بەكزات ساتتارحانوۆ داڭعىلى بويىنداعى «تۇركى باعى» اللەياسىنىڭ اشىلۋ راسىمىندە قالا اكىمى ءا.وسەرباەۆ بۇل ءىستىڭ باستاماشىسى وبلىس اكىمى جانسەيىت قانسەيىت ۇلى ەكەنىن اتاپ ءوتتى. قالا اكىمى ماعجان اقىن جىرىنا قوسقان «ەكى دۇنيە ەسىگى – ەر تۇرىكتىڭ بەسىگى» سانالاتىن تۇركىستاندا تۇركى بىرلىگىن پاش ەتەتىن ەسكەرتكىشتىڭ بولۋى زاڭدىلىق دەپ ەسەپتەيدى.
سونداي-اق, تاۋەلسىزدىك مەرەكەسىنە وراي, بەكزات مولتەك اۋدانىنداعى يدۋستريالدى ايماقتا “Cordial Turkestan” جشس ءوندىرىس ورنى ىسكە قوسىلدى. جوبا قۇنى 450 ملن. تەڭگە. كاسىپورىن جىلىنا 3000 دانا جۇمساق جيھاز (ماتراس) وندىرۋگە قاۋقارلى.
بۇل كۇنى, سونىمەن قاتار, وتىرار مولتەك اۋدانىنداعى جەكەمەنشىك «ينديرا» بالاباقشاسىنىڭ اشىلۋ ءراسىمى بولىپ ءوتتى. «بالاپان» باعدارلاماسىن ىسكە اسىرۋ ماقساتىندا بوي كوتەرگەن جاڭا بالاباقشا 90 بالانى قارسى الۋعا دايىن.
عالىمجان ەلشىباي,
«ەگەمەن قازاقستان»
