وسىلايشا, تاۋەلسىزدىك كۇنىنە وراي وڭتۇستىك قازاقستان وبلىسىندا كوپقاباتتى 19 تۇرعىن ءۇي پايدالانۋعا بەرىلىپ, 1 مىڭنان استام ادام باسپانالى بولدى. سونىمەن بىرگە وسى كۇندەرى جالپى وبلىستا 15 بالاباقشا مەن 3 مەكتەپ جانە 11 فاپ, 9 مال دارىگەرلىك بەكەتى, 5 سپورت الاڭشاسى ەل يگىلىگىنە ۇسىنىلدى. مەرەكە قارساڭىندا وڭىردە 9 اللەيا مەن قاقپا, 7 ەلدى مەكەنگە ينفراقۇرىلىم جۇرگىزىلىپ, بىرقاتار ەلدى مەكەندەرگە اباتتاندىرۋ جۇمىستارى اتقارىلدى. مۇنان بولەك, 1 كوپىر, 10 ويىن الاڭشاسى مەن 4 مادەنيەت ءۇيى قايتا جاڭعىرتىلدى. سونداي-اق, 700-گە جۋىق تۇرعىنى بار ەلدى مەكەنگە اۋىز سۋ قۇبىرى قوسىلىپ, ءۇش كəسىپورىن جانە تاعى باسقا دا نىساندار اشىلدى.
تارقاتىپ ايتساق, تولە بي اۋدانىندا حالىق يگىلىگىنە جاڭادان 5 قاباتتى 8 تۇرعىن ءۇي پايدالانۋعا بەرىلدى. كوپ قاباتتى تۇرعىن ۇيدەگى پاتەر كىلتىن «نۇرلى جەر» باعدارلاماسى بويىنشا تولەبيلىك 480 وتباسى الدى. ال وسى كۇنى اقتاس ەلدى مەكەنىندە ءبىر مەزەتتە 50 ادامدى قابىلداپ, ساۋمالمەن ەمدەۋگە قاۋقارلى وڭىردەگى بىرەگەي جوبالاردىڭ ءبىرى بولىپ تابىلاتىن «اقكەن-ساۋمال» ەمدىك-ساۋىقتىرۋ ورتالىعى اشىلدى.
مەرەكە قارساڭىندا وڭتۇستىكقازاقستاندىقتار شىمكەنت قالاسىندا بوي كوتەرگەن كوپقاباتتى تۇرعىن ۇيلەردىڭ بىرقاتارىنا قونىستانىپ, 558 وتباسى قونىس تويىن تويلادى. ءنۇرسات شاعىن اۋدانىندا سالىنعان كوپقاباتتى 11 تۇرعىن ءۇي «نۇرلى جەر» تۇرعىن ءۇي قۇرىلىسى باعدارلاماسىنىڭ ەكىنشى باعىتى بويىنشا ىسكە استى. بۇدان بولەك, وسى كۇنى قالاداعى اكىمشىلىك-ىسكەرلىك ورتالىعىندا زامان تالابىنا ساي جابدىقتالعان جاڭا 1200 ورىندىق مەكتەپ پايدالانۋعا بەرىلسە, «اباي» ساياباعىندا ەلىمىزدە العاش رەت مەديتسينا قىزمەتكەرلەرىنىڭ اللەياسى اشىلدى. مۇندا قازاقتىڭ العاشقى شيپاگەرى, حالقىمىزعا وشپەس مۇرا قالدىرعان وتەيبويداق تىلەۋقابىل ۇلىنىڭ ءمۇسىنى مەن قازاقستان رەسپۋبليكاسى دارىگەرلەرىنىڭ انتىنان ءۇزىندى جانە وزگەنى قۇتقارامىن دەپ ءوز جانىن پيدا ەتكەن مەديتسينا قىزمەتكەرلەرىنە ارنالعان تاقتايشا ورناتىلدى. سونداي-اق, شىمكەنتتە ورنالاسقان №104 جالپى ورتا مەكتەبى جانىنان 300 ورىندىق قوسىمشا عيمارات وقۋشىلارعا ەسىگىن اشتى.
جاڭا نىساندار – جاقسى نىشاندار ەكەنىن العا قويعان جەرگىلىكتى بيلىك تەرىسكەيلىك تۇرعىندارعا ەگەمەندىك كۇنىنە تارتۋ ەسەبىندە جاڭا 6 نىساندى ەل يگىلىگىنە ۇسىندى. سوزاق اۋدانىنىڭ ورتالىعى شولاققورعان اۋىلىندا تاۋەلسىزدىك ساياباعى سالتاناتتى تۇردە اشىلدى. مۇندا تاۋەلسىزدىكتى ايشىقتايتىن مونۋمەنت پەن 30 مەترلىك تۇعىردا كوك بايراق ورتانىتىلعان. بۇدان بولەك, اۋداندا مەملەكەتتىك-جەكەمەنشىك ارىپتەستىك اياسىندا ەكى بىردەي بالاباقشا جۇمىسىن باستادى. ولار, شولاققورعان اۋىلىنداعى 75 بالاعا شاقتالعان «اسىل-اي» بوبەكجاي-بالاباقشاسى مەن سوزاق اۋىلدىق وكرۋگىندەگى قوس قاباتتى 100 ورىندىق «ايدىن» بالاباقشاسى. وسى كۇنى, بۇقارالىق سپورتتى دامىتۋ ماقساتىندا اۋدانداعى شولاققورعان, تاستى, قۇمكەنت اۋىلدارىندا سپورت الاڭشالارى تۇرعىنداردىڭ قولدانىسىنا بەرىلدى. جاڭادان اشىلعان سپورت نىساندار ۋران وندىرەتىن «ينكاي» جشس-ءنىڭ دەمەۋشىلىگىمەن سالىنىپ وتىر.
مەرەكەلىك توي-دۋمان وتىرار اۋدانىنداعى 20 نىساننىڭ اشىلۋىمەن ەرەكشەلەندى. مۇندا بالتاكول اۋىلدىق وكرۋگىنە باس قاقپا ورناتىلىپ, اتالعان اۋىلدا تارى-تالقان وڭدەيتىن 2 تسەح ءوز جۇمىسىن باستادى. سونداي-اق, اۋداندا جاڭادان 9 بىردەي مال دارىگەرلىك بەكەتى مەن 3 فەلدشەرلىك-اكۋشەرلىك تىرەك پەن بىرقاتار ساۋدا ورتالىقتارى جانە 1 كوپىردىڭ قۇرىلىسى اياقتالدى.
ەلىمىزدىڭ تاۋەلسىزدىگى كۇنى قارساڭىندا سارىاعاش اۋدانىندا الەۋمەتتىك جانە كوممۋنالدىق 11 نىسان تاپسىرىلدى. ونىڭ ىشىندە 6 عيمارات مەملەكەتتىك-جەكەمەنشىك ارىپتەستىك اياسىندا بوي كوتەرگەن بالاباقشا بولسا, 150 بالاعا شاقتالعان مەكتەپ پەن وتباسىلىق دارىگەرلىك امبۋلاتوريا, ەكى سپورت الاڭشاسى اشىلىپ, ءبىر ەلدى مەكەندە ابباتتاندىرۋ جۇمىستارى جۇرگىزىلدى.
ۇلى كۇندى ۇلىقتاۋ تويىندا تۇلكىباس اۋدانىندا 13 جاڭا نىسان xالىقتىڭ قۋانىشىنا اينالدى. بارشا قازاقستاندىقتار سەكىلدى 110 مىڭ حالقى بار تۇلكىباس جۇرتى ەڭ ۇلىق مەرەكەنى جاڭادان بوي كوتەرگەن ەكى مەديتسينالىق نىسان مەن ءبىر بالاباقشانىڭ اشىلۋىمەن باستادى. سونداي-اق, اۋداندا ارداگەرلەرگە ارنالعان اللەيا مەن دەمالىس ورنى جانە ستەلا بوي كوتەردى. وسى كۇنى تۇلكىباستىقتارعا كۇردەلى جوندەۋدەن وتكەن 4 مادەنيەت ءۇيى مەن ەكى اۋىلعا قايتا جوندەۋدەن وتكەن اۋىز سۋ قۇبىرى تاپسىرىلدى. سونىمەن قاتار, شاقپاق اۋىل وكرۋگىندە وبلىستىڭ تاريحىن تانىتاتىن ستەلا اشىلدى. بۇل قاقپا جامبىل وبلىسىمەن شەكارالاس اۋماقتا ورنالاسىپ وتىر.
ايتۋلى مەرەكەدە, تۇركىستان قالاسىندا 3 نىسان ىسكە قوسىلدى. ماسەلەن, قالاداعى يدۋستريالدى ايماقتا جىلىنا ءۇش مىڭ دانا جۇمساق جيھاز شىعاراتىن «Cordial Turkestan» جشس-گى جۇمىسىن باستاسا, وتىرار مولتەك اۋدانىندا 90 بالاعا شاقتالعان جەكەمەنشىك «ينديرا» بالاباقشاسى ەسىگىن ايقارا اشتى. سونداي-اق, كيەلى قالادا «تۇركى باعى» اللەياسى ورتالىقتىڭ اجارىن اشا ءتۇستى.
ازات كۇندى تويلاۋ كەزىندە ارسى قالاسىندا 8 نىسان پايدالانۋعا بەرىلدى. وندا ەلدى مەكەن تۇرعىندارىنا قىزمەت كورسەتۋ ساپاسىن ارتتىرۋ ماقساتىندا «قازپوچتا» اق بولىمشەسى, مەملەكەتتىك-جەكەمەنشىك ارىپتەستىك اياسىندا سالىنعان 75 بالاعا شاقتالعان «ۇلبالا», 100 بۇلدىرشىنگە لايىقتالعان «باعلان» جانە 360 ورىندىق «ليدەر» بالاباقشالارى اشىلسا, «وتىرار», «ناۋرىز», «وڭتۇستىك» تۇرعىن اۋداندارىندا 28,10 شاقىرىم جول مەن 74,4 شاقىرىم بولاتىن سۋ جۇيەلەرىنىڭ قۇرىلىسى جۇرگىزىلدى. وسىلايشا, اتالعان شاعىن اۋداننىڭ تۇرعىندارى ينفراقۇرىلىممەن قامتاماسىز ەتىلدى.
ماقتارال اۋدانىندا دا ەل مەرەكەسى ايقىن سەزىلدى. مەرەكە كۇندەرى اۋداندا جاڭادان سالىنعان 8 نىسان ەل يگىلىگىنە بەرىلدى. ماسەلەن, ءتورت ەلدى مەكەندە فەلدشەرلىك اكۋشەرلىك بەكەت پەن ەكى اۋىلدا دارىگەرلىك امبۋلاتوريا اشىلسا, ماقتالى جانە قاراقاي اۋىلدىق وكرۋگتەرىنىڭ اكىمى اپپاراتىنىڭ جاڭا عيماراتىنىڭ لەنتالارى قيىلدى.
ال كەنتاۋ قالاسىندا تاۋەلسىزدىك كۇنىنە وراي 14 نىساننىڭ اشىلۋ سالتاناتى ءوتتى. ونىڭ ءبىرى س.قوجانوۆ اتىنداعى ورتالىق ساياباق بولسا, كەيىنگىلەرى «بولاشاق», «باتىس» جانە جۇلدىز» مولتەكاۋداندارىنىڭ ينجەنەرلىك ينفراقۇرىلىم جۇيەلەرىنىڭ قۇرىلىسى اياقتالدى. بۇدان بولەك, كەنتاۋ قالاسىندا كوپقاباتتى تۇرعىن ءۇيدىڭ اۋلالارىندا ورنالاسقان بالالار مەن جاسوسپىرىمدەرگە ارنالعان 10 ويىن الاڭشاسى جوندەۋدەن ءوتتى.
تاۋەلسىزدىك مەرەكەسى قارساڭىندا شاعالالى شاردارادا 900 ورىندىق مەكتەپ اشىلسا, ورداباسى اۋدانىندا ەكى جەكەمەنشىك بالاباقشا بالعىنداردى قۋانتتى. ەلىمىزدىڭ ەگەمەندىگى كۇنى بايدىبەك اۋدانىنداعى جارىقباس ەلدى مەكەنىندەگى 700-گە جۋىق تۇرعىن تازا سۋمەن قامتاماسىز ەتىلدى. بۇل اۋدان تۇرعىندارى ءۇشىن كوپتەن كۇتكەن يگىلىكتى ءىس بولدى.
