«ۇلتتىق كوميسسيا قازاق ءتىلى لاتىن ءالىپبيى بويىنشا ناقتى شەشىمگە كەلگەن جوق, سوندىقتان «اپوستروف» ءالىپبيىن گازەتتەردە يا باسقا جەرلەردە پايدالانۋعا ءالى ەرتە», دەپ جازدى ق.توقاەۆ twitter-دەگى پاراقشاسىندا.
ەسكە سالا كەتەيىك, قازاق ءتىلى ءالىپبيىن لاتىن گرافيكاسىنا كوشىرۋ جونىندەگى ۇلتتىق كوميسسيا بيىل قاراشا ايىندا قۇرىلعان ۇكىمەت جانىنداعى ساباعاتتىق-كەڭەسشى ورگان. ونىڭ ءتورت ارنايى جۇمىس توبى بار. ءبىرىنشىسى – ورفوگرافيالىق (قازاق ءالىپبيىن لاتىن گرافيكاسىنا كوشىرۋدە ورفوگرافيا مەن ورفوەپيا ەرەجەلەرىن دايىنداۋ ءۇشىن). ەكىنشىسى – ادىستەمەلىك (لاتىن ءالىپبيىن ۇيرەتۋ جانە وقىتۋ ادىستەمەسىن جاساپ, ونى ءبىلىم بەرۋ جۇيەسىنە بىرتىندەپ ەنگىزۋ ءۇشىن). ءۇشىنشىسى – تەرمينجاسام (لاتىن گرافيكاسىنىڭ نەگىزىندە قازاق ءتىلىنىڭ تەرمينولوگيالىق بازاسىن جۇيەلەۋ ءۇشىن). ءتورتىنشىسى – ساراپتامالىق-تەحنيكالىق (لاتىن گرافيكاسىن ءىت-تەحنولوگيا تالاپتارىنا سايكەس كەلتىرۋ ءۇشىن).
