ونىڭ ايتۋىنشا, ورتالىق رۇقسات قۇجاتتارىن راسىمدەۋ اياسىندا اعىمداعى جىلدىڭ 11 اي كولەمىندە كاسىپكەرلەرگە 3 مىڭعا جۋىق رۇقسات قۇجات الىنۋىنا كومەك كورسەتىلگەن.
«بۇل باعىتتا جىلدىق ينديكاتور 2500 قىزمەت بولىپ بەكىتىلسە, جوسپار 105 پايىزعا ورىندالىپ وتىر. بيىل كاسىپكەرلىك نەگىزدەرى كۋرسىن اياقتاعان 705 كاسىپكەر 2,5 ملرد. تەڭگە كولەمىندە قارجى الىپ, ءوز بيزنەستەرىن دامىتۋعا كىرىسكەن. قالعان وقۋدان وتكەن تىڭداۋشىلىر قۇجاتتارىن قارجى ينستيتۋتتارىنا تاپسىرىپ, قارجىلاندىرۋدى كۇتۋدە», - دەدى عاني ءارىپ ۇلى.
ايتا كەتەتىنى, قارجىلاندىرىلعان جوبالار نەگىزىنەن مال شارۋاشىلىعى, ەگىنشىلىك پەن ءوندىرىس جانە قىزمەت كورسەتۋ سالالارىنا باعىتتالعان.
بۇدان بولەك, قۇنى 1 ملرد. تەڭگەدەن استام سوماعا 47 اۋىل شارۋاشىلىق وندىرىستىك كووپەراتيۆتەرىنە جانە 196 كووپەراتيۆ مۇشەلەرىنە 240-قا جۋىق بيزنەس جوسپار ازىرلەنگەن. ناتيجەسىندە 47 كووپەراتيۆ پەن 88 كووپەراتيۆ مۇشەلەرى جالپى سوماسى 891 ملن. تەڭگەگە قارجىلاندىرىلىپ وتىر.
قازىرگى تاڭدا «ONTUSTIK» كاسىپكەرلەرگە قىزمەت كورسەتۋ ورتالىعى كورسەتەتىن قىزمەت تۇرلەرىن كەزەڭ-كەزەڭىمەن تسيفرلىق فورماتقا كوشىرۋ ۇستىندە. اتاپ ايتقاندا, بۇگىندە كەڭەس بەرۋ قىزمەتى تەستتىك جۇيەدە ونلاين تۇرىندە ىسكە اسىپ كەلەدى. 2018 جىلدان باستاپ بىرقاتار قىزمەتتەردى ونلاين رەجيمىنە وتكىزۋ جوسپارلانۋدا.
ورتالىق قىزمەت كورسەتۋ جۇيەسىن بۇدان ءارى وڭتايلاندىرىپ, جەتىلدىرە ءتۇسۋ ءۇشىن ۇتىمدى جوبالار مەن ءتيىمدى تەحنولوگيالاردى ەنگىزۋ جۇمىستارىن جانداندىرا تۇسپەك.
