«ون مىڭ ادامدىق زال لىق تولىپ, كورەرمەندەر كوتەرىڭكى كوڭىل-كۇيمەن كونتسەرتكە ۇلكەن سەرپىن بەردى. بۇل كەشتە قازاق, حانزۋ, فرانسۋز, اعىلشىن تىلدەرىندەگى əندەر شىرقالدى. ديماشتىڭ ورىنداۋىنداعى شىعارمالاردى قىتاي, كانادا, امەريكا, رەسەي, ۋكراينالىق مۋزىكانتتاردان قۇرالعان وركەستر سۇيەمەلدەپ, بيشىلەر بيلەرىمەن ورنەكتەدى. كەش شىمىلدىعى قانات ايتباەۆتىڭ سوزىنە جازىلعان ديماشتىڭ ءوزىنىڭ «سəلەم» əنىمەن اشىلىپ, ۇلىقپان جولداسوۆتىڭ اسقار دۇيسەنبىنىڭ سوزىنە جازىلعان «جۇلدىزىم» əنىمەن جالعاستى», - دەپ جازدى قانات ايتباەۆ ينستاگرام پاراقشاسىندا.
كەشتە, سونىمەن قاتار, ايگۇل باجانوۆانىڭ «ماحاببات بەر ماعان» ءəنىنىڭ حانزۋ تىلىندەگى نۇسقاسى, ورال بايسەڭگىردىڭ سوزىنە جازىلعان ديماشتىڭ «ۇمىتىلماس كۇن» əندەرى ورىندالىپ, تىڭدارماندار بىرگە قوسىلىپ شىرقاعان.
بۇدان بولەك, بەيجىڭ قالاسىنان كەلگەن شىعارماشىلىق توپ زامانۋي ساحنالىق بەزەندىرۋدىڭ, رەجيسسەرلىك وڭتايلى شەشىمدەردىڭ شەبەرلىگىن كورسەتە بىلگەن.
«قىتاي ەلىندەگى قازاق فولكلورلىق تريوسى قىتاي حالىقتىق تريوسىمەن بىرلەسە شىعارما ورىنداپ كونتسەرتكە كورىك بەردى - دوستىق əۋەندەرىن توگىلتتى. ديماش ءوزىن رويالمەن سۇيەمەلدەي وتىرىپ ەستايدىڭ «قورلانىن» ورىندادى. ينتەرناتسيونالدىق وركەسترمەن بىرگە نۇرعيسانىڭ «Əلقيسساسىن», قۇرمانعازىنىڭ «ادايىن» دومبىرامەن تارتتى. ديماشتىڭ جاقىندا جازىلعان «Əلەمدە سوعىس بولماسىن» اتتى ءتول تۋىندىسى قىتاي تىلىندە ورىندالىپ حالىقتى تەبىرەنتتى. كەش بويى كورەرمەندەردىڭ قوشەمەتى, ىقىلاسى ەرەكشە بولدى», - دەپ جازدى ءانشىنىڭ اكەسى.
كونتسەرتتە كروسسوۆەر, ەتنو, كلاسسيكا, پوپ باعىتىنداعى جالپى سانى وتىز ءبىر شىعارما ورىندالىپ, كەش شىمىلدىعى سايات Əبەنوۆتىڭ سوزىنە جازىلعان ديماشتىڭ ءوزىنىڭ ء«تəتتى ەلەس» əنىمەنەن جابىلدى.
