«سارىارقا» اۋدانىنىڭ اۋماعىندا مۇز ايدىندارى مەن حوككەي الاڭدارى مىنا مەكەن-جايلار بويىنشا ورنالاساتىن بولادى:
سارىارقا داڭعىلى, قوسشىعۇل ۇلى كوشەسى, كيرپيچنىي ەلدى مەكەنى, ء«وندىرىس», «كوكتال-1», «كوكتال-2» تۇرعىن ءۇي القاپتارى. ەسىل وزەنىنىڭ جاعالاۋىندا ەكى مۇز ايدىنى اشىلادى. قالالىق الاڭدا كونكيدى جالعا بەرەتىن پۋنكتى بار قوعامدىق مۇز ايدىنى ورنالاستىرىلۋدا. بۇدان بولەك, قىسقى ۋاقىتتا قاجىمۇقان مۇڭايتپاسوۆ اتىنداعى فۋتبول الاڭى مۇز ارەناعا اينالادى.
«الماتى» اۋدانىندا حوككەي الاڭدارى № 5, 27, 30, 31, 32, 57 مەكتەپتەردىڭ اۋماعىندا, سونداي-اق, «جەلەزنودوروجنىي» تۇرعىن ءۇي القابىنداعى №65668 اسكەري ءبولىمنىڭ اۋماعىندا ورنالاساتىن بولادى.
سونىمەن قاتار, 25 جەلتوقساندا اقبۇلاق وزەنىندەگى مۇز ايدىنىنىڭ اشىلۋ سالتاناتى وتەدى دەپ جوسپارلانۋدا. 26 جەلتوقساندا جەرۇيىق ساياباعىنداعى مۇز ايدىنى اشىلادى.
27 جەلتوقساننان باستاپ پرەزيدەنت ساياباعىنداعى قاردان جاسالعان توبەشىكتەردەن سىرعاناۋعا بولادى. بارلىق ساياباقتاردا كونكيدى جالعا بەرەتىن پۋنكتەر مەن تاماقتانۋ ورىندارى بولادى.
بۇدان بولەك, «جاستار» سارايىنىڭ اۋماعىندا دا مۇز ايدىنى مەن سىرعاناۋ توبەشىكتەرى دايىندالىپ جاتىر.
