­ميكالىق دامۋىمىزدىڭ جولىن ايقىنداپ بەرگەن بۇل قۇجاتتىڭ كەلەشەگىمىزدى كەمەلدەندىرە تۇسەرىنە داۋ جوق. بولاشاققا دەگەن سەنىمدەرى ارتا تۇسكەن وتان­داستارىمىز “جاڭا ونجىلدىق – جاڭا ەكو­نوميكالىق ورلەۋ – قازاقستاننىڭ جاڭا ءمۇم­كىن­دىكتەرى” اتتى تىڭ قۇجاتقا قىزۋ قولداۋ كور­سە­تۋدە. بۇقاراعا كەڭ اۋقىمدا ناسيحاتتاۋ, ءتۇسىندىرۋ شا­راسىنا “نۇر وتان” حدپ وسىلاي جول باستاپ بەردى. فورۋمدى وتكىزۋگە وبلىس اكىمى باقىتجان ساعىنتاەۆ باسقاراتىن وبلىس اكىمدىگىنىڭ باستاماشى بولعانىن ايتا كەتكەن ءجون. مۇنىڭ دا وزىندىك سەبەبى بار. ەلىمىزدە جۇزەگە اسىرىلا باستاعان 162 يندۋس­تر­يالىق-يننوۆاتسيالىق جوبانىڭ 12-ءسى ءبىزدىڭ وب­لىستىڭ ەنشىسىندە. ءوڭىر تۇرعىندارى مەن ەڭبەك­شىلەرىنىڭ ىقىلاسى ەرەكشە ەكەنىن ايتا كەلە وبلىس اكىمى پرەزيدەنت باستامالارىن بارلىق قازاق­ستان­دىقتار سياقتى پاۆلودارلىقتاردىڭ دا قىزۋ قول­دايتىنىنا زور سەنىم ءبىلدىردى. ال, پاۆلودار مۇناي-حيميا زاۋىتىنىڭ جۇمىسشىسى مەدەت دۇيسەمباەۆ جاس ماماندارعا ۇكىمەت تاراپىنان جاسالىنىپ جاتقان قولداۋلارعا ريزاشىلىعىن بىلدىرسە, “اۋىل” پارتياسى وبلىستىق فيليالىنىڭ وكىلى رىمتاي شوكەەۆ ساياسي پارتيالار مەن ۇيىمداردىڭ ۇنقا­تىسۋىنا جول اشقان ەلباسىنىڭ ۇسىنىسى كوڭىلىنەن شىققانىن جەتكىزدى. جينالعاندار الدىندا الدىڭعى قاتارلى وندىرىستىك كاسىپورىن جۇمىسشىلارى, ءبىلىم جانە دەنساۋلىق ساقتاۋ مەكەمەلەرى قىزمەتكەرلەرى, “جاس وتان” جاستار قاناتى وكىلدەرى دە ءسوز سويلەدى. اتاپ وتەرلىگى – بارلىعىنىڭ پىكىرى ءبىر ارناعا توعىسىپ, بۇل جولداۋدىڭ بولاشاققا باعدار بەرەتىندىگىن, سونىڭ اياسىندا اتقارىلار جۇمىستىڭ جەتەكشى قۇرالى بولاتىندىعىن پاش ەتتى. فاريدا بىقاي, پاۆلودار. كادرلىق ساياساتتىڭ جاڭا  كەزەڭى جاستاردان باستالادى “جاس وتان” جق اتقارۋشى حات­شىسى نۇرلان وتەشەۆ پەن “بولا­شاق” قاۋىمداستىعىنىڭ اتقارۋشى ديرەكتورى جاننا تولەگەنوۆانىڭ قاتىسۋىمەن بريفينگ ءوتتى. وندا رەسپۋبليكالىق “جاستار كادرلىق رەزەرۆى-2010” جوباسى جانە وعان جاڭا ۇمىتكەرلەردى قابىلداۋ بارىسى باياندالدى. ن.وتەشەۆ اتالعان باستامانىڭ 2009 جىلدان جۇزەگە اسىرىلا باس­تا­عا­نىن, العاشقى جوبا بويىنشا بار­­لى­عى 900-دەن استام ۇمىتكەر قاتىس­قانىن اتاپ ءوتتى. “سولاردىڭ ءىشىن­دە تەست ناتيجەلەرى جوعارى بول­عان ءۇمىت­كەرلەر ەكىنشى كەزەڭگە وتكەن. مۇندا ولار قازاقستاندى ءتۇرلى سالا بويىن­شا دامىتۋعا قا­تىستى وزدەرى ازىرلە­گەن جوبالارى­مەن تانىستىرىپ, ار­نايى كوميسسيا الدىندا قورعادى. سىناقتان وتكەن 32 رەزەرۆيست استانا قالاسىندا وقۋ كۋرستارىن وقىعاننان كەيىن رەس­پۋبليكالىق دەڭگەيدەگى ءتۇرلى مەكە­مەلەردە تاجىريبەلەرىن شىڭدادى”, دەدى “جاس وتان” جق-نىڭ اتقارۋ­شى حاتشىسى. ونىڭ سوزىنە قاراعاندا, بيىلعى جىلعى بايقاۋ ەرەجەلەرىندە ءسال وزگە­رىس بار ەكەن. ماسەلەن, اتالعان باي­قاۋعا قاتىسۋعا ءۇمىت بىلدىرگەندەر ءوت­كەن جىلداعىداي قۇجات تاپسىر­عان­نان كەيىن ءار ۇمىتكەرگە ارنايى پورت­فوليو جاسالادى. وندا قاتى­سۋ­شى­نىڭ بارلىق جەتىستىكتەرى كور­سە­تىلەدى. ال بۇل كورسەتكىشتەر جال­پى رەي­تينگ­كە ەنگىزىلەدى. “ولار 4 اي بويى رەي­تينگ كورسەتكىشتەرىن جوعا­رىلاتۋلارى قاجەت. ونىڭ ءناتي­جە­سىندە ەڭ جوعارى رەيتينگ جيناعان تەك 1000 قاتىسۋشى عانا تەستىلەۋ كە­زەڭىنە جىبەرىلەدى. تەست قورىتىن­دىسى بويىنشا ەڭ جوعارى كورسەت­كىشتەر كورسەتكەن ۇمىتكەرلەر ار­نايى قۇرىلعان كوميسسيامەن ءاڭ­گىمەلە­سۋدەن ءوتىپ, ەلىمىزدىڭ ءتۇرلى سا­لاسىن دامىتۋعا ارنالعان جوبا­لارىن قورعايدى. مىنە, وسىنداي كەزەڭدەر­دەن وتكەن 300 قاتىسۋشى ءبىلىم الۋ كەزەڭىنە جىبەرىلەدى. ال ولاردىڭ ىشىنەن ەڭ جوعارى رەيتينگ پەن كورسەتكىشكە جەتكەن 70 قا­تىسۋشى رەسپۋبليكالىق دەڭگەيدەگى كادرلىق رەزەرۆكە ەنگىزىلەتىن بولادى”, دەدى نۇرلان وتەشەۆ ءوز سوزىندە. تاعى ءبىر اتاپ وتەرلىگى, بايقاۋعا قا­تىسقان قالعان 230 ۇمىتكەر اي­ماق­تىق دەڭگەيدەگى رەزەرۆكە قوي­ىلا­دى ەكەن. ولار كەيىن مەملەكەتتىك قىزمەتكە, پارتيا جانە قوعامدىق ۇيىمدارعا, الەۋمەتتىك سالاعا, باق-قا جانە بيزنەس سالاسىنا جۇمىسقا ورنالاسۋعا مۇمكىندىك الادى. بريفينگ كەزىندە سونداي-اق, “جاس­تار كادرلىق رەزەرۆى-2010” جو­باسىنىڭ ءبىلىم جانە عىلىم مينيس­ترلىگىنىڭ قارجىلىق قولداۋى جانە قازاقستان رەسپۋبليكاسى پرەزيدەن­تىنىڭ “بولا­شاق” حالىقارالىق ستي­پەندياسى قاۋ­ىم­داستىعى نەگىزىندە جۇزەگە اسىرىل­عان­دىعى ايتىلدى. ءلايلا ەدىلقىزى.