شاراعا وبلىس اكىمى ەرالى توعجانوۆ, قر اتك باس قولباسشىسىنىڭ ۆيتسە-ادميرالى جانداربەك جانزاقوۆ قاتىستى.
-قازاقستاننىڭ حالقى باقىتتى دەپ تولىقتاي ايتۋعا نەگىز بار. بۇكىل دۇنيەجۇزى مويىنداعان ءىرى مەملەكەتتىڭ قاتارىنا ەندىك. ماڭگىلىك ەل بولۋدى ماقسات ەتكەن وتانىمىز مىندەتتى تۇردە مىقتى ەل بولۋ كەرەك. تاۋەلسىزدىكتى الۋ بار دا, تاۋەلسىزدىكتى نىعايتۋ بار. ونى قورعاۋ بار. وسى باعىتتا ەڭ الدىمەن اسكەري كۇشتەرگە تىكەلەي بايلانىستى. «ماڭعىستاۋ» كەمەسىنىڭ قاتارعا قوسىلۋى – ۇلكەن تاريحي جاعداي. قازاقستاننىڭ اسكەري كۇشتەرىنىڭ كۇننەن-كۇنگە كۇشەيىپ كەلە جاتقانىندىعىنىڭ ايقىن كورىنىسى» دەدى ەرالى توعجانوۆ.
سالماعى 240 توننا, ۇزىندىعى – 41,75 مەتر, ال ەنى -7,8 مەتردى, ءجۇزۋ قاشىقتىعى 1200 ءميلدى قۇرايتىن «ماڭعىستاۋ» زىمىران-ارتيللەريالىق كەمەسى - كاسپي تەڭىزىندە قازاقستان رەسپۋبليكاسى اسكەري-تەڭىز كۇشتەرىنىڭ جاۋاپكەرشىلىك ايماقتارىندا جاۋىنگەرلىك تاپسىرمالاردى ورىنداۋ ءۇشىن جاسالعان. ول سۋ استىنان تونەتىن قاۋىپ-قاتەر مەن استىرتىن ارەكەتتەردى الدىن الا انىقتاي الادى. سونداي-اق, زاماناۋي ارتيللەريالىق قۇرىلعىمەن, راديوتەحنيكالىق قارۋمەن جابدىقتالعان. جاڭا كولىكتىڭ تاعى ءبىر كەرەمەتى, جانارماي قورى ساعاتىنا 60 شاقىرىم جىلدامدىقپەن اشىق تەڭىزدە 10 تاۋلىك جۇرۋگە جەتەدى.
«ماڭعىستاۋ» زىمىران-ارتيللەريالىق كەمەسىنىڭ تەحنيكالىق سيپاتتامالارى قارسىلاستىڭ جاۋىنگەرلىك ءسۋۇستى كەمەسىن, كاتەرىن جانە كولىگىن دەربەس جانە كەمەمەن سوققى بەرۋ كۇشتەرىمەن ءوزارا ءىس-قيمىلدا جويۋدى قامتاماسىز ەتەدى. كەمە بۇل ءۇشىن قاجەتتى جىلدامدىعى, باسقارۋى, ءجۇزۋ الشاقتىعى, دەربەستىگى, ەكيپاجدىڭ مەكەندەۋ شارتتارى سياقتى تەڭىزدە ءجۇزۋ ساپاسىنا يە.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى
