الەمنىڭ كىل مىقتى شاڭعىشىلارى باس قوسقان باسەكەدە بارلىعى 87 سپورتشى جۇلدە ءۇشىن تالاس جۇرگىزدى. ولاردىڭ قاتارىندا وبلىستىق دەنە شىنىقتىرۋ جانە سپورت باسقارماسىنىڭ «شقو سپورتتىڭ قىسقى تۇرلەرى بويىنشا جوعارى سپورت شەبەرلىگى مەكتەبى» كمم-ءنىڭ تاربيەلەنۋشىسى الەكسەي پولتورانين دە بولدى.
كوشباسشىدان 49 سەكۋند قالىپ كەلە جاتقان شىعىسقازاقستاندىق شاڭعىشى جارىس جولىنا 14-ءىنشى بولىپ شىقتى. سايىسقا دەيىن الەكسەي ۋاقىت ايىرماشىلىعىمەن نەگىزگى قارسىلاستارىنان ايتارلىقتاي قالىپ تۇردى. الايدا تىڭعىلىقتى دايىندىعى مەن تاجىريبەسىنىڭ ارقاسىندا مارە سىزىعىن 3-ءىنشى بولىپ كەسىپ, ۇزدىك ۋاقىت كورسەتە ءبىلدى. شىعىسقازاقستاندىق سپورتشى نورۆەگيالىق, رەسەيلىك شاڭعىشىلاردى العا جىبەرىپ, 33.35.06 ۋاقىتىمەن الەم كۋبوگى كەزەڭىنىڭ قولا جۇلدەسىن يەلەندى.
ازامات قاسىم,
«ەگەمەن قازاقستان»
شىعىس قازاقستان وبلىسى
