«بۇگىن وكىنىشتىسى, قۇمان اعامىز دۇنيەدەن ءوتتى. قوشتاسۋ ءراسىمىنىڭ ۋاقىتى ءالى بەلگىلەنگەن جوق. قۇمان اعامىز 1969 جىلدان باستاپ, م. اۋەزوۆ اتىنداعى اكادەميالىق دراما تەاترىندا قىزمەت ەتىپ كەلگەن», - دەدى ءباسپاسوز قىزمەتىندەگىلەر.
قۇمان تاستانبەكوۆ 1945 جىلى بۇرىنعى تالدىقورعان وبلىسىندا دۇنيەگە كەلگەن. قازاقستاننىڭ حالىق ءارتىسى, قازاقستان لەنيندىك كومسومول سىيلىعىنىڭ لاۋرەاتى, «قۇرمەت», «پاراسات» وردەندەرىنىڭ يەگەرى. 1969 جىلى قازاق مەملەكەتتىك قۇرمانعازى اتىنداعى كونسەرۆاتوريانىڭ تەاتر فاكۋلتەتىن بىتىرگەن. ول ساحنادا و. بوكەەۆتىڭ «ق ۇلىنىم مەنىڭدەگى» - جان, «ۆەتنام جۇلدىزىنداعى» - ۇشقىش, ءا. نۇرپەيىسوۆتىڭ «قان مەن تەرىندە» - تاڭىربەرگەن, ع. مۇسىرەپوۆتىڭ «اقان سەرى-اقتوقتىسىندا» - اقان, س. مۇقانوۆتىڭ «شوقان ۋاليحانوۆىنداعى» - شوقان, ت. احتانوۆتىڭ «انتىندا» - ساۋران, م. اۋەزوۆتىڭ «ايمان-شولپانىندا» - الىبەك, ت. احتانوۆتىڭ «جوعالعان دوسىندا» - ەستەمەسوۆ, ش. ايتماتوۆتىڭ «انا-جەر-اناسىندا» - قاسىم, «اق كەمەسىندە» - قۇلبەك, ە. دومباەۆتىڭ ء«بىزدىڭ كلاستىڭ قىزدارىندا» - تولەگەن, ب. مۇقايدىڭ ء«ومىرزاياسىندا» - تسەزار, ف.ەرۆەنىڭ «تۇلكى بيكەشىندە» - فلوريدور, ن. حيكمەتتىڭ «فارحاد-شىرىنىندا» - فارحاد سىندى نەگىزگى رولدەردى سومدادى. تەاتر رەپەرتۋارىندا ءجۇرىپ جاتقان سپەكتاكلدەردە - شاحيماردەننىڭ «توميريسىندە» - بالقاش, س. تورايعىروۆتىڭ «قامار سۇلۋىندا» - ومار, س. مۇقانوۆتىڭ ء«مولدىر ماحابباتىندا» - جاقىپبەك, ت. نۇرماعانبەتوۆتىڭ «ەسكى ۇيمەن قوشتاسۋىندا» - جالعاسبەك, ب. جاكيەۆتىڭ «جۇرەيىك جۇرەك اۋىرتپايىندا» - قاريا, م. زادورنوۆتىڭ «كۇيەۋىڭىزدى ساتىڭىزشى» كومەدياسىندا - اندرەي, گ. گاۋپتماننىڭ «ىمىرتتاعى ماحابباتىندا» - شتەينيتس, شەكسپيردىڭ «رومەو مەن دجۋلەتتاسىندا» - مونتەككي, د. كوبۋرننىڭ (اۋد. ە. امانشاەۆ) «جىنويناعىندا» - ۆەللەر مارتين (رەج. ە.ا مانشاەۆ, ا. كاكىشەۆا), ا. چەحوۆتىڭ «اپالى-ءسىڭلىلى ۇشەۋ» دراماسىندا (اۋد. ءا. بوپەجانوۆا, رەج. ر. اندرياسيان, ا. كاكىشەۆا) - كۋلىگين رولدەرىن سومداعان.
«ق. تاستانبەكوۆتىڭ كينو ونەرى سالاسىنداعى ەڭبەگى دە ەلەۋلى. ول اتاقتى «قىز جىبەك» فيلمىندەگى (رەجيسسەر س. قوجىقوۆ, ستسەناري ع. مۇسىرەپوۆ, رەداكتور ا. سۇلەيمەنوۆ, 1970 ج.) تولەگەن رولىمەن «جۇلدىزى جانعان» اكتەر. بۇدان كەيىن دە كوپتەگەن فيلمگە - ء«بىزدىڭ عاني»» (1971), «قىس - سۋارمالى كەزەڭ ەمەس» (1972), «مۇندا اققۋلار ۇشىپ كەلەدى» (1973), «اققۋلار جاڭعىرىعى» (1974), «قوسىمشا ساۋالدار» (1978), «اعامنىڭ قالىڭدىعى» (1979), «پروۆينتسيالدى رومان» (1981), «قاراشا قازدار قايتقاندا» (1981), «ورنەك» (1982), «الاڭ جيەگىندە» (1982), «كىمسىڭ سەن, سالت اتتى؟» (1987),«ادام-جەل» (2003), «ماحامبەت» (2008) ت.ب. تۇسكەن», -دەلىنگەن اۋەزوۆ تەاترىنىڭ مالىمەتىندە.
قازاقستاننىڭ حالىق ءارتىسى (1993), كسرو كينەماتوگرافيستەر وداعىنىڭ مۇشەسى (1991), قازاقستان لەنيندىك كومسومول سىيلىعى لاۋرەاتى (1976). «قۇرمەت» وردەنىنىڭ يەگەرى (2008), قر تاۋەلسىزدىك كۇنىنە وراي, المالى اۋدانىنىڭ الەۋمەتتىك, ەكونوميكالىق, قوعامدىق, ساياسي ومىرىنە قوسقان ۇلەسى, جوعارى كاسىبي بىلىكتىگى مەن ازاماتتىق بەلسەندىلىگى ءۇشىن ماراپاتتالعان.
